სარო

სარო თაშნეშე უჩა ბედინერი, შაშურამი (ლათ. Symphytum) — მიარეწანიანი ოდიარე ჩანარეფიშ გვარი საროშობურეფიშ ფანიაშე. ჩანარს ღილე ჸვინთელი, იაიაშფერ-ლენი, ოშა-გოშათ ჩე პიოლეფი, კაკალამი გუმნაღელი უღუ.

ჩინებული რე საროშ 25-შახ გვარობა, ნამუეფიშ არანი იკათუანს ევროპას, ბჟადალ აზიას, ოორუე აფრიკას. საქორთუოს გოფაჩილი რე 5 გვარობა. სარო ჩანს ლამე, დაორებულ ვარ-და სქირე აბანეფს, წყარმალუშ წყარპიჯის, ტყაშ დო სუბალპურ ორტყაფუს, დო, მუჭთ ჟვერი — ოდიარუეფს, დოლოეფს დო ორტვინეფს, კანკალე რედერალურ აბანეფს.

საროშ კანაკლე გვარობა (ლათ. Symphytum peregrinum, Symphytum asperum) ორინჯიშ ოჩამური რე, კანკალე ოკათე მედიცინას ოსქილადე ჩანარო რე ჩინებული, სამანგ., (მელენიშ) ჯინჯეფი B₂ვიტამინს იაკთუანს დო შონეფი უჯვეშაშ ბორჯიშე გჷმირინუანა მოტახილობაშ ოსქილადეთ. ლათ. Symphytum officinale-ს ჯინჯეფი დო ნაჯინჯურეფი ალკალოიდეფს დო მარჩქალე ნიფთიარობეფს იკათუანს.

ლიტერატურა

• ღვინიაშვილი ც., ქორთული სხუნუეფიშ ენციკლოპედია, ტ. 6, ხს. 148, ქართი, 1983 წანა.