歐洲聯盟
| 歐盟旗 | |
| 格言：in varietate concordia | |
| 官方語言 | 捷克話、丹麥話、德文、愛沙尼亞話、希臘話、英文、西班牙話、法文、意大利話、拉脫維亞話、立陶宛文、匈牙利話、馬爾他文、荷蘭話、波蘭話、葡萄牙話、芬蘭話、瑞典話、斯洛伐克話、以及斯洛文尼亞話 |
| 政經中心 | 布魯塞爾、斯特拉斯堡、盧森堡城 |
| 歐洲理事會輪任主席國 | 匈牙利 |
| 歐洲委員會主席 | 馮德萊恩 |
| 歐洲議會議長 | Roberta Metsola |
| 面積 - 總面積 - 水域面積百分比 |
按一國算則列世界第7位 3 892 685 km² xx% / Negligible |
| 人口 - 總人口（2024年）
|
按一國算則列世界第3位
|
| GDP - 總數（2024年）
|
按一國算則列世界第2位
|
| 成立時間
|
馬斯特里赫特條約
|
| 通貨 | 歐元² |
| 時區 | UTC ±0 至 +2 |
| 歐盟盟歌 | 《歡樂頌》 |
| 國際功能變數名稱縮寫 | .EU.INT, .eu |
| 長途電話代碼 | 成員國分佈喺3字頭同4字頭區域 |
|
（1）
另參閱歐洲聯盟喺佢各個官方語言中嘅名：歐盟官方語言名一覽 | |
歐盟係世界上最緊密嘅國際組織，係一個超國家組織，故此某程度上類似一個國家，它嘅最高法律係2003年通過、2004年1月1日開始實施嘅《入盟條約》（Treaty of Accession 2003）。
有法律學者認為唔應該將歐盟睇成國際組織，應睇成獨特嘅實體（sui generis entity）。
目前有關歐盟嘅主要議題係歐盟嘅擴大、制定歐盟憲法及英國脫歐。
1993年11月1號，獲得歐洲共同體所有12個成員國批准後，《歐洲聯盟條約》隨即生效。歐共體仍然係歐洲聯盟首位、最重要嘅基礎。歐洲共同體嘅稱呼將繼續使用，尤其係喺某啲法律性檔中，例如喺建立歐洲共同體條約嘅基礎上簽署嘅正式法案。
起初推動歐盟建立嘅係二戰後對損失慘重嘅歐洲重建嘅渴望，以及防止歐洲再度陷入戰爭泥潭。呢個主體最初係共同市場，然後變成歐洲共同體（European Community），到1993年變成而家嘅歐盟。歐盟已經從貿易實體轉變成經濟同埋政治聯盟。
歷史
[編輯]最初喺1948年由荷蘭、比利時、盧森堡三國組成嘅關稅聯盟，主要係免除關稅，開放原料、商品嘅自由貿易。
到1951年，荷蘭、比利時、盧森堡、法國、意大利、德國成立歐洲煤鋼共同體（ECSC），合作推動煤同埋鋼鐵嘅生產銷售。1957年六國喺羅馬簽署《羅馬條約》（Treaty of Rome），1958年正式成立歐洲經濟共同體（EEC）同埋歐洲原子能共同體，主旨係創造共同市場，取消會員國間嘅關稅，促進會員國間勞力、商品、資金、服務嘅自由流通。
1965年六國簽訂《布魯塞爾條約》，並喺1967年生效，歐洲共同體成立（EC）。
1972年後，愛爾蘭、英國、丹麥、希臘、葡萄牙同埋西班牙先後加入歐洲共同體。
1987年7月1號歐洲單一法案生效。1990年6月簽訂神根公約，消除過境關卡限制，令會員國間無國界，於1993年1月1號生效。
1992年1月簽訂《馬斯垂克條約》，設立理事會、委員會、議會，逐步由區域性經濟共同開發轉型為區域政經整合嘅發展。
1993年1月1號《馬斯垂克條約》生效，歐洲共同體改名做歐洲聯盟（EU），共同發展外交同埋安全政策，加強司法及內政事務上嘅合作。
1995年1月1號會員國增加瑞典、芬蘭同埋奧地利，並於1999年推出共同貨幣「歐元」，2002年1月1號正式啟用。
2004年第五次擴張，波蘭、捷克、斯洛伐克、匈牙利、愛沙尼亞、拉脫維亞、立陶宛、斯洛文尼亞、馬爾他、塞浦路斯加入歐盟。
2020年1月31號，英國脫歐進入過渡期，係歐盟第一次有成員國退出。
地位
[編輯]歐盟係目前最緊密嘅地區性國際組織。成員國已將部分國家主權交畀組織（例如貨幣、金融政策、內部市場、外貿），令歐盟越來越似聯邦制國家。然而歐盟重唔係真正嘅國家，成員國依然係歐盟條約嘅最終裁決人，歐盟本身都無權行使各成員國嘅主權。
成員國
[編輯]目前，歐盟有27個成員國。1950年嘅六個創建國為︰
22個成員國喺後來一系列嘅擴大浪潮中加入︰
- 1973年︰
愛爾蘭共和國、
丹麥
- 1981年︰
希臘
- 1986年︰
西班牙、
葡萄牙
- 1995年︰
芬蘭、
瑞典、
奧地利
- 2004年︰
愛沙尼亞、
拉脫維亞、
立陶宛、
波蘭、
捷克、
匈牙利、
斯洛伐克、
斯洛文尼亞、
馬爾他、
塞浦路斯
- 2007年︰
羅馬尼亞、
保加利亞
- 2013年：
克羅地亞
註︰1990年，歐盟由於東德同西德統一而擴大。
除咗以上27國以外， 摩納哥、
安道爾等歐洲小國都同歐盟簽訂特殊協議。
歐盟一部分成員國嘅海外領地，例如 格陵蘭等，唔係歐盟嘅一部分。
挪威喺1972年同1994年兩次喺國內進行過加入歐盟嘅全民投票，兩次都冇通過，因此至今都未加入歐盟。
英國喺1973年加入，2020年1月31號退出。
| 國家 | 首都 | 加入日子 | 人口[1] | 面積（km2） |
|---|---|---|---|---|
| 維也納 | 1995年1月1號 | 8,451,900 | 83,855 | |
| 布魯塞爾 | 創建國 | 11,161,600 | 30,528 | |
| 索菲亞 | 2007年1月1號 | 7,284,600 | 110,994 | |
| 薩格勒布 | 2013年7月1號 | 4,262,100 | 56,594 | |
| 尼科西亞 | 2004年5月1號 | 865,900 | 9,251 | |
| 布拉格 | 2004年5月1號 | 10,516,100 | 78,866 | |
| 哥本哈根 | 1973年1月1號 | 5,602,600 | 43,075 | |
| 塔林 | 2004年5月1號 | 1,324,800 | 45,227 | |
| 赫爾辛基 | 1995年1月1號 | 5,426,700 | 338,424 | |
| 巴黎 | 創建國 | 65,633,200 | 674,843 | |
| 柏林 | 創建國[2] | 80,523,700 | 357,021 | |
| 雅典 | 1981年1月1號 | 11,062,500 | 131,990 | |
| 布達佩斯 | 2004年5月1號 | 9,908,800 | 93,030 | |
| 都柏林 | 1973年1月1號 | 4,591,100 | 70,273 | |
| 羅馬 | 創建國 | 59,685,200 | 301,338 | |
| 里加 | 2004年5月1號 | 2,023,800 | 64,589 | |
| 維爾紐斯 | 2004年5月1號 | 2,971,900 | 65,200 | |
| 盧森堡城 | 創建國 | 537,000 | 2,586 | |
| 華列他 | 2004年5月1號 | 421,400 | 316 | |
| 阿姆斯特丹 | 創建國 | 16,779,600 | 41,543 | |
| 華沙 | 2004年5月1號 | 38,533,300 | 312,685 | |
| 里斯本 | 1986年1月1號 | 10,487,300 | 92,390 | |
| 布加勒斯特 | 2007年1月1號 | 20,057,500 | 238,391 | |
| 布拉迪斯拉發 | 2004年5月1號 | 5,410,800 | 49,035 | |
| 盧布爾雅那 | 2004年5月1號 | 2,058,800 | 20,273 | |
| 馬德里 | 1986年1月1號 | 46,704,300 | 504,030 | |
| 士多貢 | 1995年1月1號 | 9,555,900 | 449,964 |
-
Quai d'Orsay酒店係1950年代歐洲煤鋼共同體嘅發起地
-
歐洲中央銀行大樓
條約
[編輯]歐盟嘅擴張
[編輯]歐盟嘅總面積係3,892,685平方千米。如果當歐盟係一個國家，將係世界上第七大國家。到2018年，歐盟大約有5億人口。
歐盟係世界上第二大經濟實體，2018年嘅國內生產總值達到17萬億美元，僅次於美國（19萬億美元）。預計接落嚟嘅幾十年內，將隨著更多國家加入而有較快增長。不過，新加入嘅國家嘅人均生產總值都低於歐盟嘅平均水準，可能會令歐盟喺短期內人均生產總值有一定嘅下降。
歐盟公民人口（根據馬斯特里赫特條約，所有歐盟成員國嘅公民都係歐盟嘅公民）位居世界第三位（排喺中國同印度之後）。
2004年擴大
[編輯]2002年10月9號，歐洲委員會嘅《戰略報告》（Strategic Report）建議喺2004年將十個候選國納入歐盟，佢哋包括：愛沙尼亞、拉脫維亞、立陶宛、波蘭、捷克、匈牙利、斯洛伐克、斯洛文尼亞、馬耳他同埋塞浦路斯。喺呢啲國家同歐盟成員國進行談判後，佢哋應邀加入歐盟嘅聲明喺2002年12月13號喺哥本哈根發表，連同2003年4月9號歐洲議會嘅贊同票。
2003年4月6號，入盟條約由呢10個新成員國同埋15個舊成員國喺雅典簽署。最後一步係由當前成員國同埋每個候選國對條約進行批准。對於前者，條約由成員國議會單獨通過，對後者來說，條約首先要進行全民投票（塞浦路斯除外，因為該國有議會單獨負責）。2003年嘅每個成員國嘅公投結果如下：
- 馬耳他 - 3月8號 （54%同意）
- 斯洛文尼亞 - 3月23號 （90%同意）
- 匈牙利 - 4月12號 （83%同意）
- 立陶宛 - 5月10-11號 （91%同意）
- 斯洛伐克 - 5月16-17號 （92%同意）
- 波蘭 - 6月7-8號 （77%同意）
- 捷克 - 6月13-14號 （77%同意）
- 愛沙尼亞 - 9月14號 （67%同意）
- 拉脫維亞 - 9月20號 （67%同意）
如果一個國家嘅公投唔贊同加入歐盟，根據條約，歐盟仍然會將同意加入歐盟嘅國家加入到歐盟，而唔將該國加入到歐盟中。呢啲國家已經喺2004年5月1號正式成為歐盟成員國。
進一步擴大
[編輯]保加利亞和羅馬尼亞被推薦喺2007年加入歐盟。另外，土耳其由1963年開始，就成為歐盟嘅准會員國，佢亦會被正式認為歐盟擴大嘅候選國。由於土耳其嘅人權紀錄同埋軍隊喺政治中嘅作用，佢到而家都未獲批准加入歐盟，而歐盟就鼓勵佢繼續進行改革。
歐盟主要政策議題
[編輯]- 歐盟憲法同埋新嘅決策機制
- 成員國間嘅自由貿易
- 一致嘅對外關稅，以及一致嘅對外貿易地位
- 移除成員國家嘅邊界控制（除咗英國、愛爾蘭等等），睇神根公約
- 歐盟成員國任何國家嘅公民只要可以供養自己，都可以自由喺歐盟成員國內居住同埋做嘢
- 允許歐盟任何國家嘅公民喺當地政府同埋歐洲議會嘅選舉中投票
- 成員國間資金自由流動
- 協調政府法規公司法律同埋商標註冊
- 單一貨幣：歐元（除咗英國、瑞典、丹麥等等）
- 歐盟內部大範圍嘅環境政策合作
- 共同嘅農業同牧業政策
- 喺預防犯罪行為方面進行協作，包括分享情報，協調犯罪行為嘅定義
- 一個共同嘅對外政策係歐盟努力嘅目標，但係仍然有相當嘅一段路要走。歐盟喺2003年對伊拉克戰爭上嘅分歧表明歐盟離呢個目標重有幾遠嘅路程
- 一個共同嘅安全策略，包括建立一支60,000人嘅快速反應部隊作為維和目的，一支歐盟軍隊同一個歐盟衛星中心（獲取情報目的）
- 對收容外來移民制訂一致嘅政策
- 共同嘅附加稅、消費稅等等
- 援助不發達地區嘅基金
- 建立援助候選國同埋其他東歐發展中國家嘅資金
- 研究基金
所有呢啲目標取決於成員國之間嘅協調，而歐洲法律而家都越來越多噉出現喺成員國嘅法律體系中。所有成員國都被要求喺一個共同嘅歐洲法律框架內立法。
歐盟嘅結構
[編輯]歐盟法律包括好多（重複嘅）法律結構，佢係通過各種國際條約嘅簽訂所建立起來嘅。近呢啲年來，歐盟不斷致力將歐盟法律簡化，並開始起草歐洲憲法。
歐共體喺歐盟中嘅角色
[編輯]「歐共體」係歐盟成立之前對佢成員國嘅稱呼。今日呢個名依然存在，但係意義已經改變。「歐共體」係歐盟嘅三大支柱之一（另外兩個係歐盟共同外交政策同埋刑事方面的員警和司法合作），亦係最重要嘅支柱。歐共體係唯一一個以跨國運作為主嘅機構，係歐盟嘅主體，各歐盟組織（見下）都係歐共體嘅組成部分。
歐盟（及歐洲各大共同體）機構
[編輯]- 歐洲議會（直選產生嘅民意機構，European Parliament）
- 歐洲委員會（歐盟執委會，European Commission）
- 歐洲理事會（歐盟各國部長理事會，the Council of European Union, the Council）
- 歐洲法院（European Court of Justice）
- 歐洲審計院（European Court of Auditors）
- 歐盟官方語言名一覽
參考
[編輯]出面網頁
[編輯]- 歐洲聯盟嘅官方網站 （20種話）
- 歐洲委員會駐華代表團 （中文） （英文）
- 歐盟對華政策 （英文）
- Europedia: Guide to European policies and legislation
- 〈欧盟概况 — 中华人民共和国外交部〉 (簡體中文)。中華人民共和國外交部。
- 〈歐洲聯盟 European Union - 歐洲地區 - 中華民國外交部 - 全球資訊網 Ministry of Foreign Affairs, Republic of China (Taiwan)〉 (繁體中文)。中華民國外交部。
- 歐洲聯盟喺中央情報局《世界概況》嘅資料 （英文）
- "European Union - Department of Foreign Affairs and Trade" (英文). 澳洲外交貿易部.
| 成員國 | ||
|---|---|---|
| 前成員國 | ||
20國集團成員國 | ||
|---|---|---|
| 成員國 | ||