JTB 理論
呢篇文 需要補充更多來源。 |
JTB 理論（Justified true belief）係知識論入面對知識嘅其中一種定義，認為知識應該係一種「確證嘅真信念」。具體嚟講，係指若且唯若滿足咗下面呢三個條件嗰陣時，「S知道P」呢一個命題先至可以得以成立：
- P係真；
- S相信P係真；
- S確證地或有理由相信P係真。
有一套理論係葛提雅問題（Gettier problem），呢個反駁咗JTB理論。當中提出咗上述三個條件就算得到滿足，喺某啲情況下仍然唔可以講「S知道P」。[1]對於呢個情況，羅伯特·諾齊克提出咗「真理追踪」（truth-tracking），認為只要合理解釋「確證」嘅意義，就能夠化解葛提雅嘅反駁。佢保留原先JTB理論入面嘅前面兩個條件，然後將第三個「確證」條件改成「如果P唔係真，S就唔相信P；如果P係真，S就相信P」。
JTB包括理據（justification）、真（truth）同埋信念（belief）三個元素。
簡史
[編輯]關於知識最有影響力嘅作品係柏拉圖嘅《泰阿泰德篇》，喺書入面佢發展咗知識嘅定義。我哋知道，想要俾人定義成知識，啲嘢必須係真嘅，而且必須令人相信係真嘅。蘇格拉底認為呢啲重唔夠，人重要必須為呢樣嘢搵到理由或者證明。
哲學史上大部分時間，知識意味住被證實有絕對真實性嘅信念。任何缺乏絕對真實嘅都叫做可能嘅觀點。呢種觀點至少喺喺20世紀早期羅素本書哲學嘅問題（The Problems of Philosophy）重好流行。喺隨後嘅幾十年入面，呢種觀點開始少咗人理。
所以知識由於證實而區別於人哋所相信而且真實嘅事。認識論要解決嘅問題就係點樣恰當咁證實真實嘅相信。人有時將呢啲稱為證實理論。
《泰阿泰德篇》入面嘅定義認為我哋可以相信一件事而唔去知道佢。佢暗示我哋可以相信一切我哋所知道嘅事。呢樣，我哋知道嘅事係我哋相信嘅事嘅子集。
睇埋
[編輯]參考
[編輯]- ↑ Chisholm, Roderick (1982). Knowledge as Justified True Belief. Minneapolis: University of Minnesota Press. ISBN 0816611033.