可持續性建築（sustainable architecture）係廿一世紀建築物上嘅一條原則：根據呢條原則，為咗滿足當代嘅社會思潮，喺設計一棟建築物嗰陣時，個建築師應該要考慮棟嘢係咪環保，例如要用環保嘅物料起、要諗吓棟嘢對周圍自然環境嘅影響、而且要諗埋棟嘢嘅運作（即係冷氣、用水、同廢物處理呀噉）會唔會需要太多嘅非可再生能源等等。
