孔雀

How to read a taxobox 孔雀
印度藍孔雀
物種分類
界 動物界 Animalia 門 脊索動物門 Chordata 綱 鳥綱 Aves 目 雞形目 Galliformes 科 雉科 Phasianidae 屬 孔雀屬 Linnaeus, 1758 非洲孔雀屬 Chapin, 1936
種
藍孔雀 Pavo cristatus 綠孔雀 Pavo muticus

開屏嘅雄性藍孔雀

孔雀（粵拼：hung2 zoek2*3）係一種雀，屬雞形目，雉科，又叫越鳥、南客。孔雀包括兩個屬：孔雀屬（學名 Pavo）同非洲孔雀屬（學名 Afropavo）。

繁殖

孔雀繁殖方式係乸擇偶，孔雀公嘅尾毛大細同埋羽毛上嘅圖案大細對孔雀乸擇偶有直接影響。啲乸會揀尾毛長、圖案大嘅公，較佳嘅擇偶會影響仔女喺野外嘅生存機會。

喺進化論相關嘅研究上，孔雀成日畀人攞嚟做性選擇嘅一個例子：喺舊啲嘅進化論研究當中，孔雀一路都畀人覺得怪；由物競天擇嘅角度睇，孔雀公啲羽毛咁大咁樣眼，理應係會搞到佢哋容易吸引獵食者嘅注意，對佢哋生存同繁殖不利；不過事實又表明咗，孔雀公嘅呢種特性通過到物競天擇嘅考驗一代傳一代；呢種現象一般會用性選擇嘅概念理解—孔雀乸特別鍾意啲羽毛又大又色彩鮮艷嘅孔雀公，隻隻都爭住同噉樣嘅公交配，而「羽毛又大又色彩鮮艷」呢點可以作為一種訊號，話畀啲孔雀乸知「我身手好靈敏，好擅長生存，孭住咁笨重嘅羽毛都生存得到」；即係話一種原本對生存繁殖不利嘅特徵，因為乸嘅擇偶喜好而變成有助啲公生後代嘅特徵，所以就係性選擇嘅一個例子。

繁殖動向

中國好耐以前已經有飼養孔雀作觀賞嘅記載。通常會連同梅花鹿一齊養。直到而家，孔雀亦係動物園受歡迎嘅雀。

響香港，現時養孔雀嘅地方有嘉道理農場暨植物園同九龍公園嘅百鳥居。以前荔園動物園，香港海洋公園（現時被送往嘉道理農場），沙田彭福公園同維多利亞公園亦都養過孔雀。

文化

大漢時有五言樂府一曲《孔雀東南飛》，古仔講一個新婦同佢老公好恩愛，而新婦（讀心抱）畀奶奶嗑，娘家又迫佢改嫁，最後夫婦分別殉情。

經濟價值

• 孔雀毛造手工藝扇，作舞台表演

睇埋

• 性選擇
• 訊號理論