孫堅
| 孫堅 | |
|---|---|
| 姓名原文 | 孫堅 |
| 出生日 | 155年 |
| 出生地 | 富陽 |
| 死亡日 | 192年 |
| 死亡地 | 襄陽 (漢) |
| 國籍 | 東漢、吳 |
| 職業 | 軍人、政治人 |
| 配偶 | Lady Wu |
| 仔女 | Sun Lang、孫策、孫權、Sun Yi、Sun Kuang、孫夫人、Sun Jun、Sun Shi、Q108127734、Q108127736 |
| 阿爸 | Sun Zhong |
| 兄弟姊妹 | Sun Qiang、Sun Jing |
[改維基數據] | |
孫堅（粵拼：syun1 gin1；156年—191年），字文台（man4 toi4），吳郡富春縣（今浙江杭州富陽）人。東漢末年嘅將領。係孫武嘅後裔[1]。
東吳勢力嘅開始
[編輯]孫堅後生嗰時黃巾起義，佢平定一啲黃巾部隊，獲朝廷封佢做別部司馬。公元185年，涼州嘅邊章同韓遂叛變，嗰時朝廷任命嘅車騎將軍張溫邀請孫堅一齊去，任命佢做「與軍從事」，孫堅嗰時已經察覺到董卓會搞到天下大亂，所以勸張溫殺董卓，但係張溫諸多藉口，實際上係怕咗董卓，所以無殺佢。
後來長沙盜匪區星自稱將軍，集結萬幾人攻城掠地，周朝、郭石呢啲民變首領都喺零陵、桂陽，響應區星。朝廷就任命孫堅做長沙太守。孫堅自己親自率領兵將，又度啲計策應付，用咗一個月左右嘅時間就收拾咗區星，之後又收拾埋周朝同郭石，整理好呢嘅三個郡。漢朝總結孫堅之前嘅功勞，封佢做烏程侯。
討伐董卓
[編輯]公元190年，關東諸侯起兵討伐董卓。孫堅帶領軍隊到魯陽同袁術盟。袁術立即上表，令孫堅成為「破虜將軍」，代理豫州刺史。所以孫堅又稱「孫破虜」。
之後孫堅屯兵喺梁東，俾董卓大將徐榮大敗於梁縣，俾董卓俘虜嘅手下都受到殘酷殺害。跟住孫堅改屯陽人，喺廣成大敗內部問題嚴重嘅董卓軍，領軍嘅大督護胡軫狼狽走佬，都督華雄被殺（三國演義移花接木咗嘅關羽身上）。
壯志難酬
[編輯]最後孫堅雖然成功入主洛陽並逼走董卓，但係因為聯軍嘅內部分裂，無人再以國事為重，孫堅唯有修輯好洛陽嘅皇帝陵墓，然後班師撒退。
公元191年，孫堅喺袁術嘅命令下攻打劉表嘅荊州，俾劉表部下黃祖嘅屬下射死，終年三十六。孫權做皇帝之後，追諡孫堅「武烈皇帝」，廟號「始祖」。喺《三國演義》裏面就改成因為中咗蒯良嘅計謀而俾黃祖部將呂公射死。