魔神：我可以畀你有三個願望。
阿拉丁：噉，唔該救返我阿媽。
鎮尼
鎮尼（粵拼：zan3 nei4；阿拉伯文：جن，羅馬字轉寫 jinn），又或者叫魔神，係一種超自然傳說生物，遠古阿拉伯（伊斯蘭教仲未出現嗰陣）已經有民間故事講佢哋，而伊斯蘭教信仰入面都有提及鎮尼嘅形象。
喺伊斯蘭信仰當中，鎮尼會同人類並存，有好嘅有壞嘅。
喺有奇幻性質嘅虛構故仔當中，魔神最出名嘅形象係噉：魔神被困喺神燈入面，人類捽吓盞神燈就會放隻魔神出嚟，一隻魔神會幫放佢出嚟嘅人達成三個願望；例如 1992 年嘅迪士尼電影《阿拉丁》就係噉。
