香港節日
香港節日係喺香港嘅普遍節日，一般都會有唔同嘅活動來慶祝。呢啲節日大概可以分做傳統同埋西方嘅節日。
傳統節日
[編輯]農曆新年
[編輯]喺香港過新年，一樣能夠感受到中式傳統節日嘅喜慶氣氛，可以行年宵花市、食賀年美食、去廟宇參拜等，亦有國際時尚嘅花車巡遊、光雕匯演，傳統喜氣嘅維港煙花，特色地道嘅許願節、賀歲賽馬等，各式慶典熱鬧上演。
車公誕
[編輯]車公誕喺初二或初三，好多善信都會去到車公廟轉風車、拜祭，祈福許願。
相傳，車公係宋朝（公元960至1279年）一位大元帥，曾平定華南一場叛亂。南宋末年，宋帝昺南下避難，車大元帥一直護駕到香港，並駐守西貢。後來獲道教奉為神明，並立廟供奉。
元宵節
[編輯]元宵節喺農曆正月十五，係唐人嘅情人節，香港每年都會喺唔同地區嘅公園或公共休憩用地舉行元宵綵燈晚會。到咗夜晚，唔少家庭或者情侶，都會去花燈會去慶祝，賞花燈、猜燈謎，處處洋溢住濃濃嘅唐人情人節浪漫氣氛。
洪聖爺誕
[編輯]洪聖爺誕喺農曆二月十三，係紀念洪聖大王嘅節日。相傳洪聖大王係唐朝重臣，姓洪名熙，官至番禺刺吏，通曉天文地理，常幫助商旅漁民。據講，佢死後英靈不滅，屢次拯救人民於災難。為咗紀念佢並祈求庇蔭，沿海漁民起廟祀奉，將佢奉為海神。
洪聖爺誕到新界上水、有逾800年歷史嘅河上鄉去，最能夠體驗香港嘅地道鄉村節慶文化。洪聖誕慶典當日，河上鄉有飄色巡遊匯演、大型盆菜宴、粵劇同埋搶花炮儀式。
清明
[編輯]拜祭祖先，係東方人幾千年來嘅傳統習俗。喺清明，孝子賢孫會去到先人嘅墓前拜祭，清除雜草同供奉生果香酒，以表示對先人嘅尊敬。香港大部分墳地墓園都有公共交通連接，清明節當日更有特別加班服務嘅安排。
媽祖生
[編輯]媽祖生喺廿三，香港嘅漁民人數越來越少，但係海上守護神天后娘娘仍然廣受擁戴。每年天后誕，香港各區70幾座天后廟都有慶祝活動，其中以元朗花炮會景巡遊同西貢大廟灣慶典最受矚目。
相傳天后姓林名默，自細就有預測天氣嘅特殊本領，喺海難中救人無數，過去香港沿海鄉民同漁民都起廟供奉佢，以祈求風調雨順，漁獲豐收。
太平清醮
[編輯]太平清醮喺初五至初九，係香港獨有嘅民間節慶，歡騰又充滿地道色彩。節慶期間，島上居民全情參與，舞龍舞獅鑼鼓喧天，其中「搶包山」比賽同飄色會景巡遊係主要亮點。
由於獨一無二嘅搶包山，長洲太平清醮又叫做「包山節」，「醮」意思係祭祀活動。相傳清朝中葉長洲瘟疫為患，居民向北帝神祈福，並奉北帝神像遊行，疫症至消除。今日，長洲太平清醮唔單只係國家級非物質文化遺產，更獲美國《時代週刊》雜誌網站選為「全球十大古怪節日」之一。
佛誕
[編輯]佛誕喺初八，每年佛誕，全香港佛堂寺廟都有禮佛慶典同浴佛法會，其中以大嶼山寶蓮禪寺嘅活動最盛大。佛誕又叫「浴佛節」，相傳佛祖出世嘅時候，天上有九條龍噴下清泉為佢沐浴，所以日後佛誕都有呢個儀式。今日善信會以香湯沐浴佛身，寓意以佛祖嘅智能，洗滌污濁，淨化心靈。同樣蘊藏禪理嘅重有賀誕嘢食蒝荽餅，餅味帶甘苦，寓意人生苦盡甘來。
譚公誕
[編輯]譚公誕喺初八，每年譚公誕香港多座譚公廟都有賀誕活動，其中筲箕灣譚公廟嘅慶典，規模最大亦最有睇頭。
譚公係海上嘅守護神，相傳佢係元朝惠東歸善人（而家廣東惠州），12歲得道，能夠呼風喚雨、預測天氣同幫人醫病，所以俾漁民奉為神明。走進譚公廟，會發現譚公嘅塑像竟然係細路嘅樣。相傳係因為佢年少得道，練成長生不老之術，即使年屆80仍然能夠保持孩童嘅容貌。
端午節
[編輯]端午節喺初五，端午節唔單止係唐式傳統節慶，仲可以係熱鬧嘅體育盛會。
端午節係紀念戰國時期楚國賢臣屈原嘅節日，佢為咗力諫君主而自溺於汨羅江。傳說鄉民喺江上爬龍舟找尋屈原嘅遺體，不斷敲鑼擊鼓嚇走魚群，並且將糭投入江中，以免魚蝦啄食佢嘅遺體。自此以後，爬龍舟同食糭成為咗端午節嘅習俗。
端午節前後，香港多個沿海地區都會奉行傳統習俗，舉行龍舟競渡活動。呢項充滿民間色彩嘅節慶，近年已經發展成為國際化嘅體育運動，令到賽事更具觀賞趣味。
端午節期間，好多香港市民除咗品嚐應節嘅糭，亦會暢泳於碧波之中，泡泡寓意吉祥嘅「龍舟水」，藉此感受節日氣氛。
關帝誕
[編輯]關帝係三國時代（公元220至280年）嘅歷史人物，係正義同忠烈嘅象徵。位於香港荷李活道嘅文武廟，供奉關帝（武帝）同文昌帝（文帝）。每年農曆六月廿四嘅關帝誕，文武廟都會有相關嘅拜祭儀式。
盂蘭節
[編輯]盂蘭節係唐人傳統祭祖嘅節日之一，香港人俗稱「鬼節」，喺當日啲人通常會祭祀祖先，教育子孫後代要孝敬父母，善待親人。此外，因為傳說農曆七月鬼魂可以來到人間，部分市民會喺路邊焚燒紙錢香燭以超渡遊魂。
喺這個月裡，香港各區嘅公園、廣場或球場多數會舉辦盂蘭勝會，其中以喺銅鑼灣維多利亞公園舉辦嘅潮人盂蘭文化節最為盛大。此外，各區嘅神功戲表演同樣不容錯過。神功係指為神做功德嘅意思，因為慶祝神誕或配合打醮等活動而上演嘅戲曲所以叫做神功戲。一般神功戲會喺臨時搭建嘅竹棚上演，以便人神共樂。
過去潮籍人士由中國內地移居到香港嘅時候帶來咗盂蘭勝會嘅傳統，今日已經有百幾年歷史。佢哋所辦嘅盂蘭勝會，由農曆七月初一舉行，一直到七月底，活動包括祭祀、燒紙錢、派平安米、福物競投、神功戲演出等。2011年，香港潮人盂蘭勝會更被列入第三批《國家級非物質文化遺產名錄》之中。
中秋節
[編輯]中秋節喺十五，係圓人團圓嘅佳節，香港人跟親朋好友歡聚、賞花燈之餘，重會品嚐口味多元化嘅月餅。呢啲熱鬧溫馨嘅活動，為不朽嘅傳統添上新意同活力，亦帶來地道嘅中秋色彩。
中秋期間，全香港多處都會舉行中秋綵燈會，畀旅客同市民歡聚同慶佳節。其中以維多利亞公園嘅中秋綵燈會規模最大，豐富節目包括綵燈展覽、傳統技藝表演、遊戲攤位同燈謎競猜等。
香港出產嘅月餅，除咗傳統嘅蓮蓉口味，重有千變萬化嘅口味，有世界首創嘅冰皮月餅，重有充滿地道風味嘅芝麻豆花、香滑奶茶、雪糕月餅、軟心餡料嘅流心月餅、名貴嘅黑松露菌月餅、法國鵝肝月餅等。著重健康飲食嘅，重可以選擇低糖月餅。
重陽節
[編輯]重陽節喺初九，又叫秋祭，係唐人憑弔先人、食海鮮敬老尊賢嘅傳統節日。據講，登高呢個習俗源自漢代（公元前202至公元220年），當時有一位相士對海鮮街鄉民桓景話，喺初九，佢一定要帶佢嘅家眷到鄉郊嘅最高處暫避災禍。結果成條鄉村經歷咗一場浩劫，而佢亦因為登山而倖免於難。自此，後人效法登高之舉，成為習俗。
今日，喺重陽節當日，有啲香港人會全家帶住海鮮街海鮮果品同糕點登高掃墓，亦有市民會趁住秋高氣爽之際去登高。
冬至
[編輯]俗話有話：「冬大過年」，對唐人來講，除咗農曆新年，冬至可以話係最重要嘅傳統節日。冬至係二十四節氣之一，起源同東方人嘅陰、陽觀念有關。冬至係一年之中晚間時間最長嘅一日，而唐人相信呢日正喺陰寒本性最強烈嘅時候，但係亦代表「陽」嘅光明同溫暖將逐漸取代「陰」嘅極寒本性，因此，冬至係一個協調同和諧嘅歡樂時刻。
今日，喺冬至當晚，香港市民都會同親友好好食一餐豐富嘅晚飯、食湯丸應節，共聚天倫。
西方節日
[編輯]復活節
[編輯]喺眾多西方節日之中，除咗聖誕節，復活節亦係香港嘅公眾假期。香港市民會趁住呢幾日假期，以唔同嘅方式輕鬆一下。好多餐廳又會推出復活節嘅主題菜單，麵包舖、蛋糕舖更會精心烘製可愛嘅白兔、雞仔造型包點，維妙維肖。
萬聖節
[編輯]每年10月，香港搖身變成「萬聖狂歡之城」。盛大多樣嘅萬聖節活動、熱鬧逗趣嘅節日氣氛、驚喜十足嘅美食。着上奇裝異服，投身蘭桂坊嘅鬼魅派對
聖誕節
[編輯]十二月聖誕節維港兩岸嘅摩天大樓、大街小巷掛滿創意燈飾，華麗亮眼。重會有旅遊景點嘅節日主題活動、商場嘅減價優惠同餐廳嘅聖誕大餐，仲有嘢玩。