Gaan na inhoud

Ar-Rum

in Wikipedia, die vrye ensiklopedie
Die drukbare weergawe word nie meer ondersteun nie en kan leweringsfoute hê. Dateer asseblief jou blaaierboekmerke op en gebruik asseblief eerder die verstekblaaierdrukfunksie.
الروم
  Soera 30 van die Koran  
Klassifikasie Mekkaans
In Arabies Ar-Rûm
Transliterasie Ar-Roem
In Afrikaans "Die Romeine"
Deel 21
Ajat 60

Ar-Rûm (Arabies: الروم, "Die Romeine") is die 30ste soera, of hoofstuk, van die Koran. Dit bevat 60 ajat, of verse, en is vermoedelik in Mekka aan Mohammed geopenbaar. Dié soera begin met die allegoriese letters (muqattaʿat) Alief, Laam, Miem.

In die tyd van Mohammed het die naam "Romeine" verwys na die Oos-Romeinse Ryk; die hoofstuk word dus soms "Die Grieke" of "Die Bisantyne" genoem.[1] Dit verskaf inligting oor hoe die kataklismiese Bisantyns-Sassanidiese Oorlog van 602-628 vir die Arabiere van Mekka gelyk het – belangstellende toeskouers wat nog onbewus daarvan was dat hulle binne 'n generasie die wêreld van imperialisme sou betree en beide die Bisantyne en Sassaniede sou verslaan.

Opsomming

Die hoofstuk begin deur die onlangse nederlaag van die Bisantynse Ryk deur die Sassanidiese Ryk in Jerusalem, naby die Dooie See, te noem. Dié nederlaag het 'n aansienlike teologiese en sosiologiese probleem vir die vroeë Moslemse gemeenskap geskep omdat die Bisantyne Christene was, terwyl die Sassaniede, wat hulle verslaan het, Zoroastriste was. Ar-Rum is deels 'n antwoord aan die nie-Moslemse Arabiese Mekkane, wat geglo het die Sassanidiese oorwinning is 'n teken dat die tradisionele politeïstiese praktyke die oorhand sou kry oor die monoteïsme van die Abrahamitiese gelowe.[2] In die derde en vierde vers word die Moslemse gemeenskap belowe dat die Bisantyne Jerusalem binne 'n paar jaar ná hulle nederlaag sou terugverower.[3]

Die Romeine is verslaan. In ’n nabygeleë land, maar ná hulle nederlaag sal hulle weer ’n oorwinning behaal, binne nege jaar. Die gebod is Allah s’n vóór dit en ná dit. En op daardie dag sal die gelowiges hulle verheug in die hulp van Allah. Hy help wie Hy wil, en Hy is die Almagtige, die Genadige.
—Soera 30:2-5[4]

Moslems glo dié profesie is bewaarheid met keiser Herakleios se veldtog van 622, toe die Bisantyne die Sassaniede in Anatolië beslissend verslaan het, en noem dit as 'n voorbeeld van die wonderbaarlike aard van die Koran.[5][6]

Verwysings

  1. ↑ The Qur'an. OUP Oxford. 2008. ISBN 978-0-19-157407-8.
  2. ↑ Maḥallī, Jalāl al-Dīn Muḥammad ibn Aḥmad, Suyūṭī en Ṣafī al-Raḥmān Mubārakfūrī. 2002. Tafsīr al-Jalālayn. Riyāḍ: Dār al-Salām.
  3. ↑ Abdel Haleem, M. A. 2004. The Qurʼan. Oxford: Oxford University Press, 257.
  4. ↑ Die Heilige Quran. In Afrikaans vertaal deur Imam M.A. Baker. Uitgegee deur IDM (Islamic Dawah Movement of Southern Africa) Publications. ISBN 978-0-620-60451-2
  5. ↑ Norman Geisler; Abdul Saleeb (2002). Answering Islam: The Crescent in Light of the Cross (hersien uitg.). Baker Books. p. 107. ISBN 9780801064302.
  6. ↑ Uday Shanker (1992). Internal Unity Of All Religions. Enkay Publishers. p. 129. ISBN 9788185148441.

Skakels

Vorige soera:
Al-Ankabut 		Die Koran Volgende soera:
Lu'kman
Soera Ar-Rum

1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114

Ontsluit van "https://af.wikipedia.org/w/index.php?title=Ar-Rum&oldid=2678406"