Archimedes
| Archimedes | |
Archimedes, soos voorgestel deur die Italiaanse skilder, Domenico Fetti, in 1620
| |
| Gebore | ca. 287 v.C. Sirakuse, Sisilië, Magna Graecia |
|---|---|
| Oorlede | ca. 212 v.C. (op ca. 75) Sirakuse, Sisilië |
| Blyplek | Sirakuse, Sisilië |
| Vakgebied | Wiskunde, fisika, ingenieurswese, sterrekunde, uitvinding |
| Bekend vir | Archimedes se beginsel Archimedes se skroef Hidrostatika hefbome |
Archimedes van Sirakuse (Grieks: Άρχιμήδης) (287 v.C. – 212 v.C.) was ’n antieke Griekse wiskundige, fisikus en ingenieur. Alhoewel min oor sy lewe bekend is, word hy beskou as een van die leidende wetenskaplikes in die klassieke oudheid. Benewens sy ontdekkings in die veld van wiskunde en meetkunde, word die vervaardiging van masjiene wat hul tyd ver vooruit was aan hom toegeskryf.[1]
Hy het die fondamente van hidrostatika gelê en die beginsel van die hefboom verklaar, die toestel waarop meganika gebaseer is. Sy vroeë vorderings in wiskundige analise sluit in die eerste bekende samevatting van ’n oneindige reeks, met 'n metode wat vandag gebruik word. Die geskiedkundiges van Antieke Rome het 'n sterk belangstelling in Archimedes getoon en verslae van sy lewe en werk geskryf, terwyl die relatief min kopieë van sy verhandelings wat die Middeleeue oorleef het 'n invloedryke bron van idees was vir wetenskaplikes tydens die Renaissance.
In verband met dryfvermoë het Archimedes die volgende gesê:
| Enige voorwerp, heeltemal of gedeeltelik gedompel in 'n vloeistof, word opgestoot deur 'n krag gelyk aan die gewig van die vloeistof wat deur die voorwerp verplaas word. - Archimedes |
Volgens oorlewering het hy hierdie beginsel, wat as Archimedes se wet bekend is, in die bad gesnap. Hy het glo dadelik uitgespring, kaal buitentoe gehardloop en uitgeroep: "Eureka" (ek het dit gevind)![2]
Sy dood
Die dood van Archimedes het plaasgevind tydens die beleg van Sirakuse, toe hy vermoor is deur 'n Romeinse soldaat, ten spyte van bevele dat hy nie leed aangedoen moes word nie.
Sy dood In 212 v.C. het die Romeine Sirakuse uiteindelik beset. Archimedes was besig om meetkundige figure in 'n sandbak te teken toe 'n Romeinse soldaat sy huis binnekom. Onbewus dat dit Archimedes was, het hy hom met sy swaard neergevel. Die aanvoerder van die Romeinse magte, Claudius Marcellus, was baie ontsteld toe hy van Archimedes se dood verneem . Die Romeine , wat groot waarde aan akademiese prestasies geheg het, het 'n groot bewondering en respek vir Archimedes gehad.
Kyk ook
Verwysings
- ↑ O'Connor, J.J. and Robertson, E.F., MacTutor, Archimedes van Syracuse, Januarie 1999
- ↑ HAT Taal-en-feitegids, Pearson, Desember 2013, ISBN 978-1-77578-243-8
Bronnelys
Wêreldspektrum, Volume 2, bl.49-51, ISBN 0908409419