3 Makkabeërs

Ptolemeus IV Philopator probeer die Jode deur olifante teregstel; die Jode bid en word deur twee engele gered (Nederlandse graveerwerk, omstreeks 1700).

3 Makkabeërs (Grieks: Μακκαβαίων Γ´, Makkabaíōn 3) ook genoem die Derde Boek van Makkabeërs, is 'n boek wat in Koine geskryf is, waarskynlik in die 1ste eeu v.C. in die Romeinse Egipte. Ondanks die titel, het die boek niks te doen met die Makkabese Opstand teen die Seleukidiese Ryk wat in 1 Makkabeërs en 2 Makkabeërs beskryf word nie.

Dit vertel die verhaal van die vervolging van die Jode onder farao Ptolemeus IV Philopator (222-205 v.C.) in die Ptolemeïese Ryk, 'n paar dekades voor die Makkabese Opstand in Judea. Die storie se bedoeling is om die oorsprong van die Poerimagtige fees te verduidelik wat in Egipte gevier word.

3 Makkabeërs stem effens ooreen met die boek Ester, wat ook beskryf hoe 'n koning aangeraai word om die Joodse diaspora in sy gebied uit te wis, maar deur God gekeer word.

In 3 Makkabeërs probeer koning Ptolemeus IV Philopator die Tweede Tempel in Jerusalem binnegaan, maar word deur goddelike mag gekeer. Hy begin die Jode haat en gee die Jode van Egipte opdrag om in die hippodroom byeen te kom om deur olifante tereggestel te word. Die Jode wat hulle geloof versaak, sou gespaar bly. God beskerm egter die Jode en Ptolemeus se olifante vertrap sy eie manne. Die koning verander van plan en laat die Jode gaan.

Die Jode vra daarna toestemming om terug te keer huis toe en al die Jode dood te maak wat hulle geloof versaak het in 'n poging om gespaar te bly. Die boek bevat 'n brief, blykbaar deur Ptolemeus, wat sy toestemming gee. Eindelik keer die Jode terug huis toe.^[1]^[2]^[3]

Verwysings

↑ Hadas, Moses (1953). The Third and Fourth Books of Maccabees. New York: Harper & Brothers. LCCN 53-5114.
↑ "Third Book of Maccabees". Encyclopaedia Judaica (2de) 13. (2007). Macmillan Reference USA.
↑ Dyer, Brian R. (2021). "3 Maccabees". In Oegema, Gerbern S. (red.). The Oxford Handbook of the Apocrypha. Oxford University Press. pp. 187–199. doi:10.1093/oxfordhb/9780190689643.013.11. ISBN 9780190689667.

Skakels

Hierdie artikel is in sy geheel of gedeeltelik uit die Engelse Wikipedia vertaal.

[1] Hadas, Moses (1953). The Third and Fourth Books of Maccabees. New York: Harper & Brothers. LCCN 53-5114.

[ej2-2] "Third Book of Maccabees". Encyclopaedia Judaica (2de) 13. (2007). Macmillan Reference USA.

[dyer-3] Dyer, Brian R. (2021). "3 Maccabees". In Oegema, Gerbern S. (red.). The Oxford Handbook of the Apocrypha. Oxford University Press. pp. 187–199. doi:10.1093/oxfordhb/9780190689643.013.11. ISBN 9780190689667.

[1]

[2]

[3]