Oosgrens-Afrikaans

Oosgrens-Afrikaans het ontstaan vanweë die afsondering van die taalgemeenskap van mense aan die oosgrens van die Kaap. Uit die taalgemeenskap het die Voortrekkers ook gekom wat met Voortrekker-Afrikaans die taalvariant saamgeneem het tot in die binneland van Suid-Afrika. Geografies word die Afrikaanse dialekte in drie hoofgroepe verdeel: Kaapse Afrikaans, Oosgrens-Afrikaans en Oranjerivier-Afrikaans.

Oosgrens-Afrikaans vorm die basis van Standaardafrikaans, dit word hoofsaaklik in die ooste van die voormalige Nederlandse Kaapkolonie gepraat, 'n gebied wat nou die weste van die Oos-Kaapse provinsie van Suid-Afrika vorm.