Litiumoksied

Eienskappe

Algemeen
Naam	Litiumoksied
Struktuurformule van
Chemiese formule	Li2O
Molêre massa	29,88 g/mol
CAS-nommer	12057-24-8
Voorkoms	Wit vaste stof
Fasegedrag
Selkonstantes	465 pm
Ruimtegroep	Fm3m
Nommer	225
Strukturbericht	C1
Smeltpunt	1427 °C
Kookpunt
Digtheid	2,013 [g/cm3]
Oplosbaarheid
Suur-basis eienskappe
pKa
Veiligheid
Flitspunt	onbrandbaar
Tensy anders vermeld is alle data vir standaardtemperatuur en -druk toestande.
Portaal Chemie

Litiumoksied (Li₂O) is 'n anorganiese chemiese verbinding. Dit is 'n wit vaste stof. Alhoewel dit nie spesifiek belangrik is nie, word baie materiale beoordeel op grond van hul Li₂O inhoud.

Kristalstruktuur

Die stof het die antifluorietstruktuur met litiumatome op die fluooratome se plek en suurstof op die kalsiumatome s'n. Die struktuur is kubies. Die stof is 'n diamagnetiese halfgeleier met 'n groot bandgaping (4,85 eV). By hoër temperature (~1200K) gaan die stof oor in 'n fase met hoë ioniese beweeglikheid van die Li⁺-ioon.

Chemiese eienskappe

Litiumoksied kan verkry word deur litiumnitraat sterk te verhit:

${2LiNO_{3}(s)}\xrightarrow {hitte} {Li_{2}O(s)+NO\uparrow +NO_{2}\uparrow +O_{2}\uparrow }$

Dit los in water stadig op en vorm 'n sterk basis:

${Li_{2}O(s)+H_{2}O(l)}\to {2LiOH(aq)}\to {2Li^{+}(aq)+2OH^{-}(aq)}$

Batterye

Daar is in 2023 baie navorsing na litium-lugbatterye waarin litiumoksied 'n rol speel. Ongelukkig kan litium met suurstof ook ander oksiede vorm soos litiumsuperoksied LiO₂ en litiumperoksied Li₂O₂ en dit veroorsaak komplikasies soos 'n groot oorpotensiaal wat vereis word om kinetiese probleme te oorwin. Daar word gesoek na geskikte katalisators soos grafeen met iridiumoksied of die heemmolekuul om hierdie probleme te oorwin.