Steynsdorp

Steynsdorp
Dorpie
Steynsdorp
Koördinate: 26°8′0″S 30°59′0″O
Land	Suid-Afrika
Provinsie	Mpumalanga
Distriksmunisipaliteit	Gert Sibande
Plaaslike Munisipaliteit	Albert Luthuli
Bevolking
• Totaal	585
• Swart inwoners	100%
Tydsone	SAST

Steynsdorp was 'n klein dorpie in Mpumalanga, Suid-Afrika. Dit is egter deesdae 'n spookdorp.

Geskiedenis

Die dorp het sy ontstaan en ondergang te danke aan goud. In Julie 1885 het die prospekteerders Jim Painter en Frank Austen spoelgoud hier ontdek. In April 1886 was daar reeds 800 delwers in Painter's Camp soos die delwery genoem is. Gedurende 1886 het kommandant JP Steyn die delwerye besoek en die naam is verander na Steynsdorp, ter ere aan hom. 'n Dorp is gou uitgemeet en in 1887 geproklameer. Teen dié tyd het die dorp 'n bevolking van 3 000 gehad. Die goud was maar min en moeilik om uit te haal en vinnig het die dorp agteruitgegaan; veral toe goud aan die Witwatersrand ontdek is.

Vandag

Al wat van die dorpie oorgebly het is een winkel. Dit is nog moontlik om die fondasies van geboue en strate in die veld te sien.

Sien ook

• Lys van dorpe in Suid-Afrika

Bron

• Op Pad in Suid-Afrika. B.P.J. Erasmus. 1995. ISBN 1-86842-026-4