Gaan na inhoud

Rugby Afrika

in Wikipedia, die vrye ensiklopedie
Rugby Afrika
Kenteken van Rugby Afrika
Kenteken van Rugby Afrika
Engelse naam Rugby Africa
Franse naam Rugby Afrique
Afkorting RA
Vasteland Afrika
Lede 36
Sportsoorte Rugby, Sewesrugby
Stigting 1986
Gestig in Tunis, Tunisië
Sambreelorganisasie Wêreldrugby
Aangesluit in 1988
President Herbert Mensah (Vlag van Ghana Ghana)
Setel Kaapstad, Suid-Afrika
Amptelike tale Engels en Frans
Amptelike webwerf rugbyafrique.com

Rugby Afrika (Engels: Rugby Africa; Frans: Rugby Afrique, afgekort “RA”) is die kontinentale beheerliggaam vir rugby in Afrika. Hulle is ook een van Wêreldrugby se ses kontinentale konfederasies.[1] Die konfederasie is in 1986 gestig en hulle hoofkantoor is in Kaapstad, Suid-Afrika, geleë. Die amptelike tale is Engels en Frans en Herbert Mensah dien as president van Rugby Afrika.

Rugby Afrika organiseer verskeie vastelandse toernooie, insluitend die Afrikabeker vir nasionale seniorrugbyspanne vir mans, vroue en jeug. Rugby Afrika hou ook toesig oor Sewesrugby in Afrika en aangesien dit ’n Olimpiese sportsoort is, werk hulle met die Vereniging van Nasionale Olimpiese Komitees van Afrika (ANOCA) saam.

In 1986 is Rugby Afrika onder die naam Konfederasie van Afrikarugby (Engels: Confederation of African Rugby; Frans: Confédération Africaine de Rugby) in Tunis gestig deur Ivoorkus, Kenia, Madagaskar, Marokko, Senegal, Seychelle, Tanzanië en Tunisië.[2] Ná die einde van Apartheid kon in Julie 1992 die Suid-Afrikaanse Rugbyunie (SARU) ook toetree, by verre die vasteland se belangrikste beheerliggaam. In 1998 het die vastelandse beheerliggaam die eerste eie toernooi aangebied, die Rugbywêreldbeker 1999-Afrikakwalifisering. Twee jaar later het die eerste Afrikabeker gevolg.[3] In Desember 2014 is die Konfederasie van Afrikarugby hernoem in Rugby Afrika.[4]

Lidlande

[wysig | wysig bron]
Lidlande van Rugby Afrika volgens aantal geregistreerde rugbyspelers in 2018:[5]

   >600 000 lisensies

   >200 000 lisensies

   >100 000 lisensies

   >40 000 lisensies

   >20 000 lisensies

   >10 000 lisensies

   >5 000 lisensies

   <5 000 lisensies

Rugby Afrika het tans 36 lede:[6]

Sien ook

[wysig | wysig bron]

Verwysings

[wysig | wysig bron]
  1. ↑ (en) "Africa". Wêreldrugby. Besoek op 17 Desember 2023.
  2. ↑ (en) "About us". Rugby Afrika. Besoek op 17 Desember 2023.
  3. ↑ (en) "Thirty years of rugby in Africa: The early days". Wêreldrugby. 4 April 2016. Besoek op 17 Desember 2023.
  4. ↑ (fr) "La Confédération africaine de rugby devient Rugby Afrique". Africa Top Sports. 14 Desember 2014. Geargiveer vanaf die oorspronklike op 3 November 2018. Besoek op 3 November 2018.
  5. ↑ (en) "Global Participation in Rugby" (PDF). Wêreldrugby. 2018. Besoek op 17 Desember 2023.
  6. ↑ (en) "Rugby Africa Unions". Rugby Afrika. Besoek op 17 Desember 2023.

Eksterne skakels

[wysig | wysig bron]
Ontsluit van "https://af.wikipedia.org/w/index.php?title=Rugby_Afrika&oldid=2660669"