Gaan na inhoud

Wolodimir Zelenski

Wysig skakels
in Wikipedia, die vrye ensiklopedie
Wolodimir Zelenski
Володимир Зеленський
Wolodimir Zelenski
Wolodimir Zelenski in 2024
6de President van Oekraïne
Ampsbekleër
Termynaanvang
20 Mei 2019
Voorafgegaan deur Petro Porosjenko
Persoonlike besonderhede
Gebore 25 Januarie 1978 (1978-01-25) (46 jaar oud)
Kriwi Rih, Sowjetunie
(tans Oekraïne)
Politieke party Sloeha Narodoe - Dienaar van die Volk
Eggenoot/-note Olena Zelenska (∞ 2003)
Kind(ers) 2
Alma mater Nasionale Ekonomiese Universiteit van Kijif (departement in Kriwi Rih)
Handtekening

Wolodimir Oleksandrowitsj Zelenski (Oekraïens: Володи́мир Олекса́ндрович Зеле́нський;[nota 1] gebore 25 Januarie 1978 in Kriwi Rih) beklee sedert 20 Mei 2019 die amp van Oekraïense president. Hy is 'n voormalige akteur en komediant.[1]

Zelenski het as 'n Russiessprekende Jood grootgeword in Kriwi Rih, 'n groot stad in die Dnipropetrofsk-oblast in Sentraal-Oekraïne. Hy het 'n graad in die regte verwerf en later 'n loopbaan in die media- en rolprentbedryf gevolg as akteur, draaiboekskrywer, televisieaanbieder en rolprentvervaardiger. In 2003 het hy die rolprentateljee Студія Квартал-95 (Stoedija Kwartal-95) gestig, wat rolprente, strokiesprente en TV-programme vervaardig. Daaronder was die TV-reeks Dienaar van die Volk, waarin Zelenski die rol van die Oekraïense president vertolk. Die reeks is van 2015 tot 2019 uitgesaai en was uiters gewild. Werknemers by Kwartal-95 het in Maart 2018 'n politieke party met dieselfde naam as die TV-reeks gestig.

Zelenski het sy kandidaatskap in die Oekraïense presidentsverkiesing van 2019 op die aand van 31 Desember 2018 aangekondig, op dieselfde tyd as die nuwejaarstoespraak van die destydse president, Petro Porosjenko. Hy was 'n politieke buiteperd, maar het reeds in meningspeilings een van die voorlopers in die verkiesing geword. Hy het die verkiesing met 73,23% van die stemme in die tweede ronde gewen, en daarmee het hy Porosjenko geklop. Hy het sy veldtog gevoer as 'n persoon teen die establishment en teen korrupsie.

As president was Zelenski 'n voorstander van e-regering en eenheid tussen die Oekraïens- en Russiessprekende dele van die land se bevolking.[2](p11-13) Sy kommunikasiestyl is om sosiale media, veral Instagram, baie te gebruik.[2]:7-10 Sy party het kort ná sy beëdiging as president 'n groot oorwinning in die parlementêre verkiesing van 2019 behaal.

Tydens sy presidensiële veldtog het Zelenski beloof om die uitgerekte konflik tussen die Oekraïne en Rusland te beëindig en het hy probeer om 'n dialoog met die Russiese president, Wladimir Poetin, aan te knoop.[3] Toenemende spanning met Rusland het egter in 2021 sy administrasie in die gesig gestaar, en dit het gelei tot die Russiese inval in Oekraïne in 2022. Zelenski se strategie gedurende die opbou van Russiese aggressie was om die Oekraïense bevolking te kalmeer en die internasionale gemeenskp te verseker dat Oekraïne nie wraak sal neem nie.[4]

Ná die begin van die inval het Zelenski die krygswet in die hele Oekraïne afgekondig en 'n algemene mobilisasie van die weermag aangekondig. Hy is internasionaal wyd geprys vir sy leierskap in die krisis en beskryf as 'n simbool van die Oekraïense weerstand.[5][6]

Zelenski is in 2022 aangewys as die tydskrif Time se Persoon van die Jaar, en volgens meningspeilings was hy Oekraïne se beste president nog.[7][8]

Vroeë lewe

[wysig | wysig bron]

Zelenski is op 25 Januarie 1978 gebore in Kriwi Rih, wat toe in die Oekraïense SSR geleë was.[9][10] Sy vader, Oleksandr Zelenski, is 'n professor en rekenaarwetenskaplike en die hoof van die departement kibernetika en rekenaarhardeware aan die Kriwi Rih-staatsuniversiteit van ekonomie en tegnologie; sy moeder, Rimma Zelenska, was 'n ingenieur.[11]

Voordat hy laerskool toe is, het Zelenski vier jaar lank in die Mongoolse stad Erdenet gewoon waar sy vader gewerk het.[10] Sy spreektaal as kind was Russies.[12][13] Hy het later 'n regsgraad aan die Kriwi Rih- ekonomiese instituut verwerf, maar nooit in die regsveld gewerk nie.[10][14]

Vermaakloopbaan

[wysig | wysig bron]

Op 17-jarige ouderdom het Zelenski aangesluit by 'n plaaslike span wat in die Russiese komedieliga KWN meegeding het.[15] Hy is gou genooi om by die verenigde Oekraïense span aan te sluit wat die liga in 1997 gewen het.[10][16][17] In dié jaar het hy ook Kwartal 95 gestig en gelei, wat later die komediespan Kwartal 95 geword het. Van 1998 tot 2003 het Kwartal 95 aan die KWN-liga deelgeneem en baie in Moskou en die oudrepublieke van die Sowjetunie getoer.[10][16] In 2003 het Kwartal 95 TV-programme vir die Oekraïense TV-kanaal 1+1 begin vervaardig, en in 2005 het die span na die TV-kanaal Inter geskuif.[10]

Zelenski in 2009 in Praag.

In 2008 het hy gespeel in die rolprent Liefde in die Groot Stad en sy opvolg, Liefde in die Groot Stad 2.[10] Daarna het rolle gevolg in Kantoorromanse. Ons Tyd (2011) en Rzhevsky Versus Napoleon (2012).[10] Liefde in die Groot Stad 3 is in Januarie 2014 uitgereik.[10] Zelenski het ook die hoofrol gespeel die 2012-prent 8 Eerste Afsprake en in 'n opvolg in 2015 en 2016.[10] Hy het ook stemwerk gedoen.[18]

Zelenski was van 2010 tot 2012 'n raadslid en die algemene vervaardiger van die TV-kanaal Inter.[14] In Augustus 2014 het hy kritiek gelewer op die plan van die Oekraïense departement van kultuur om Russiese kunstenaars uit Oekraïne te verban.[19] Sedert 2015 het Oekraïne Russiese kunstenaars, media en kuns verbied om Oekraïne binne te gaan.[20]

Kwartal 95 tree in 2018 op.

Nadat die Oekraïense media berig het Zelenski se Kwartal 95 het geld aan die Oekraïense weermag geskenk tydens die Russiese oorlog teen Oekraïne, het sommige Russiese politici en kunstenaars hulle daarvoor bewywer om sy werk in Rusland te verbied.[21][22] Zelenski het weer daarna die departement van kultuur se plan om Russiese kunstenaars te verbied gekritiseer.[19]

In 2015 het Zelenski die ster geword van die TV-reeks Dienaar van die Volk, waarin hy die rol van die Oekraïense president vertolk.[14] In die reeks is Zelenski se karakter 'n geskiedenisonderwyser in sy 30's wat die Oekraïense presidentsverkiesing wen nadat 'n video gewys het hoe hy teen regeringskorrupsie uitvaar. Die komediereeks Swati ("Skoonfamilie"), waarin Zelenski verskyn, is in 2017 in Oekraïne verbied,[23] maaar is in Maart 2019 weer toegelaat.[24]

Zelenski het hoofsaaklik in Russiese produksies gewerk. Sy eerste rol in Oekraïens was in die romantiese komedie Ek, Jy, Hy, Sy,[25] wat in Desember 2018 in Oekraïne begin wys het.[26]

Presidentsveldtog van 2019

[wysig | wysig bron]

In Maart 2018 het lede van Zelenski se vervaardigingsmaatskappy Kwartal 95 'n nuwe politieke party geregistreer met die naam Dienaar van die Volk – die naam van die TV-reeks waarin Zelenski oor die afgelope drie jaar opgetree het.[27][28] Zelenski het enige onmiddellike planne om die politiek te betree ontken en gesê hy het die naam net geregistreer om te voorkom dat ander dit gebruik.[29] Daar is egter oor die algemeen gegis dat hy hom as presidentskandidaat beskikbaar sou stel. Hy was in Oktober 2018 reeds 'n voorloper in meningspeilings: drie maande voor sy aankondiging dat hy as kandidaat gaan staan en ses maande voor die verkiesing.[30][28]

Ná maande van dubbelsinnige verklarings[29][28] het Zelenski op 31 Desember 2018 – vier maande voor die verkiesing – aangekondig hy gaan staan. Sy aankondiging is op die nuwejaarsprogram van die TV-kanaal 1+1 gedoen[31] en het die kalklig gesteel van die nuwejaarsboodskap van die destydse president Porosjenko op dieselfde kanaal.[31] Zelenski het gesê dit was onbedoeld en het dit aan 'n tegniese haakplek toegeskryf.[32]

Zelenski en die destydse president van Oekraïne, Petro Porosjenko, in April 2019.

Zelenski se presidentsveldtog teen Porosjenko was feitlik heeltemal virtueel.[33][34] Hy het nie 'n gedetailleerde beleidsplan uitgereik nie[35] en hy het min met die hoofstroommedia gepraat;[33] tot op 18 April 2019 het hy nie onderhoude toegestaan nie.[36] Hy het eerder sosiale media en YouTube-videogrepe gebruik.[33] In die plek van tradisionele veldtogbyeenkomste, het hy met Kwartal 95 skerpskertsery-roetines deur die hele Oekraïne gehou.[37][38] Hy het gesê hy is teen die establishment en teen korrupsie, hoewel hy nie gewoonlik as 'n populis beskryf is nie.[35] Volgens hom wou hy vertroue in politici herstel, "professionele, ordentlike mense aan die mag bring" en "die toon en gehalte van die politieke establishment verander".[27][28][39]

Op 16 April 2019, 'n paar dae voor die verkiesing, het 20 Oekraïense nuusmedia 'n broep op Zelenski gedoen "om op te hou om joernaliste te vermy".[33] Zelenski het gesê hy kruip nie weg vir joernaliste nie, maar hy wou nie deelneem aan geselsprogramme waar "mense van die ou mag" net "openbare betrekkinge doen" nie, en dat hy nie tyd het om alle versoeke om onderhoude toe te staan nie.[40]

Voor die verkiesing het Zelenski 'n span voorgestel wat die voormalige minister van finansies, Oleksandr Daniljoek, ingesluit het.[41][36] Tydens die veldtog is kommer uitgespreek oor sy bande met die oligarg Ihor Kolomoiski,[42] 'n biljoenêrsakeman wat in 2010 die Mediagroep 1+1 oorgeneem het. Die groep het agt TV-kanale en het die reeks Dienaar van die Volk, met Zelenski, van 2015 tot 2019 uitgesaai.

Zelenski het die eerste ronde van die verkiesing op 31 Maart 2019 duidelik gewen.[43] In die tweede ronde, op 21 April 2019, het hy 73 persent van die stemme gekry teenoor Porosjenko se 25 persent, en is hy tot president verkies.[44][45]

Presidentskap

[wysig | wysig bron]
Zelenski se amptelike portret ná sy verkiesing.

Zelenski is op 20 Mei 2019 as president beëdig.[46] Hy is die land se eerste Joodse president; met Wolodimir Groisman as premier, het Oekraïne die eerste land benewens Israel geword met 'n Joodse staatshoof én regeringshoof.[47]

As president is Zelenski 'n voorstander van e-regering en eenheid tussen die Oekraïens- en Russiessprekende deel van die land se bevolking.[48] Hy gebruik die sosiale media baie in sy kommunikasie, veral Instagram.[49] Tydens sy bewind het Zelenski toesig gehou oor die opheffing van wetlike immuniteit vir lede van die parlement, die Werchowna Rada,[50] die land se reaksie op die Covid-19-pandemie en die daaropvolgende ekonomiese resessie en 'n proses om korrupsie by die horings te pak.[51][52]

Zelenski en sy vrou, Olena Zelenska, by die Hertog en Hertogin van Cambridge tydens 'n besoek aan Brittanje in Oktober 2020.

Kritici beweer Zelenski het, nadat hy die mag van die Oekraïense oligarge weggeneem het, probeer om mag te sentraliseer en sy persoonlike posisie te versterk.[53][54]

Zelenski het in sy presidensiële veldtog belowe om sy land se uitgerekte konflik met Rusland te beëindig en pogings aan te wend om met dié land se president Wladimir Poetin 'n dialoog te voer.[3] 'n Toename in die spanning tussen die twee lande het sy administrasie in 2021 in die gesig gestaar, en dit het gelei tot die Russiese inval van 2022 in Oekraïne. Zelenski se strategie tydens die Russiese militêre opbou was om die Oekraïense bevolking gerus te stel en die internasionale gemeenskap te belowe dat Oekraïne nie wraak soek nie.[55] Hy het hom aanvanklik gedistansieer van waarskuwings van 'n dreigende oorlog, terwyl hy by Navo veiligheidswaarborge en militêre steun gevra het om die bedreiging die hoof te bied.[56]

Ná die begin van die inval het Zelenski krygswet in Oekraïne afgekondig, asook 'n algemene mobilisasie van die weermag. Hy het internasionaal agting verdien vir sy hantering van die krisis en is beskryf as 'n simbool van Oekraïense weerstand.[57]

Spesie na Zelenski genoem

[wysig | wysig bron]

Ausichicrinites zelenskyyi, 'n uitgestorwe spesie haarsterre wat op 20 Julie 2022 deur 'n groep Poolse paleontoloë beskryf is, is na Zelenski genoem vanweë "sy moed en dapperheid in die verdediging van 'n vrye Oekraïne".[58][59]

Notas

[wysig | wysig bron]
  1. ↑ Zelenski se van het nie 'n vasgestelde Latynse spelling nie en word in verskillende tale op verskillende maniere getranslitereer, soos Volodymyr Zelensky of Volodymyr Zelenskyy in Engels.

Verwysings

[wysig | wysig bron]
  1. ↑ Agency, Jewish Telegraphic. "Volodymyr Zelensky Was a Jewish Comedian. Now the World's Eyes Are on Him — Detroit Jewish News".
  2. ↑ 2,0 2,1 Hosa, Joanna; Wilson, Andrew (25 September 2019). Zelensky Unchained: What Ukraine's New Political Order Means For Its Future (Report). European Council on Foreign Relations. https://ecfr.eu/publication/zelensky_unchained_what_ukraines_new_political_order_means_for_its_future/. Besoek op 10 February 2022. 
  3. ↑ 3,0 3,1 Lutsevych, Orysia (16 November 2021). "Ukraine still backs Zelenskyy despite slow progress" (in Engels). Chatham House. Geargiveer vanaf die oorspronklike op 17 November 2021. Besoek op 19 Februarie 2022.
  4. ↑ "Conflict in Ukraine" (in Engels). Global Conflict Tracker. Geargiveer vanaf die oorspronklike op 23 Februarie 2022. Besoek op 23 Februarie 2022.
  5. ↑ Ledwidge, Frank (3 Maart 2022). "Ukraine war: what are Russia's strategic aims and how effectively are they achieving them?". The Conversation (in Engels). Geargiveer vanaf die oorspronklike op 4 Maart 2022. Besoek op 3 Maart 2022.
  6. ↑ "The courage of Ukraine's unlikely wartime leader". Financial Times. 15 Maart 2022. Geargiveer vanaf die oorspronklike op 17 Maart 2022. Besoek op 15 Maart 2022.
  7. ↑ "Українці визначилися з "найкращим президентом" в історії країни - Рейтинг" (in Russies). LIGA. 18 Mei 2020. Geargiveer vanaf die oorspronklike op 28 Mei 2020. Besoek op 10 Augustus 2020.
  8. ↑ Як змінювався рівень довіри та підтримки Зеленського та його попередників (оновлено). Слово і Діло (in Oekraïens). Besoek op 11 Mei 2022.
  9. ↑ "ethnic Ukrainian father's farer's medal certificate" (in Russies). Geargiveer vanaf die oorspronklike op 11 Junie 2020. Besoek op 12 Oktober 2019.
  10. ↑ 10,00 10,01 10,02 10,03 10,04 10,05 10,06 10,07 10,08 10,09 Зеленский Владимир | Руководитель проекта "Квартал-95" [Zelensky Vladimir | Project manager "Kvartal-95"]. Ligamedia (in Russies). 5 Junie 2018. Geargiveer vanaf die oorspronklike op 2 Januarie 2019. Besoek op 10 Maart 2022.
  11. ↑ ВОЛОДИМИР ЗЕЛЕНСЬКИЙ РОЗКАЗАВ ПРО СТОСУНКИ З БАТЬКАМИ [Volodymyr Zelenskyi Spoke about His Relationship with His Parents]. один плюс один [1+1 (TV channel)] (in Oekraïens). 28 September 2017. Geargiveer vanaf die oorspronklike op 7 Januarie 2019. Besoek op 11 Maart 2022.
  12. ↑ Talmazan, Yuliya (27 Februarie 2022). "3 years ago Zelenskyy was a TV comedian. Now he's standing up to Putin's army" (in Engels). CNBC. Geargiveer vanaf die oorspronklike op 28 Februarie 2022. Besoek op 3 Maart 2022.
  13. ↑ "Volodymyr Zelensky Was a Jewish Comedian. Now the World's Eyes Are on Him". The Jewish News (in Engels (VSA)). 28 Februarie 2022. LCCN sn94088996. OCLC 32399051. Geargiveer vanaf die oorspronklike op 8 Maart 2022. Besoek op 10 Maart 2022.
  14. ↑ 14,0 14,1 14,2 Зеленський заявив про рішення йти у президенти (відео) [Zelensky announced his decision to go to the presidency (video)] (in Oekraïens). UNIAN. 1 Januarie 2019. Geargiveer vanaf die oorspronklike op 27 Maart 2020.
  15. ↑ КВН 95 квартал – Человек рожденный в танце op YouTube
  16. ↑ 16,0 16,1 "Vladimir Zelenskiy". Kvartal 95. Geargiveer vanaf die oorspronklike op 31 Maart 2019.
  17. ↑ "Запорожье - Кривой Рог - Транзит" [Zaporizhia-Kryvyi Rih-Transit] (in Russies). KVN. Geargiveer vanaf die oorspronklike op 7 April 2019.
  18. ↑ Groskop, Viv (2 April 2019). "How funny is the comedian who may be Ukraine's next president?". The Guardian. Geargiveer vanaf die oorspronklike op 1 Maart 2022. Besoek op 28 Februarie 2022.
  19. ↑ 19,0 19,1 Сурикова, Ольга (9 Augustus 2014). "Зеленский намерен требовать отставки Минкультуры Украины" [Zelensky intended to demand the resignation of the Ministry of Culture]. sevas.com (in Russies). Geargiveer vanaf die oorspronklike op 21 Februarie 2019. Besoek op 21 Februarie 2019.
  20. ↑ "Ukraine bans 38 Russian 'hate' books amid culture war". BBC News (in Engels). 11 Augustus 2015. Geargiveer vanaf die oorspronklike op 2 Maart 2022. Besoek op 10 Maart 2022.
  21. ↑ "Актер Зеленский раскритиковал СБУ из-за запрета сериала "Сваты"" [Actor Zelensky criticized the SBU because of the ban on the series "Matchmakers"]. RIA Novosti (in Russies). 24 November 2017. Geargiveer vanaf die oorspronklike op 2 Januarie 2019.
  22. ↑ "СК проверит, финансировал ли Зеленский украинскую армию" [SC will check whether Zelensky financed the Ukrainian army]. Komsomolskaya Pravda (in Russies). 5 Februarie 2015. Geargiveer vanaf die oorspronklike op 6 Februarie 2016. Besoek op 18 Maart 2022.
  23. ↑ "Volodymyr Zelensky in major lead in Ukraine presidential election runoff: Biography, quotes". Ukrainian Independent Information Agency (UNIAN). 22 April 2019. Geargiveer vanaf die oorspronklike op 30 September 2019. Besoek op 30 September 2019.
  24. ↑ "Суд скасував заборону на серіал "Свати"" [The court lifted the ban on the TV series "Svaty"]. Українська правда. Geargiveer vanaf die oorspronklike op 29 April 2020. Besoek op 9 Desember 2019.
  25. ↑ "'Kvartal 95' will take off its first Ukrainian-language comedy with Nastya Kamensky in the lead role" (in Oekraïens). 20 Junie 2017. Geargiveer vanaf die oorspronklike op 19 Desember 2017. Besoek op 4 April 2019.
  26. ↑ "Я, Ти, Вiн, Вона (2018) – Release Info" [I, You, He, She (2018) – Release Info]. IMDb. Geargiveer vanaf die oorspronklike op 15 Julie 2020. Besoek op 4 April 2019.
  27. ↑ 27,0 27,1 "Lawyer Zelenskyy has registered a new political party "Servant of the people"" (in Oekraïens). UNIAN. 3 Desember 2017. Geargiveer vanaf die oorspronklike op 18 Januarie 2022. Besoek op 1 Januarie 2019.
  28. ↑ 28,0 28,1 28,2 28,3 "The boundary of a joke. How Zelensky prepares for the election". Ukrayinska Pravda (in Oekraïens). 25 Oktober 2018. Geargiveer vanaf die oorspronklike op 8 Februarie 2019.
  29. ↑ 29,0 29,1 Connolly, Nick (24 Augustus 2018). "Could a rock star become Ukraine's next president?". Deutsche Welle. Geargiveer vanaf die oorspronklike op 2 Januarie 2019.
  30. ↑ "How Ukraine's Presidential Race Is Shaping Up" (in Engels (VSA)). Atlantic Council. 29 Oktober 2018. Geargiveer vanaf die oorspronklike op 9 Maart 2022. Besoek op 6 Maart 2022.
  31. ↑ 31,0 31,1 "Comedian faces scrutiny over oligarch ties in Ukraine presidential race". Reuters. 1 April 2019. Geargiveer vanaf die oorspronklike op 12 April 2019. Besoek op 23 April 2019.
  32. ↑ "Volodymyr Zelensky: April 1 – an awesome day for a clown to win". Українська правда (in Oekraïens). Geargiveer vanaf die oorspronklike op 31 Maart 2019. Besoek op 26 April 2019.
  33. ↑ 33,0 33,1 33,2 33,3 Varshalomidze, Tamila (16 April 2019). "Ukraine media demands access to runoff frontrunner Zelensky". Al Jazeera. Geargiveer vanaf die oorspronklike op 17 April 2019.
  34. ↑ Karatnycky, Adrian (24 April 2019). "The World Just Witnessed the First Entirely Virtual Presidential Campaign". Politico Magazine (in Engels). Geargiveer vanaf die oorspronklike op 25 April 2019. Besoek op 26 April 2019.
  35. ↑ 35,0 35,1 "Ukraine election: Why comic Zelenskiy is real threat to Poroshenko". BBC News. 27 Maart 2019. Geargiveer vanaf die oorspronklike op 27 Maart 2019.
  36. ↑ 36,0 36,1 "Zelensky's team. Who are these people". Ukrayinska Pravda (in Oekraïens). 19 April 2019. Geargiveer vanaf die oorspronklike op 18 April 2019.
  37. ↑ Miller, Christopher (8 Februarie 2019). "Crowdsourcer In Chief: Ukrainian Funnyman Takes Unorthodox Path To Top Of Presidential Pack" (in Engels). RadioFreeEurope/RadioLiberty. Geargiveer vanaf die oorspronklike op 6 Maart 2022. Besoek op 6 Maart 2022.
  38. ↑ Melkozerova, Veronika (4 Maart 2019). "'Servant of the People' leads Ukraine's presidential race". Coda Story (in Engels (VSA)). Geargiveer vanaf die oorspronklike op 9 Maart 2022. Besoek op 6 Maart 2022.
  39. ↑ "Zelensky: Party "Servant of the people" goes into politics". Interfax-Ukraine (in Oekraïens). 26 Desember 2018. Geargiveer vanaf die oorspronklike op 3 Januarie 2019.
  40. ↑ Зеленський відповів на "кота в мішку" і розповів про стратегію [Zelensky responded to the "cat in the bag" and told about the strategy]. Ukrayinska Pravda (in Oekraïens). 18 April 2019. Geargiveer vanaf die oorspronklike op 18 April 2019. Besoek op 18 Maart 2022.
  41. ↑ Bociurkiw, Michael (30 Maart 2019). "Why Ukraine might elect a comedian". CNN. Geargiveer vanaf die oorspronklike op 30 Maart 2019. Besoek op 30 Maart 2019.
  42. ↑ Maheshwari, Vijai (17 April 2019). "The comedian and the oligarch". Politico Europe. Geargiveer vanaf die oorspronklike op 22 April 2019. Besoek op 22 April 2019.
  43. ↑ "Central Election Commission of Ukraine – Ukrainian Presidential Election 2019 (first round)". cvk.gov.ua. Central Election Commission of Ukraine. Geargiveer vanaf die oorspronklike op 23 April 2019.
  44. ↑ "Ukraine election: Comedian Zelensky wins presidency by landslide". BBC News. 22 April 2019. Geargiveer vanaf die oorspronklike op 21 April 2019.
  45. ↑ "Election of President of Ukraine 2019 Repeat voting". UKR.VOTE. Geargiveer vanaf die oorspronklike op 13 Augustus 2021.
  46. ↑ "Ukraine's New President Vows To Dissolve Parliament As PM, Other Key Officials Resign". Radio Free Europe/Radio Liberty. 20 Mei 2019. Geargiveer vanaf die oorspronklike op 20 Mei 2019. Besoek op 20 Mei 2019.
  47. ↑ Higgins, Andrew (24 April 2019). "Ukraine's Newly Elected President Is Jewish. So Is Its Prime Minister. Not All Jews There Are Pleased". The New York Times. ISSN 0362-4331. Geargiveer vanaf die oorspronklike op 25 April 2019. Besoek op 25 April 2019.
  48. ↑ Hosa, Joanna (2019). Zelensky Unchained: What Ukraine's New Political Order Means For Its Future (Report). ECRF. pp. 11–13. 
  49. ↑ Hosa, Joanna (2019). Zelensky Unchained: What Ukraine's New Political Order Means For Its Future (Report). ECRF. pp. 7–10. 
  50. ↑ "Ukraine Lifts Prosecutorial Immunity For Members Of Parliament". RadioFreeEurope/RadioLiberty (in Engels). 19 Desember 2019. Geargiveer vanaf die oorspronklike op 19 Februarie 2022. Besoek op 19 Februarie 2022.
  51. ↑ Peleschuk, Dan (15 April 2021). "Ukraine's anti-corruption effort struggles, but soldiers on". Eurasianet (in Engels). Geargiveer vanaf die oorspronklike op 19 Februarie 2022. Besoek op 19 Februarie 2022.
  52. ↑ Wilson, Andrew (6 Julie 2021). "Faltering fightback: Zelensky's piecemeal campaign against Ukraine's oligarchs – European Council on Foreign Relations". ECFR. Geargiveer vanaf die oorspronklike op 26 Februarie 2022. Besoek op 19 Februarie 2022.
  53. ↑ Hall, Ben; Olearchyk, Roman; Seddon, Max (21 Oktober 2019). "Ukraine: why Volodymyr Zelensky is pursuing a disruptive agenda". Financial Times. Geargiveer vanaf die oorspronklike op 20 Februarie 2022. Besoek op 20 Februarie 2022.
  54. ↑ "Zelensky invokes Judaism to rally support for Ukrainian cause". France 24. 4 Maart 2022.
  55. ↑ "Conflict in Ukraine". Global Conflict Tracker (in Engels). Geargiveer vanaf die oorspronklike op 23 Februarie 2022. Besoek op 23 Februarie 2022.
  56. ↑ Seibt, Sébastian (18 Februarie 2022). "Military tactics: Zelensky plays both sides in Ukrainian crisis". France 24 (in Engels). Geargiveer vanaf die oorspronklike op 18 Februarie 2022. Besoek op 19 Februarie 2022.
  57. ↑ Ledwidge, Frank (3 Maart 2022). "Ukraine war: what are Russia's strategic aims and how effectively are they achieving them?". The Conversation (in Engels). Geargiveer vanaf die oorspronklike op 4 Maart 2022. Besoek op 3 Maart 2022.
  58. ↑ Salamon, Mariusz A.; Jain, Sreepat; Brachaniec, Tomasz; Duda, Piotr; Płachno, Bartosz J.; Gorzelak, Przemysław (2022). "Ausichicrinites zelenskyyi gen. et sp. nov., a first nearly complete feather star (Crinoidea) from the Upper Jurassic of Africa". Royal Society Open Science. 9 (7): 220345. Bibcode:2022RSOS....920345S. doi:10.1098/rsos.220345.
  59. ↑ Bressan, David. "Fossil Named After Ukraine's President Zelenskyy". Forbes (in Engels). Besoek op 28 Julie 2022.

Skakels

[wysig | wysig bron]
Ontsluit van "https://af.wikipedia.org/w/index.php?title=Wolodimir_Zelenski&oldid=2713398"