Virginia Woolf
Virginia Woolf | |
|---|---|
| Gebore | Adeline Virginia Stephen 25 Januarie 1882 |
| Sterf | 28 Maart 1941 (op 59) Sussex, Engeland |
| Nasionaliteit | |
| Beroep | Romanskrywer |
| Bekend vir | Mrs Dalloway (1925) To The Lighthouse (1927) Orlando (1928) A Room of One's Own (1929) |
| Eggenoot | Leonard Woolf |
| Ouer(s) | Sir Leslie Stephen en Julia Prinsep Duckworth Stephen |
| Handtekening | |
Adeline Virginia Woolf (Kensington, 25 Januarie 1882 – Sussex, 28 Maart 1941) was 'n Engelse skryfster. Sy het beroemdheid verwerf as letterkundige modernis. Tussen die twee Wêreldoorloë was Woolf 'n prominente figuur in die invloedryke Bloomsbury Groep.
Virginia Woolf is as die dogter van die letterkundige, sir Leslie Stephen, gebore. Na haar moeder se dood in 1895 het Virginia weens 'n senutoestand nie skool toe gegaan nie, maar is sy tuis onder haar vader se toesig onderrig. Na haar vader se dood in 1904 het Virginia saam met haar broers en suster in 'n huis in die Bloomsbury-wyk van Londen gaan woon.
Haar lewenswyse daar is as onkonvensioneel vir die tyd beskou en sy was die leier van 'n groep talentvolle en ewe onkonvensionele mense, die sogenaamde Bloomsbury-groep. Onder hulle was die biograaf en essayis Lytton Strachey, die ekonoom John Maynard Keynes, die kunskritikus Roger Fry en die skrywers E.M. Forster en Vita Sackville-West. In 1902 is Virginia getroud met die linkse politikus en joernalis Leonard Woolf (1880 -1969).
Hulle het in 1917 hul eie uitgewery, The Hogarth Press, gestig wat al Virginia se werk sou publiseer, sowel as die van skrywers soos T.S. Eliot (The waste land) en Katherine Mansfield. Virginia Woolf se eerste roman was The voyage out (1915), gevolg deur Night and day (1919). Jacob's room (1922) was haar eerste eksperiment met die bewussynstroomtegniek, waarin die feite en uiterlike gebeurtenisse van die roman nie so belangrik soos die innerlike gewaarwordinge van die romanfigure is nie.
Haar mees geslaagde werke in dié styl is Mrs. Dalloway (1925), To the lighthouse (1927) en The waves (1931). Saam met James Joyce, wie se werk haar beïnvloed het, word sy as een van die belangrikste vernuwers van die Engelse prosakuns in die 20e eeu beskou. Haar werk het weer 'n invloed gehad op belangrike skryfsters soos Katherine Mansfield en Elizabeth Bowen.
Virginia Woolf het verskeie ander werke geskryf, onder meer belangrike literêre kritiek, feministiese essays en 'n skrywersdagboek wat na haar dood verskyn het. Na haar laaste roman, Between the acts (1941), het sy in 1941 weer 'n senuinsinking beleef en naby haar huis in Sussex selfmoord gepleeg op 59-jarige ouderdom. Woolf is verder bekend daarvoor dat sy gesukkel het met geestesongesteldheid, in die vorm wat 'n bipolêre versteuring wat gelei het tot haar selfdood.
Werke
[wysig | wysig bron]Romans
[wysig | wysig bron]- The Voyage Out (1915)
- Night and Day (1919)
- Jacob's Room (1922)
- Mrs Dalloway (1925)
- To the Lighthouse (1927)
- Orlando: A Biography (1928)
- The Waves (1931)
- The Years (1937)
- Between the Acts (1941)
Kortverhaalversamelings
[wysig | wysig bron]- Kew Gardens (1919)
- Monday or Tuesday (1921)
- A Haunted House and Other Short Stories (1944)
- Mrs Dalloway's Party (1973)
- The Complete Shorter Fiction (1985)
- Carlyle's House and Other Sketches (2003)
Biografieë
[wysig | wysig bron]- Orlando: A Biography (1928, fiktiewe biografie)
- Flush: A Biography (1933, biografie van Elizabeth Barrett-Browning, vertel uit die fiktiewe perspektief van haar hond)
- Roger Fry: A Biography (1940, volwaardige biografie)
Nie-fiksie
[wysig | wysig bron]- Modern Fiction (1919)
- The Common Reader (1925)
- A Room of One's Own (1929)
- On Being Ill (1930)
- The London Scene (1931)
- The Common Reader: Second Series (1932)
- Three Guineas (1938)
- The Death of the Moth and Other Essays (1947)
- The Moment and Other Essays (1947)
- The Captain's Death Bed and Other Essays (1950)
- Granite and Rainbow (1958)
- Books and Portraits (1978)
- Women and Writing (1979)
- Collected Essays (vier volumes)
Outobiografiese geskrywe en dagboeke
[wysig | wysig bron]- A Writer's Diary (1953, uittreksels uit die volledige dagboek)
- Moments of Being (1976)
- A Moment's Liberty: the shorter diary (1990)
- The Diary of Virginia Woolf (vyf volumes, wat strek vanaf 1915 tot 1941)
- Passionate Apprentice: The Early Journals, 1897–1909 (1990)
- Travels With Virginia Woolf (1993, dagboek van 'n reis in Griekeland)
- The Platform of Time: Memoirs of Family and Friends (2008)
Briewe
[wysig | wysig bron]- Congenial Spirits: The Selected Letters (1993)
- The Letters of Viriginia Woolf, 1888–1941 (ses volumes, 1975–1980)
- Paper Darts: The Illustrated Letters of Virginia Woolf (1991)
Bronnelys
[wysig | wysig bron]- Wêreldspektrum, 1982, ISBN 0908409702, volume 29, bl. 156, 157
| Normdata |
|
|---|