Maiefèld

Maiefèld
Wappe vo Maiefèld
Basisdate
Staat:	Schwiiz
Kanton:	Graubünde (GR)
Region:	Landquartw
BFS-Nr.:	3953i1f3f4
Poschtleitzahl:	7304
Koordinate:	759104 / 20845547.0080549.531111504
Höchi:	504 m ü. M.
Flächi:	32,37 km²
Iiwohner:	3141 (31. Dezämber 2022)
Website:	www.maienfeld.ch
Maiefèld Maiefèld
Charte
Charte vo Maiefèld w

Maiefèld isch e Gmaind und e Stadt vom Kanton Graubünde.

Geografy

Maiefèld isch en Oort, wo scho sid em Middelalter au s Stadträcht hät. Er lyt i dr Bündner Herrschaft und i dr Region Landquart. Zu Maiefèld ghört au d Sankt Luzistäig, wo en nidere Bärgübergang is Fürschtedum Liechteschtäi isch.

Gschicht

Dr Name vo Maiefèld wird scho im 4. Joorhundert s erschte Mol erwäänt, und zwar i dr spootrömische Stroossecharte, wo dr Name «Dafele vom Peutinger» träit. Uf dere charte häisst de Oort Magia. Es isch e Stazion gsi am Wääg vo de Bündner Bärgpäss uf Züri.

Im 14. Joorhundert sind Walser i das Gebiet im Rhydaal cho und hend d «Walsergmaind Bäärg» mit de Wyler Rofels, Bovel, Guscha, Stürfis und Vatscherin ggründet. Ass Maiefèld s Stadträcht hät, isch erscht vo ane 1434 überliferet. 1436 isch d Gmaind em Zäägrichtpund byträtte.

Wirtschaft

Z Maiefèld isch es alts, grosses Räbgebiet, wo mee als 100 Hektaare Flechi hät.

Tourismus

D Gschicht vom Chinderroman Heidi vo dr Schriftstellere Johanna Spyri wird mit Maiefèld i Verbindig procht. Drum häpme dr Raschtstett a dr Autobahn de Name «Heidiland» ggä.

Lüüt

Z Maiefèld uf d Wält choo sind:

• dr Johannes Comander (um 1484 – 1557), Theolog und Reformator
• d Hortensia Gugelberg von Moos (1659–1715), Ärzti und Schriftstelleri
• dr Michael Kuoni (1839–1891), Chef vom Eidg. Telegrafebüro und Mundartautor
• dr Theophil Sprecher von Bernegg (1850–1927), Gäneralstabschef vo dr Schwizerischen Armee wäret em Eerschte Wältchrieg
• dr Paul Meinherz (1888–1967), Dialäktolog, Lehrer und Regierigssekretär

Weblink

 Commons: Maienfeld – Sammlig vo Multimediadateie

• Webseite vo dr Stadt Maiefèld
• Adolf Collenberg: Maienfeld (Gemeinde). In: Historisches Lexikon vo dr Schwiiz.