Alexanderzug

D Wält wie si denn bekannt gsi isch: Rekonstrukzioon vo dr Wältcharte noch em Hekataios vo Milet (6. - 5. Jh. v. d. Z.)

Dr Alexanderzug (au Alexanderfäldzug) isch d Bezäichnig für e zääjöörig Erooberigsfäldzug vom makedonische Köönig Alexander em Groosse. Er isch Däil vom Perserchrieg, wo si Vater Philipp II. vo Makedonie aagfange het und isch vom Früelig 334 bis Merz 324 v. d. Z. gange. Dr Alexander het mit ere relativ chliine Armee uf däm Fäldzuug groossi Erfolg chönne fiire, dank dr Armee, wo vom Philipp usgezäichnet usbildet worde isch, und dank sim persönlige Talänt.

Chronologii (alli Jooreszaale si vor dr Zitewändi)

Schlachte vom Alexanderzug
Granikos – Milet – Halikarnassos – Issos – Tyros – Gaugamela – Persischi Door – Jaxartes – Sogdische Felse – Fels vo Chorienes – Gabai – Hydaspes

Früelig 334: Aafang vom Fäldzug gege Persie und dr Groossköönig Dareios III. Kodomannos.
Mai 334: Siig vom Alexander in dr Schlacht am Granikos; denn het er Chkäiasie erooberet (Belaagerig vo Milet und Belaagerig vo Halikarnassos).
Novämber 333: Siig vom Alexander in dr Schlacht vo Issos. Dr Alexander leent d Friedensaagebot vom Dareios ab und erooberet Fönikie.
Januar–August 332: Belaagerig und Erooberigg vo dr Stadt Tyros; denn dr Marsch ufEgüpte.
Herbst 332: Erfolgriichi Belaagerig vo Gaza und dr Iizug in Egüpte ooni Kampf.
Früelig 331: Gründig vo dr Stadt Alexandria im Nildelta; Zug zur Oase Siwa, won er s Ammon-Orakel bsuecht; denn Marsch uf Mesopotamie.
Oktober 331: Entschäidigsschlacht zwüschen em Alexander und em Dareios bi Gaugamela am Tigris; dr Perserköönig verliert und flüchdet und wird spööter vo sim Satrap Bessos ermordet (Juli 330); sini Drubbe rüefe dr Alexander as „Köönig vo Asie“ us; denn bsetzt er Babylon und ziet in witere zentralpersische Stedt ii.
Früelig 330: dr achaimenidisch Herrscherbalast vo Persepolis wird aabebrennt.
Mai 330: Dr Alexander erklärt in Ekbatana, ass dr gsamtgriechisch Bundeschrieg beändet sig und schiggt d Kondingänt vo de Mitgliider vom Korinthische Bund häimg; denn isch dr Alexander witer uf Oste zooge.
330–327: dr Oste vo Persie wird bluetig underworfe; dr Alexander däilt si Armee in chliineri Abdäilige ii, zum im Kampf gege d Rebelle flexibler chönne operiere; dr Alexander chunnt bis uf Baktrie und Sogdie.
Summer 327: Aafang vom Fäldzug uf Indie (Punjab); dr Alexander gwünnt meereri Schlachte wie öbbe gege dr mächdig indisch Fürst Poros in dr Schlacht am Hydaspes.
Summer 326: Im Alexander sini Drubbe wäigere sich witerzmarschiere; dr Alexander ziet stromab im Indus nooch.
Summer 325: Dr Alexander chunnt am östlige Ozean aa und foot mit em Marsch zrugg uf Zentralpersie aa.
Herbst 325: Aafang vom Zug dur d Wüesti vo Gedrosie.
Merz 324: Dr Alexander chunnt in dr persische Residänzstadt Susa aa.

Kwelle und Litratuur

Kwelle

Arrian vo Nikomedie: Anabasis.
Diodor vo Agyrion: Griechische Weltgeschichte.
Marcus Iunianus Iustinus: Die Geschichte Philipps von Makedonien in 44 Büchern.
Plutarch vo Chaironeia: Alexander und Caesar.
Quintus Curtius Rufus: Die Geschichte Alexanders des Großen.

Litratuur

Helmut Berve: Das Alexanderreich auf prosopographischer Grundlage. 2 Bände, Münche 1926.
A. Brian Bosworth: Conquest and Empire. The Reign of Alexander the Great. Cambridge 1988, ISBN 0-521-40679-X.
Johann Gustav Droysen: Geschichte des Hellenismus. 3 Bände, hrsg. von Erich Bayer, Tübinge 1998, ISBN 3-534-14204-7.
Hans-Joachim Gehrke: Alexander der Grosse. 4. Auflage, (C. H. Beck Wissen, Band 2043), Münche 2005, ISBN 3-406-41043-X.
Franz Hampl: Alexander der Grosse. 3. Uflaag, (Persönlichkeit und Geschichte, Band 9), Göttinge/Züüri 1992, ISBN 3-7881-0009-5.
Heinz Heinen: Geschichte des Hellenismus. Von Alexander bis Kleopatra. 2. Auflage, (C. H. Beck Wissen, Band 2309), Münche 2007, ISBN 978-3-406-48009-6.
Robin Lane Fox: Alexander der Grosse. Eroberer der Welt. 4. Uflaag, Übers. vom Gerhard Beckmann, Stuttgart 2005, ISBN 3-608-94078-2.
Siegfried Lauffer: Alexander der Große. 4. Uflaag, (Deutscher Taschenbuch Verlag (DTV), Band 4298), Münche 2004, ISBN 3-423-34066-5.
Jakob Seibert: Die Eroberung des Perserreiches durch Alexander den Großen auf kartographischer Grundlage. 2 Bände, Wiesbade 1985, ISBN 3-88226-246-X.
William Woodthorpe Tarn: Alexander der Grosse. 2 Bänd, Darmstadt 1948.
Hans-Ulrich Wiemer: Alexander der Große. Münche 2005, ISBN 3-406-52887-2.

Weblingg

Arrian vo Nikomedie: Anabasis (änglischi Übersetzig).
Arrian vo Nikomedie: Anabasis (französischi Übersetzig).

Dä Artikel basiert uff ere fräie Übersetzig vum Artikel „Alexanderzug“ vu de dütsche Wikipedia. E Liste vu de Autore un Versione isch do z finde.