Como
| Como | ||
|---|---|---|
| Staat: | Italie | |
| Region: | Lombardei | |
| Provinz: | Como (CO) | |
| Lokale Name: | Comm | |
| Koordinate: | 45° 49′ N, 9° 5′ O | |
| Hechi: | 201 m s.l.m. | |
| Flechi: | 37 km² | |
| Yywohner: | 83.361 (31. Dez. 2022)[1] | |
| Bevelkerigsdichti: | 2253 Yyw./km² | |
| Poschtleitzahl: | 22100 | |
| Vorwahl: | 031 | |
| ISTAT-Nummer: | 013075 | |
| Demonym: | Comaschi | |
| Schutzpatron: | Abundius von Como (31. August) | |
| Website: | www.comune.como.it | |
Como (früener het me uf Alemannisch Chum gseit) isch e Stadt i dr iteliänische Lombardei und d Hauptstadt vo dr Provinz Como.
Geografy
[ändere | Quälltäxt bearbeite]D Stadt lyt öpe 50 Kilometer nördlech vo Mailand am Comersee und ires Gebiet gränzt a d Schwiiz a. D Nochbergmeinde uf dr Schwiizersyte sind Chiasso und Vacallo im Kanton Tessin.
Gschicht
[ändere | Quälltäxt bearbeite]Dr römisch Schriftsteller Cato het scho vo dr gallische Stadt Comum gschribe. Au dr Marcus Iunianus Iustinus und dr Titus Livius hend se erwäänt.[2] Ane 89 v. Chr. het dr Gnaeus Pompeius Strabo a dere Stell e Kolony gründet, und dr Gaius Julius Cäsar het ane 59 v. Chr. 5000 neui Lüüt dörthi gschickt d Kolony go z vergrössere. Ane 49 v. Chr. het dr Cäsar de Bewooner vo Comum s römische Bürgerrächt ggää.
Im Middelalter isch d Stadt under d Herrschaft vo Mailand cho. Mit Mailand zäme isch d Stadt 1714 zu Öschtrych gschlage worde, wo s au bliben isch mit eme Underbruch wärend dr Zyt vom Napoleon. Do sich Como d Hauptstadt vom französische Departemänt Lario gsi. 1859 isch d Stadt e Deil vom befreite Italie worde.
Vercheer
[ändere | Quälltäxt bearbeite]Sid dr antike Zyt isch Como e Stazion uf em Wäg zu de Bündner Alpepäss gsi.
Dr Baanhof vo Como lyt a dr Yseebaanstrecki, wo vo Mailand zum Gottert und uf Düütschland goot. Vo Mailand us isch d Linie uf Como ane 1875 fertig bout gsi, und d Verbindig uf Chiasso zu dr Gottertbaan isch 1882 ufggange. Churz vor dr Gränze goot d Baan uf dr iteliänische Syte dur e Monte-Olimpino-Dunnel. 1990 isch dr zwöit Dunnel vom Monte Olimpino bout gsi, wo meh as sibe Kilometer läng isch und wo d Züg d Stadt Como uf ere diräkte Linie chönne umfahre.
Literatur
[ändere | Quälltäxt bearbeite]- Marco Dubini: Como (Stadt). In: Historisches Lexikon vo dr Schwiiz.
Weblink
[ändere | Quälltäxt bearbeite]Fuessnoote
[ändere | Quälltäxt bearbeite]- ↑ Demographic Balance and resident population by sex on 31st december 2022. Italian National Institute of Statistics, abgruefen am 14. Mai 2023.
- ↑ Titus Livius, Ab urbe condita 33, 36f.