Heike Heubach
D Heike Heubach (* 14. Dezämber 1979 z Rautweil) isch e dytschi Bolitikeri (SPD). Syt Meerz 2024 isch si Mitgliid vum Dytsche Bundesdaag. Si isch di eerscht gheerloos Bundesdaagsabgoordneti.[1]
Lääbe
[ändere | Quälltäxt bearbeite]D Heike Heubach het ase chlai Chind e Mitteloorentzindig kriegt un isch waarschyys dooderduur uf baide Oore gheerloos woore. Vu 1986 bis 1996 isch si uf Grund- un Hauptschuel gange un het deert dr Hauptschuelabschluss gmacht. Vu 1996 bis 1999 isch si uf d Wiirtschaftsschuel un het mit dr Mittlere Ryyfi abgschlosse. Derno isch si vu 2000 bis 2001 us s Gimnaasium gange un vu 2001 bis 2003 uf d Fachooberschuel z Minche, wu si di Fachhoochschuelryyfi gmacht het.
Vu 2008 bis 2011 het si Induschtrychauffrau gleert bi dr e.on Facility Management GmbH, wu si derno bis 2013 gschafft het. Vu 2013 bis zue irem Yyzuug in Bundesdaag 2024 het si bim Bayernwerk gschafft.[2][3]
Ire Gebäärdename isch d Gebärde fir s Lächle.[3]
Si läbt z Staberga im Landkrais Augschburg, isch ghyroote un het zwoo Deechtere (* 2002 und * 2005).[3]
Bolitik
[ändere | Quälltäxt bearbeite]Anne 2019 isch d Heike Heubach in d SPD yydrätte un het bi dr Kommunaalwaal 2020 fir dr Stadtberger Stadtroot kandidiert.[3]
Im Februar 2021 isch si zur Bundesdaagswaal as Diräktkandidaati vu dr SPD im Waalkrais Augschburg-Land nominiert woore. Si het uf Blatz 24 vu dr Landeslischt vu dr BayernSPD kandidiert[4] un isch uf 14,5 % vu dr Eerschtstimme chuu. Dodermit het si zeerscht dr Yyzuug in Bundesdaag verbasst. Am 20. Meerz 2024 isch si fir dr Uli Grötsch in Bundesdaag noogruggt.[1][5]
Weblink
[ändere | Quälltäxt bearbeite]Fueßnote
[ändere | Quälltäxt bearbeite]- ↑ 1,0 1,1 Nachrückerin Heike Heubach: Gehörlose Abgeordnete zieht in den Bundestag ein. In: Spiegel. 16. März 2024, abgruefen am 17. März 2024.
- ↑ Wer sind wir eigentlich? – Mitarbeiterstory. In: LinkedIn. Bayernwerk, Juni 2023, abgruefen am 17. März 2024.
- ↑ 3,0 3,1 3,2 3,3 Viktoria Spinrad: Gehörlose Wahlkämpferin: Politischer Coup für die Inklusion. Süddeutsche Zeitung, 21. September 2021, abgruefen am 17. März 2024.
- ↑ Der Wahlnebel verzieht sich, sueddeutsche.de, 28. Septämber 2021
- ↑ Deutscher Bundestag - Ausgeschiedene Abgeordnete der 20. Wahlperiode. In: bundestag.de. Abgruefen am 20. März 2024.
| Dä Artikel basiert uff ere fräie Übersetzig vu dere Version vum Artikel „Heike_Heubach“ vu de dütsche Wikipedia. E Liste vu de Autore un Versione isch do z finde. |