Regierigsschef
Dr Regierigsschef isch dr Läiter vo dr Regierig vom ene Staat (zum Bischbil Nazionalstaat oder Gliidstaat). Mäistens setzt er die politische Richtigsentschäidige um.
- In alle bresidenzielle Regierigssüsteem isch dr Staatsbresidänt gliichzitig s Staatsoberhaupt und dr Regierigsschef. Bischbil: dr Bresidänt vo de Veräinigte Staate.
- In semibresidenzielle Regierigssüsteem isch d Macht vilmol zwüschen em Bresidänt und em Regierigsschef (Vorsitzende vom Ministerroot, Ministerbresidänt, Brömieeminister) ufdäilt. Bischbil: die Fümfti Franzöösischi Republik und Russland.
- In parlamentarische Regierigssüsteem si d Funkzioone vom Staatsoberhaupt (Monarch, Staatsbresidänt) und vom Regierigsschef (Ministerbresidänt, Brömieeminister) däilt: s Staatsoberhaupt isch in erster Linie dr Verdräter vom Staat gege inne und usse. Bischbil: im Veräinigte Köönigriich representiert dr Monarch (d Königin) s Land und dr Brömieeminister regiert.
- Es git Länder, wo s Parlamänt dr Regierigsschef weelt und dä isch gliichzitig au s Staatsoberhaupt. Bischbil: d Ministerbresidänte vo de dütsche Bundesländer.
- E baar Länder häi kä formelle Regierigsschef. Bischbil: d Schweiz, won es Direktorialsüsteem het
D Kompetänze vom Regierigsschef si vo Regierigssüsteem zu Regierigssüsteem verschiide. Si si in dr Verfassig vo jeedem Land festgläit. Im Beriich vo de internazionale Beziejige isch dr Regierigsschef vilmol dr bevollmächtigti Verdräter vo sim Land.
Weblingg
[ändere | Quälltäxt bearbeite]| Dä Artikel basiert uff ere fräie Übersetzig vum Artikel „Regierungschef“ vu de dütsche Wikipedia. E Liste vu de Autore un Versione isch do z finde. |