Dr San Bernardino (Bass)
| San Bernardino (Pass) | |||
|---|---|---|---|
San Bernardino: d Basshööchi mit em Hospiz | |||
| Himmelsrichtig | Norde | Süde | |
| Passhöchi | 2'067 m ü. M. | ||
| Kanton | Graubünde | ||
| Wasserscheide | Maseggbach → Hinderrhii → Rhii | Moesa → Ticino → Po | |
| Daalort | Hinderrhii | San Bernardino | |
| Usbau | Strooss | ||
| Baut | 1821–1823 | ||
| Wintersperri | Dezämber – April | ||
| Profil | |||
| Ø-Stiigig | 5 % (454 m / 9,1 km) | 6,1 % (457 m / 7,5 km) | |
| Max. Stiigig | 9,7 % | 9,7 % | |
| Karte | |||
|
| |||
| Koordinate | 733059 / 150990 | ||
Dr San Bernardino (ital. Passo del San Bernardino, uf de Schwizer Landcharte au Bernhardinpass, früener Vogelbärg[1]) isch en Alpebass im schwizerische Kanton Graubünde mit ere Hööchi vo 2'067 m. Er verbindet d Dääler Rhiiwald uf dr nördlige und Misox uf dr südlige Site an dr Hauptstrooss 13. D Luftdistanz vo dr Basshööchi zu de Bassfuessort isch vier Kilometer bis Hinderrhii (uf 1620 m) und 12 km bis Mesocco (790 m). Uf dr Basshööchi lit die Öiropäischi Wasserschäide und d Sproochgränze zwüsche Dütsch und Italiänisch.
Dr Bass wird scho sit dr Zit vo de Römer brucht. Dr alt middelalterlig Fuesswääg existiert hüte no und wird as Wanderwääg brucht. Im 18. Joorhundert isch die ersti Strooss über e Bass baut worde und 1817 het dr Giulio Pocobelli (1766–1843) e nöiji Strooss blaant, wo in de Joor druf baut worde und bis hüte in Gebruuch isch.
Under em Pass gits sit em 1. Dezember 1967 en 6,6 km lange Strossetunnel, wo e ganzjöhregi Verbindig vom Hinderrhii zu de Bündner Südtäler Misox und Calancatal mögli macht. Es isch au di erscht wintersicheri Strosseverbindig vo de Oschtschwiz is Tessin – de Strossetunnel dur de Gotthard isch erscht 1980 eröffnet worde. De Tunnel dur de San Bernardino isch noch em Gotthard de zwaitwichtigschti Alpenübergang för de Strosseverchehr i de Schwiz.
Litratuur
[ändere | Quälltäxt bearbeite]- Armon Planta: Verkehrswege im alten Rätien. Band 4. Chur, 1990. ISBN 3-905241-06-4
Weblingg
[ändere | Quälltäxt bearbeite]- Jürg Simonett: San Bernardino (Pass). In: Historisches Lexikon vo dr Schwiiz.
- Die San-Bernardino-Passstrasse über d Sanierig vo dr Bassstrooss
Fuessnoote
[ändere | Quälltäxt bearbeite]- ↑ Kurt Wanner: Rheinwald. In: Historisches Lexikon vo dr Schwiiz.
| Dä Artikel basiert uff ere fräie Übersetzig vum Artikel „San-Bernardino-Pass“ vu de dütsche Wikipedia. E Liste vu de Autore un Versione isch do z finde. |