Thomas Strobl

Dialäkt: Undermarkgreflerisch

dr Thomas Strobl (2013)

Dr Thomas Strobl (* 17. Merz 1960 z Haalbrunn) isch e dytsche Bolitiker (CDU). Är isch syter anne 2011 Landesvorsitzer vu dr CDU z Bade-Wirttebärg un syt Dezämber 2012 ain vu fimf stellverdrättende Vorsitzer vu dr Bundes-CDU. Syt em 13. Januar 2014 isch dr Strobl ain vu dr stellverdrättende Fraktionsvorsitzer vu dr CDU/CSU-Bundesdagsfraktion, zurzyt zueständig fir d Rächts- un Innebolitik. Syt Mai 2016 isch er bade-wirttebärgische Inneminischter un stellverdrättende Minischterbresidänt im Kabinett Kretschmann II.

Uusbildig un Beruef

Dr Strobl isch z Haalbrunn uf d Wartbergschuel gange un het derno am Haalbrunner Robert-Mayer-Gymnasium anne 1979 Abitur gmacht. Derno het er an dr Universitet Haidelberg Rächtswisseschaft studiert un 1985 mit em erschte juristische Staatsexame abgschlosse. Noch em Referändariat het er 1988 au s zwait Staatsexamen abglait un het derno as wisseschaftlige Mitarbaiter an dr Universitet Haidelberg un speter as barlemäntarische Beroter bim Landdag vu Bade-Wirttebärg gschafft. Syter anne 1996 isch er sälbschtändige Rächtsaawalt z Haalbrunn.

Barteilaufbahn

As 16-jehrige Schueler het dr Strobl aagfange, si zum erschte Mol bolitisch z engaschiere, wun er zäme mit andere dr Arbeitskreis demokratischer Schüler as Gegegewicht zue dr an syre Schuel seli aktive Jungsozialischte grindet het. 1976 isch er in di Jung Union yydrätten un 1977 au in d CDU.

Vu 1995 bis 2005 isch dr Strobl Vorsitzer vum CDU-Chraisverband Haalbrunn gsii un vu 2001 bis 2011 stellverdrättende Vorsitzer vum CDU-Bezirksverband Nordwirttebärg.

Am 29. April 2005 wurde er zum Generalsekretär der CDU in Baden-Württemberg gewählt. Vu 2008 bis 2010 isch dr Thomas Strobl Vorsitzer vum Bundesfachuusschuss Wirtschafts-, Huushalts- un Finanzbolitik vu dr CDU vu Dytschland gsii.

Am 21. April 2011 het dr Strobl verchindet, ass er uf em Landesbarteidag vu dr CDU Bade-Wirttebärg am 23. Juli 2011 fir d Noofolg vum Stefan Mappus im Amt vum Landesvorsitzer wett kandidiere. Dr Mappus het no dr verlorene Landtagswahl sy Amt z Verfiegig gstellt. Bi dr Wahl het dr Strobl 63,6 Brozänt vu dr Stimmen iberchuu un isch dodermit zum Landesvorsitzer gwehlt wore, sy Gegekandidat Winfried Mack het 36,4 63,6 Brozänt vu dr Stimmen iberchuu. Dr Strobl het si 2014 as Spitzekandidat vu dr CDU Bade-Wirttebärg fir d Landdagswahl 2016 beworbe, isch in dr Mitgliderbefrogig aber em Guido Wolf mit 44,1 % gege 55,9 % vu dr Stimmen unterläge.

Abgordnete

Syter anne 1989 ghert dr Strobl em Gmairot vu syre Haimetstadt Haalbrunn aa un isch vu 1997 bis 2003 Vorsitzer vu dr CDU-Fraktion gsii. Syt 1994 ghert er dr Verbandsversammlig vum Regionalverband Hailbronn-Franken aa un isch dert bis 2012 au Vorsitzer vu dr CDU-Fraktion gsii.

Syt 1998 isch dr Strobl Mitglid vum Dytsche Bundesdag. Do isch er vu 2002 bis 2005 Stellverdrättende Vorsitzer vum Bundesdagsuusschuss fir Wahlbriefig, Immunitet un Gschäftsornig gsii, vu Novämber 2005 bis 2013 as Vositzer vun em. Syt dr 17. Wahlperiod (2009–2013) isch er derzue Mitglid vum Elteschterot un Vorsitzer vu dr bade-wirttebärgische CDU-Landesgruppe. Vu 2010 bis 2013 het er si mit em Jens Böhrnsen, em Verdrätter vum Bundesrot, im Vorsitz vum Vermittligsuusschuss abgwächslet.

Dr Strobl isch alliwyl iber as diräkt gwehlte Abgordnete vum Wahlchrais Haalbrunn in dr Bundesdag yyzoge. Bi dr Bundesdagswahl 2ß013 het er do 51,4 % (2009: 44,2 %, 2005: 50,3 %) vu dr Erschtstimmen iberchuu.

Dr Strobl isch Mitglid vu dr Europa-Union Barlemäntariergruppe Dytsche Bundesdag.

Weblink

 Commons: Thomas Strobl – Sammlig vo Multimediadateie

• Websyte vum Thomas Strobl
• Biographie beim Deutschen Bundestag
• Läbeslauf bi dr CDU/CSU-Bundesdagsfraktion
• Thomas Strobl uf abgeordnetenwatch.de

Fueßnote

Dä Artikel basiert uff ere fräie Übersetzig vu dere Version vum Artikel „Thomas_Strobl“ vu de dütsche Wikipedia. E Liste vu de Autore un Versione isch do z finde.