Botico
| Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
O botico (posiblement, d'o latín <BUTTICǓLU, diminutivo de <BUTTU, «boto») ye un recipient feito d'archila cueta y leverament porosa que s'emplega ta concaber y transportar augua en guardando-la fresca pa beber-la dimpués.
Tiene una forma particularment ventruda, con una ansa en a parte superior, una boca ta emplir-lo y unatra más estreta, que se'n diz «pichera» por a on que se prochecta o chorro («se fa pixar») pa beber-ne «a galet», a la moda como se faría con un porrón. O botico s'ha gosau sinyalar como un elemento propio d'a cultura d'Espanya, y se'n produz diferents variants en tot o territorio. En a val d'Ebro existe un subtipo particular de boticos, más chicorrons, con dos ansas y a pichera en o frontal, que se conoix como rallos.