Rush Hour 2

Iste articlo ye sobre una cinta de cine estausunidense de cine d'acción de 2001; ta atros usos, se veiga Rush Hour.

Rush Hour 2
Títol	Rush Hour 2
Póster d'a cinta.
Ficha tecnica
Dirección	Brett Ratner
Dirección artistica	Andrew Max Cahn Second Chan William Cruse James E. Tocci
Producción	Roger Birnbaum Jonathan Glickman Arthur M. Sarkissian Jay Stern
Disenyo de producción	Terence Marsh
Guión orichinal	Jeff Nathanson
Basau en	personaches de Ross LaManna
Musica	Lalo Schifrin
Fotografía	Matthew F. Leonetti
Montache	Mark Helfrich Robert K. Lambert
Escenografía	Lance Lombardo Rick Simpson
Vestuario	Rita Ryack
Actors	Jackie Chan Chris Tucker John Lone Zhang Ziyi Roselyn Sánchez Alan King Harris Yulin Kenneth Tsang Don Cheadle Joel McKinnon Miller
Color	Panavision Color by DeLuxe
Datos y cifras
País(es)	Estaus Unius Hong Kong
Anyo	2001
Debantadera	26 de chulio de 2001 Los Angeles (California, Estaus Unius) 3 d'agosto de 2001 Estaus Unius
Chenero(s)	Cine d'acción Cine de comedia Cine policiaco Cine d'artes marcials
Durada	90 min.
Idioma(s)	Anglés Chinés mandarín Chinés cantonés
Companyías
Productora(s)	Roger Birnbaum Productions Salon Films
Distribución	New Line Cinema
Presupuesto	90 millons de dólars
Recauto	347,3 millons de dólars
Succesión de cintas
Precedida por	Rush Hour (1998, Brett Ratner)
Succedida por	Rush Hour 3 (2007, Brett Ratner)
Informacions en bases de datos especializadas:

Rush Hour 2 (títol orichinal en anglés, en aragonés Hora punta 2, enguerada con ixe mesmo títol en Aragón) ye una cinta de cine d'acción policiaca de comedia y artes marcials (un "buddy film") de 2001 dirichida por Brett Ratner seguntes un guión orichinal de Jeff Nathanson (encara que basau en os personaches creyaus por Ross LaManna ta Rush Hour), con una banda sonora orichinal de Lalo Schifrin, una dirección de fotografía de Matthew F. Leonetti y una producción cinematografica de Roger Birnbaum, Jonathan Glickman, Arthur M. Sarkissian y Jay Stern ta las productoras Roger Birnbaum Productions y Salon Films. Forman l'elenco d'a cinta en os suyos papels principals os actors Jackie Chan, Chris Tucker, John Lone, Zhang Ziyi, Roselyn Sánchez, Alan King, Harris Yulin, Kenneth Tsang, Don Cheadle y Joel McKinnon Miller.

A cinta fa parte d'a franquicia Rush Hour, estando la segunda cinta d'a franquicia y continación por tanto de Rush Hour, cinta que heba dirichiu en l'anyo 1998 lo mesmo director de Rush Hour 2, y contina la historia como una secuela sin solución de continidad con a cinta anterior, prencipiando cuan l'inspector chefe Lee d'a Policía de Hong Kong y lo detective James Carter, d'a Policía de Los Angeles, plegan en Hong Kong en teoría ta compartir unas vacanzas como amigos, encara que bien luego Lee treballa en casos policiacos y demana aduya a Carter. Y cuan en o Consulau Cheneral d'os Estaus Unius en Hong Kong y Macau esclata una bomba que mata a dos achents encubiertos d'o United States Customs Service, a Lee li asignan o caso, trobando-se con que parixe estar implicau Ricky Tan, antigo companyero de su pai en a Policía de Hong Kong y que agora lidera as Triadas u mafia chinesa de Hong Kong.

A cinta s'ambienta integrament en Hong Kong en China en a suya epoca actual (2001) , pero las suyas escenas se filmoron en ixa ciudat y en Los Angeles y Santa Clarita en California y en Las Vegas en Nevada y Nueva York en o estau de Nueva York en os Estaus Unius, entre l'11 d'aviento de 2000 y lo 30 d'abril de 2001.

Lo suyo enguero s'escaició lo 26 de chulio de 2001 en Los Angeles (California, Estaus Unius) y se tracta d'una cinta que tenió un important exito de publico, con un recaudo de 347,3 millons de dólars con nomás que 90 millons de presupuesto, pero que a tamas d'ixo recibió criticas mixtas por part d'a critica especializada. D'atra man, Rush Hour 2 recibió bels premios y nominacions, pero garra d'istos premios fa parte d'os premios mas conoixius u destacaus.

Elenco

Actor	Papel	Notas
	'

Se veiga tamién

• Cine en 2001.
• Cintas de 2001.

Vinclos externos

• (en) Rush Hour 2 en Internet Movie Database.
• (en) Rush Hour 2 en AllMovie.
• (es) Rush Hour 2 en FilmAffinity.
• (fr) Rush Hour 2 en Allociné.
• (en) Rush Hour 2 en Rotten Tomatoes.
• (en) Rush Hour 2 en Letterboxd.
• (en) Rush Hour 2 en Box Office Mojo.
• (en) Rush Hour 2 en TCM Movie Database.
• (en) Rush Hour 2 en Metacritic.
• (en) Rush Hour 2 en l'American Film Institute Catalog de l'American Film Institute.

• Datos: Q830208