Walt Disney
- Iste articlo ye sobre Walt Disney lo director, productor y guionista cinematografico estadounidense. Ta la interpresa se veiga The Walt Disney Company.
| Walt Disney | |
|---|---|
Walt Disney. | |
| Información personal | |
| Calendata de naixencia | 5 d'aviento de 1901 |
| Puesto de naixencia | |
| Calendata de muerte | 15 d'aviento de 1966 |
| Puesto de muerte | |
| Ocupación | Director cinematografico, productor y guionista |
| Conchuche | Lillian Bounds (1925-1966) |
| - 1932 y 1938: Premio Oscar honorifico | |
Walter Elias Disney, naixiu de Chicago (Illinois, Estaus Unius) o 5 d'aviento de 1901 y muerto en Burbank (California, Estaus Unius) o 15 d'aviento de 1966, estió un director, productor y guionista cinematografico estausunidense, conoixiu por as suyas peliculas d'o Cine d'animación. Con su chirmano, Roy O. Disney, establió en 1923 l'interpresa hue clamada The Walt Disney Company, una d'as mes famosas productoras de cine y conoixida principalment por as suyas produccions de cintas de monyacos animaus. O suyo personache mas significativo y popular ye o ratón Mickey Mouse.
A lo largo d'a suya trachectoria como productor cinematografico, Walt Disney recibió cincuanta y nueu nominacions y obtenió un total de vintiséis Premios de l'Academia, d'os cuals cuatro fuoron honorificos. Dotze d'aquels premios estarían per cortometraches d'animación, categoría que las produccions Disney practicament coparon mientres lo decenio de 1930; menos conoixiu ye lo feito que Disney estió gualardonau tamién con diez estatuetas per la producción de cintas d'imachen real (dos d'ellas per largometraches), en as categorías de millor cortometraje d'imachen real, millor cortometrache documental y millor largometrache documental. Nunca recibió un Premio Oscar a lo millor largometrache, encara que Mary Poppins estió nominada en esta categoría en 1965, poco antes d'a muerte de Disney. Tamién cal tener en cuenta que no existiba encara la categoría de millor largometrache d'animación, que no se crea dica l'anyo 2001, per lo cual garra d'os largos clasicos de Disney obtenió premio; con dos excepcions: los Oscars honorificos concedius a Blancanieves, en 1939, y a cinta Fantasia, en 1942.
Murió en l'anyo 1966 de Cáncer de pulmón, desenvuelto per estar un fumador empederniu, fue incinerau y las suyas cenisas son depositadas en una parcela familiar particular en lo Forest Lawn Memorial Park.
En la actualidat sigue estando una figura muit important y conoixida en la historia d'o cine d'animación y la cultura estadounidense, an ye considerau un icono cultural nacional. Las suyas creyacions cinematograficas siguen estando vistas y adaptadas y lo estudeyo de cine que fundó y que leva lo suyo nombre sigue mantenendo o libel en a suyas produccions. Per unatra parte los catorce parques d'atraccions ubiertos en cuatro países reciben toz los anyos millons de visitantes.
A suya vida y o suyo legau s'amuestran en o Walt Disney Family Museum, situau en o Presidio de San Francisco, en l'actualidat un parque en a punta norte d'a Península de Sant Francisco y que fa parte d'o Golden Gate National Recreation Area.
Leyendas
[editar | modificar o codigo]La leyenda mas popular y difundida sobre Walt Disney y o suyo treballo ye que poco dimpués d'a suya muerte, (en 1969 quedó reflectau ya en una revista) surtió una remor que lo cuerpo de Disney heba estau criochenizau dica que los abances cientificos podesen tornar-lo a la vida. Se trata d'una leyenda completament falsa, ya que i hai constancia tanto d'a muerte de Disney como d'a suya posterior incineración, las suyas cenisas son depositadas en una parcela particular en lo Forest Lawn Memorial Park. A lo menos dos biógrafos de Disney, Leonard Mosley (Disney's World: A Biography, 1985) y Marc Eliot (Walt Disney: Hollywood's Dark Prince: A Biography, 1993) mencionan l'interés de Disney per la crichenia en los zaguers anyos d'a suya vida, encara que no aportan fuents concretas. Ye imposible saber con certeza si este interés existió y que haiga estau lo precursor d'esta leyenda urbana. Per unatro costau, lo feito que la incineración se levase en l'ambito estrictament privau podió alimentar estas especulacions. Tamién s'ha de tener en cuenta que Disney yera conoixiu, sobre tot en os suyos zaguers anyos d'a suya vida, per lo suyo interés per las innovacions tecnolochicas.
Unatra leyenda sitúa la suya naixencia de Mojácar, en a Almería con on ombre de José Guirao Zamora, fillo d'una mai soltera que emigró enta os Estaus Unius a prencipio d'o sieglo XX, una teoría que no sustentada por garra documentación.
Bibliografía
[editar | modificar o codigo]- (es) Disney Miller, Diana: Walt Disney. Madrit, Editorial Rialp, 1961.
- (en) Thomas, Bob: Walt Disney: An American Original. Nueva York, Simon & Schuster, 1976. ISBN 0-7868-6027-8.
- (en) Mosley, Leonard: Disney's World: A Biography. Nueva York, Stein and Day, 1985. ISBN 0-8128-3073-3.
- (es) Thomas, Bob: Walt Disney: personaje inimitable. Madrit, Iberonet, 1995. ISBN 84-88534-42-6.
Se veiga tamién
[editar | modificar o codigo]- Walt Disney Family Museum.
- Walt Disney Company.
- Disney Experiences.
- Walt Disney World Resort.
- Disneyland Park.
Vinclos externos
[editar | modificar o codigo]Se veigan as imáchens de Commons sobre Walt Disney.
- (en) Walt Disney en IMDb.
- (en) Sitio web d'o Walt Disney Family Museum.
| Control d'autoridaz |
|
|---|
Datos: Q8704