Tundra
| Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A tundra ye un ecosistema circumpolar, ye una planura ubierta, chelada y plana, arredol d'o polo norte, formada por mas de ueito millons de km². No i creix garra arbol, nomás molsa y liquens debiu a que o subsuelo ye chelau y a ixufrina polar priva que creixca. An que se desfa o chelo se i fa vasucals an que se forma o carbón clamau turba. S'ixemena per os territorios de Siberia, Alaska, Groenlandia, norte de Finlandia, Noruega y Canadá.
A parola tundra procede d'a parola "tūndâr" d'a luenga finlandesa que significa "planura sin arbols"
L'orache de a tundra se caracteriza per hibiernos cheladizos de tot y veranos curtos y frescos, con poca plevida de verano y muitos nevacils d'hibierno, alavez a temperatura gosa baixar dica os -28 graus centigraus, quedando tot tapau de nieu, chelo y cheleras. Nomás en os curtez veranos, que baixa a temperatura entre 1 y 10 graus, s'esterrenya bella mica y entre conchestas i sale bel plaponet de vechetación y bel vasucal an que se i fa turba, ya que como debaixo i hai un mallacán chelau, no se tresmina l'augua.
A fauna en a tundra ye un conchunto d'especies con caracteristicas propias que fan que tienga que acubillar-se y esfender-se bien de a chelor. Lo fan bien con pelletas densas, bien con acumulacions de grasura muit grans en proporción a o suyo tamanyo, bien per a forma de convivencia y d'acubillar-se en os suyos cubils fendo forigachos y foradiecos.
Os animals mas continos en a tundra son: o reno, o caribú, o buei almizclero, a llebre arctica, a craba de nieu, o lemming u rato de nieu, l'onso polar, o bubón de nieu y o lupo polar.
A flora escaseix mas que no a fauna, debiu a la baixa temperatura y a fuerte ixufrina, y tamién a contumancia de no trobar augua y poquetas sals minerals, ya que a materia organica tasament se pudreix y te puez trobar molsa, liquens, bel matiguer y bella flor de petalo molsudo.
Vinclos externos
[editar | modificar o codigo]Se veigan as imáchens de Commons sobre Tundra.
- (es) Ecorrechions de Tundra, WWF
- (es) barrameda.com.ar A tundra y a taiga
- (en) O bioma tundra