Ray Romano

Ray Romano
Vida
Nacimientu	Queens y Nueva York, 21 d'avientu de 1957 (66 años)
Nacionalidá	Estaos Xuníos
Residencia	Forest Hills (es)
Familia
Casáu con	Anna Scarpulla (1987 – )
Fíos/es	Alexandra Romano; Matt Romano; Gregory Romano
Estudios
Estudios	Institutou de Teatru y Cine Lee Strasberg ; Archbishop Molloy High School (en) ; Colegio de Queens (es) ; Hillcrest High School (en) 1975)
Llingües falaes	inglés
Oficiu
Oficiu	actor de televisión, actor de cine, actor de voz, guionista, xugador de póquer, actor, guionista de televisión (es)
Trabayos destacaos	Everybody Loves Raymond; Ice Age (es)
Premios	ver Primetime Emmy al meyor actor en serie de comedia (2002) : Everybody Loves Raymond; Primetime Emmy a la mejor serie de comedia (2003) : Everybody Loves Raymond; Primetime Emmy a la mejor serie de comedia (2005) : Everybody Loves Raymond;
Movimientu	ateísmu
Xéneru artísticu	comedia observacional (es) ; ribaldry (es) ; Slapstick
Discográfica	Columbia Records
Creencies
Relixón	ateísmu
IMDb	nm0005380
	rayromano.com

Raymond Albert Romano (21 d'avientu de 1957, Queens y Nueva York), más conocíu como Ray Romano, ye un actor de televisión, actor de cine, actor de voz, guionista, xugador de póquer, actor y guionista de televisión ^(es) d'Estaos Xuníos. Ye ganador d'un Premiu Emmy y ye conocíu principalmente por ser el protagonista de la serie risible Everybody Loves Raymond. Tamién ye popular por emprestar la so voz al mamut Manfred ("Manny") na Película Ice Age, la so secuela Ice Age 2: The Meltdown, Ice Age: Dawn of the Dinosaurs y Ice Age 4: Continental Drift.

Biografía

Raymond Romano nació en Queens, Nueva York, nuna familia católica d'orixe italianu (orixinariu de Scigliano conceyu de Calabria). Empezó los sos estudios na escuela católica de Forest Hills, y llogró el so diploma nel Institutu Hill Crest en 1975. Dempués d'un fugaz pasu pol Queens College de la City University of New York, abandonó los sos estudios pa dedicase a la so carrera como humorista, empezando como monologuista de Stand-up comedy, collaborando más tarde nel programa de David Letterman hasta tener la so propia serie de televisión, Everybody Loves Raymond, ente 1996 y 2005.

Na so vida personal, Raymond Romano, como'l so personaxe de ficción na serie, ta casáu (con Anna Scarpulla), tien una fía (Alexandra, quien en Everybody Loves Raymond interpretó'l papel de Molly, la meyor amiga de Ally, fía de Ray) y dos neños ximielgos (Matthew y Gregory, nomes que por error o por improvisación reciben los fíos de Ray nel episodiu piloto de la serie, enantes de pasar a llamase Michael y Geoffrey nos demás capítulos), y otru fíu llamáu Joseph Raymond (lo que lo estrema del so personaxe, Ray Barone, que namái tien tres fíos).

Eses nun son les úniques semeyances ente Ray Romano y el so personaxe en Everybody Loves Raymond: A los dos gústalos el golf (Ray Romano ye un golfista amateur que participa en torneos benéficos), los dos son siguidores de los New York Mets, los dos tienen un hermanu nel Departamentu de Policía de Nueva York.

Carrera profesional

La carrera de Ray Romano como humorista empezó nel xéneru del monólogu risible o stand up comedy, xéneru nel que llogró dellos premios y consiguió apaiciones n'espacios como Comedy Central o Dr. Katz. Inclusive probó como actor principal pa una serie de televisión, Joe, pero foi sustituyíu por otru actor (darréu, la serie foi atayada).

Fueron dos temporaes y les crítiques nun fueron hasta la cuarta temporada (1999) les audiencies aumentaron y la serie empezó a recibir numberoses nominaciones pa los Premios Emmy y los Premios del Sindicatu d'Actores. La serie duró nueve temporaes (hasta 2005), collechando un total de 13 Premios Emmy.

Amás de la so serie, Ray Romano participó en delles películes (Family Ties, Welcome to Mooseport), punxo voz al mamut Manny en Ice Age, Ice Age 2, Ice Age 3, Ice Age 4 y Ice Age 5 y escribió un llibru tituláu Everything and a Kite y grabó un CD con actuaciones en direutu. Tamién fixo apaiciones como estrella convidada en programes como El show de Bill Cosby, Hannah Montana, The Office, The King of Queens o The Simpsons, onde apaecía como supuestu amigu imaxinariu de Homer.

Filmografía

Añu	Película	Papel	Notes
1995-1997	Dr. Katz	Ray	Voz
1997	Cosby	Ray Barone / Frank Barone
1998	La neñera
1999	Becker
2002	La era de xelu	Manfred "Manny"	Voz
2004	Welcome to Mooseport	Handy Harrison
2004	Llazos de famiia	Skip Collins
2005	The Simpsons	Ray Magini	Voz
1996-2005	Toos quieren a Raymond	Ray Barone / Frank Barone	Protagonista
1998-2005	El rei de Queens	Ray Barone / Frank Barone
2006	Mafiosa	Anthony
2006	La era de xelu 2: El destemple	Manfred "Manny"	Voz
2007	The Grand	Fred Marsh
2008	The Last Word	Abel
2009	La era de xelu 3: L'orixe de los dinosaurios	Manfred "Manny"	Voz
2011	The Office	Merv Bronte
2011	The Middle	Nicky Kohlbrenner
2009-2011	Men of a Certain Age	Joe Tranelli
2012	La era de xelu 4: Derivar continental	Manfred "Manny"	Voz
2014	Rob the Mob	Jerry Cardozo
2012-2014	Parenthood	Hank Rizzoli
2016	La era de xelu 5	Manfred "Manny"	Voz

Premiu

American Comedy Awards: "Meyor interpretación risible protagonista nuna serie de televisión" (2000)
Premios Emmy: "Meyor Actor Principal nuna Serie Risible" (2002)
People's Choice Awards: "Actor Favoritu de Televisión del Añu" (2002, 2003, 2004 y 2006)
Premios del Sindicatu d'Actores: "Meyor repartu nuna serie de televisión" (2002, compartíu colos sos compañeros de repartu)
Premios TV Guide: "Actor del añu nuna serie risible" (2001)

Referencies

↑ Afirmao en: catálogu de la Biblioteca Nacional Checa. Identificador NKCR AUT: mzk20201081572. Data de consulta: 17 xineru 2024.
↑ Afirmao en: Encyclopædia Britannica Online. Identificador Encyclopædia Britannica Online: biography/Ray-Romano. Apaez como: Ray Romano. Data de consulta: 9 ochobre 2017. Llingua de la obra o nome: inglés.
↑ Afirmao en: catálogu de la Biblioteca Nacional Checa. Identificador NKCR AUT: mzk20201081572. Data de consulta: 1r marzu 2022.

Enllaces esternos

Páxina web oficial (n'inglés)
Ray Romano na Internet Movie Database (n'inglés)
Ray Romano n'AllMovie (n'inglés)
Ray Romano en Twitter
Ray Romano en TV.com (enllaz rotu disponible n'Internet Archive; ver l'historial y la última versión).

[fb77c873fecfa803deab66928285f03737ec846e-1] Afirmao en: catálogu de la Biblioteca Nacional Checa. Identificador NKCR AUT: mzk20201081572. Data de consulta: 17 xineru 2024.

[f25caec907c348aff1c6177f09e81895732a206f-2] Afirmao en: Encyclopædia Britannica Online. Identificador Encyclopædia Britannica Online: biography/Ray-Romano. Apaez como: Ray Romano. Data de consulta: 9 ochobre 2017. Llingua de la obra o nome: inglés.

[f3cd565c7071005ad39d26050ed507391022c53f-3] Afirmao en: catálogu de la Biblioteca Nacional Checa. Identificador NKCR AUT: mzk20201081572. Data de consulta: 1r marzu 2022.

[1]

[2]

[3]