Ojos de Brujo
| Ojos de Brujo | |
|---|---|
|
| |
| Datos | |
| Tipu | grupu musical |
| Xéneru | reggae |
| Sellu discográficu | Edel |
| País | España |
| Orixinarios de |
|
| Fecha fundación | 1996 |
| Web oficial | |
Ojos de Brujo ye una banda formada en Barcelona, España en 1996. Carauterízase pola fusión d'estilos, buscando los puntos d'alcuentru ente'l flamencu con otros estilos musicales como reggae, hip hop, música llatina, rock y distintos estilos de música electrónica.
Historia
[editar | editar la fonte]EI proyeutu de Ojos de Brujo creóse en Barcelona, en 1996, a fin del alcuentru, en distintos jam sessions, de distintos músicos de la escena barcelonesa del momentu. Ye d'estos alcuentros de los que surdieron los cantares que van conformar el so primer discu, Vengue, que ve la lluz en 1999. Edítase, amás d'en España, n'otros países como Bélxica, Holanda, Francia, Italia y Alemaña, promocionándose en festivales a lo llargo y anchu d'Europa. El boca a boca supunxo un papel vital nel espardimientu del discu, llegando a vender cuarenta mil copies, venti mil d'elles n'ocho meses.[ensin referencies]
La formación del grupu estabilizóse con Ramón Giménez, Juanlu, Marina "la canillas", Xavi Turull, Panko, Sergio Ramos ( ex-Wom! A2 ) y Maxwell Wright, pero siempres cuntando con collaboraciones de toa triba. En 2001 ruempen contratu cola so discográfica, Edel, opten pola autoxestión y empiecen la xira Abriendo puertas per toa España.
Los cantares de Ojos de Brujo traten distintos tipos de temes sobre crítica social, política, probeza, marxinación, etc.
En 2002 editaron Barí, de la mano La Fábrica de Colores, un sellu discográficu que crean y autoxestionen pa la producción y edición de los sos propios trabayos. Esti discu va suponer el so definitivu despegue a nivel internacional y la so xira promocional lléva-yos por festivales d'EEXX, Méxicu, Canadá, Xapón, Colombia, Marruecos, Portugal, Cuba, Hungría, Francia, Alemaña, Holanda, Dinamarca, Noruega ya Italia ente otros países.[ensin referencies]
El 20 de febreru de 2006, publiquen el so tercer trabayu tituláu Techarí en Diquela Records. Juanlu abandona'l proyeutu y Javier Martín pasa a ser el baxista de la banda participando yá na grabación. Con esti discu consiguen un Grammy al meyor discu flamencu. Nésti álbum collaboren Pepe Habichuela, Martirio, Cyber (miembru d'Asian Dub Foundation) y Nitin Sawhney ente otros. Salió a la venta en dos ediciones distintes, una normal y otra deluxe ilustrada por graffiteros, ilustradores y comiqueros de dellos países.
En 2007 editen el so primer discu en direutu llamáu Techarí Live, onde interpreten los temes del so últimu discu y una versión de Bob Marley, "Get Up, Stand Up" xunto con Faada Freddy (DaraJ). Ésti discu vien acompañáu con un DVD con un conciertu grabáu en Barcelona'l 22 d'avientu de 2006, un documental sobre la banda y estres.
En 2009 editen un discu llamáu "Aocaná", cuartu álbum d'estudiu, con collaboraciones como Tote King, Chano Domínguez, Dir Van, ente otros.
En 2010 editen un discu recopilatoriu llamáu "Corriente Vital", onde percuerren los sos 10 años de carrera, enantes de dixebrase. Esti discu inclúi versiones de les sos temes fechos o con collaboraciones de Manolo García, Eva d'Amaral, Bebi, Roldan d'Orishas, Estopa, Najwa Mimri, o Chicuelo, ente otros.
Estos últimos dos discos son editaos por Warner.
En 2013 dixébrense y Marina empieza la so carrera en solitariu como "Marinah".
Discografía
[editar | editar la fonte]- Vengue (1999)
- Barí (2002)
- Bari: remezclas de la casa (2003)
- Techarí (2006)
- Techarí live (2007)
- Aocaná (2009)
- Corriente Vital (2010)
Videografía
[editar | editar la fonte]- Xirando Barí (2005)
- Techarí live (2007)
Referencies
[editar | editar la fonte]Enllaces esternos
[editar | editar la fonte]Wikimedia Commons acueye conteníu multimedia sobre Ojos de Brujo.
- Páxina web oficial
- Ojos De Brujo en Myspace
- Ojo de Bruxu biografía y crítiques de discos en Lafonoteca
- Conciertu Amsterdam
- Ojos de Brujo en Radio Chango
| Control d'autoridaes |
|
|---|
Datos: Q576420