Abdelaziz Bouteflika

Abdelaziz Bouteflika
presidente de la Organización para la Unidá Africana
Presidente d'Arxelia
Presidente de la Asamblea General de las Naciones Unidas (es)
ministro de Asuntos Exteriores de Argelia (es)
Permanent Representative of Algeria to the United Nations (en)
Vida
Nacimientu	Oujda. المغرب, 2 de marzu de 1937
Nacionalidá	Arxelia
Residencia	Zéralda (es) ; El Biar (es)
Llingua materna	árabe
Muerte	Zéralda (es) , 17 de setiembre de 2021 (84 años)
Sepultura	El Alia Cemetery (en)
Causa de la muerte	paru cardiorrespiratoriu
Familia
Casáu con	Amal Triki (1990 – valor desconocíu)
Hermanos/es	Said Bouteflika (es)
Estudios
Estudios	Universidá d'Arxel
Llingües falaes	árabe; francés
Oficiu	políticu, diplomáticu, revolucionariu
Premios	ver Caballeru de Gran Cruz con collar de la Orde al Méritu de la República Italiana ; Orden Francisco de Miranda ; Order of the Republic ; Orde del Méritu de la República d'Hungría ; Orde del Infante Don Enrique ; Orde al Méritu de la República d'Austria ; Orde Nacional de Malí ; Orde del Sol de Perú ; National Maltese Order of Merit ; Orden al Mérito de Chile ; Orde de la Cruz del Sur ; Orde Olímpica ; Orde del Méritu Civil ; Orde de l'Amistá ; Orde al Méritu de la República Italiana ; Gran Collar de la Orde del Infante Don Enrique ; Grand Star of the Decoration for Services to the Republic of Austria ; Orde de la República de Serbia ; Orde Nacional José Martí ; Orden del Mérito Nacional ; Gran Cruz con Collar de la Orde de Méritu de la República d'Hungría ; Grand Order of Mugunghwa ; Collar de la Orde del Méritu Civil (2002) ; Order of the Star of Palestine (2014) ;
Miembru de	Frente de Liberación Nacional (es) ; National Constituent Assembly (en) ; Revolutionary Council (en)
Serviciu militar
Lluchó en	Guerra d'Independencia d'Arxelia
Creencies
Relixón	islam; Sufismu
Partíu políticu	Frente de Liberación Nacional (es)
IMDb	nm1527318

Abdelaziz Buteflika (árabe: عبد العزيز بوتفليقة, 2 de marzu de 1937, Oujda. المغرب – 17 de setiembre de 2021, Zéralda ^(es) ) foi un políticu arxelín, presidente de la República Arxelina (1999-2019).

Carrera militar

Proviniente d'una familia inmigrante, llueu integróse nel Frente de Lliberación Nacional d'Arxelia. Foi un líder militar (conocíu col nomatu de Abdelkader) na Guerra de la Independencia Arxelina. Mientres la mesma tuvo destináu en distintes puestos, incluyíu'l control de la frontera con Malí y viaxó a Francia escondíu, entamando la resistencia del Frente de Lliberación na metrópolis. Dempués de la independencia foi escoyíu diputáu pa l'Asamblea Constituyente. Ahmed Ben Bella elixólu pa formar parte del gobiernu en 1962 ocupando la cartera de Mocedá, Turismu y Deportes. En 1963, en llogrando de nuevu la so acta de diputáu, foi nomáu ministru d'Esteriores y en 1964 pasó a formar parte del Comité Central del FLN.

Bien xuníu al coronel Huari Bumedián dende la guerra de la independencia, entamó al pie d'este'l golpe d'Estáu contra'l presidente. Sol nuevu gobiernu siguió ocupando la cartera d'esteriores que-y dexó proyeutar al nuevu réxime arxelín pel mundu y empezar a establecer rellaciones diplomátiques fluyíes con Francia, con quien robló un ampliu alcuerdu económicu en 1971. Partidariu del Movimientu de Países Non Alliniaos, foi un activu defensor de dicha organización, estendiendo l'enfotu de la mesma nel mundu árabe y convirtiendo a Arxelia en puntu d'alcuentru de diverses xuntes internacionales. Mientres les sos funciones como presidente de l'Asamblea Xeneral de la ONX en 1974, llogró la reconocencia de la Organización pa la Lliberación de Palestina como miembru de plenu derechu de l'Asamblea, lo que-y ganó les simpatíes de los palestinos. Dimitió como ministru d'Esteriores en 1979 tres la muerte de Bumedián y el nuevu presidente, Chadli Bendjedid, nómalu ministru d'Estáu con escases competencies.

Carrera política

El réxime nuevu condergalu al ostracismu dende 1980. En 1983 el Tribunal de Cuentes abrió-y un espediente por malversación de fondos públicos. Ente 1983 y 1987 tuvo exiliáu nos Emiratos Árabes Xuníos, Suiza y la mesma Francia. Al so regresu al país xúnese al movimientu de la Carta de los 18 en contra de Benjedid y en 1989 reincorpórase al Comité Central del FLN. Hasta 1999 refugó toles ufiertes pa dirixir el país o asumir dalgún tipu de responsabilidá gubernamental. Tres el final del gobiernu de Liamine Zéroual, presentóse como candidatu independiente a les eleiciones pa la Presidencia de la República'l 15 d'abril de 1999 con un programa de reconciliación nacional colos islamistes y en contra de les posiciones del exércitu partidariu del combate y la represión de los elementos fundamentalistes. A pesar de presentase como independiente, Buteflika llogró'l sofitu del FLN y del constituyíu partíu de Zéroual, el Reagrupamientu Nacional Democráticu y llogró cerca del 74% de los sufraxos.

Tres la so aplastante victoria, aprovechó pa oficializar y llegalizar la tregua primeramente establecida pol Exércitu Islámicu de Salvación, brazu armáu del FIS, en 1997, ufiertando la paz, lo que condució a la fin de la llucha armada'l 6 de xunu de 1999. Dientro del Plan de Concordia Nacional, aprobáu pola Asamblea Nacional, en xunetu de 1999 decretóse una amnistía pa tolos presos fundamentalistes que tuvieren llibres de delitos de sangre, al empar qu'encadarmaba un programa d'integración social. El 4 de xineru de 2000 l'Exércitu Islámicu de Salvación y el Gobiernu roblaron el Tratáu de Paz que permitió la disolución de la organización terrorista y l'indultu de tolos sos miembros. Sicasí, tanto'l Grupu Islámicu Armáu (GIA) como'l Grupu Salafista pa la Predicación y el Combate (GSPC) negáronse a la firma del alcuerdu y siguieron les sos aiciones armaes. En 2004 foi reelixíu col 83% de los votos.

Dende la firma de los alcuerdos de paz desenvolvió un ampliu llabor políticu internacional p'ameyorar la imaxe d'Arxelia: meyora de les rellaciones col Marruecos de Mohammed VI, aceptación esplícita del entós presidente de los Estaos Xuníos, Bill Clinton, de la política interna de represión contra los islamistes tovía combatientes, continuación d'un diálogu fluyíu con Francia y firma d'alcuerdos comerciales ventaxosos con España p'ampliar el suministru de gas natural a esti país y, nun futuru, a otres zones d'Europa.

El 5 de setiembre de 2007, mientres un viaxe del presidente a Batna, Al Qaeda del Magreb Islámicu fixo españar una bomba ente un ensame qu'esperaba la llegada presidencial, causando ventidós muertos.^[8]

Ver tamién

Ahmed Ouyahia, primer ministru
Protestes n'Arxelia de 2011

Referencies

↑ Afirmao en: Internet Movie Database. Identificador IMDb: nm1527318. Data de consulta: 14 ochobre 2015. Llingua de la obra o nome: inglés.
↑ URL de la referencia: https://www.elwatan.com/edition/actualite/le-president-abdelaziz-bouteflika-nest-plus-17-09-2021.
↑ «Algeria's former President Bouteflika dies at 84».
↑ URL de la referencia: http://www.jeuneafrique.com/225294/politique/alg-rie-bouteflika-et-les-femmes/.
↑ Biblioteca Nacional de Francia. «autoridaes BNF» (francés). Consultáu'l 10 ochobre 2015.
↑ URL de la referencia: http://www.ordens.presidencia.pt/?idc=154.
↑ Identificador del Boletín Oficial del Estado: BOE-A-2002-19305.
↑ Una bomba estalla en Argelia antes de una visita presidencial, 20 minutos, 6 de setiembre de 2007

Enllaces esternos

[942f6f42fe2695c3d6597c2e3ac561222dce88b6-1] Afirmao en: Internet Movie Database. Identificador IMDb: nm1527318. Data de consulta: 14 ochobre 2015. Llingua de la obra o nome: inglés.

[f4aad93cfb3115c02513b1044aaab070c92d1467-2] URL de la referencia: https://www.elwatan.com/edition/actualite/le-president-abdelaziz-bouteflika-nest-plus-17-09-2021.

[872bc7df0ec51d5ea707ada1c6af6e40bbdf6e77-3] «Algeria's former President Bouteflika dies at 84».

[8138cc600f33db9296ea63fda34b818814e938a6-4] URL de la referencia: http://www.jeuneafrique.com/225294/politique/alg-rie-bouteflika-et-les-femmes/.

[9ff3e4760dd014d37d65f74f7d20c4e5554dd2b6-5] Biblioteca Nacional de Francia. «autoridaes BNF» (francés). Consultáu'l 10 ochobre 2015.

[8f2a50e0c445c3cd9024e1d142ef752db4cdd3b5-6] URL de la referencia: http://www.ordens.presidencia.pt/?idc=154.

[f28074116280b5c79b7510edee14ba789ff5ebd5-7] Identificador del Boletín Oficial del Estado: BOE-A-2002-19305.

[8] Una bomba estalla en Argelia antes de una visita presidencial, 20 minutos, 6 de setiembre de 2007

[1]

[2]

[3]

[4]

[5]

[6]

[7]

[8]