Cincinnati
|
| |||||
| |||||
| Alministración | |||||
| País | |||||
| Estaos | |||||
| Condáu | condáu de Hamilton | ||||
| Tipu d'entidá | gran ciudá | ||||
| Alcalde de Cincinnati | Aftab Pureval | ||||
| Nome oficial |
Cincinnati (en) Losantiville (en)[1] | ||||
| Nome llocal | Cincinnati (en) | ||||
| Xeografía | |||||
| Coordenaes | 39°06′00″N 84°30′45″W / 39.1°N 84.5125°O | ||||
|
Cincinnati Cincinnati (los EE.XX.) | |||||
| Superficie | 204.589872 km² | ||||
| Altitú | 147 m | ||||
| Llenda con |
Norwood (es) | ||||
| Demografía | |||||
| Población | 309 317 hab. (1r abril 2020) | ||||
| Porcentaxe | 100% de condáu de Hamilton | ||||
| Densidá | 1511,89 hab/km² | ||||
| Viviendes | 138 696 (31 avientu 2020) | ||||
| Más información | |||||
| Fundación | 1788 | ||||
| Prefixu telefónicu |
513 | ||||
| Estaya horaria |
Horariu del este de Norteamérica UTC−05:00 (horariu estándar) UTC−04:00 (horariu de branu) | ||||
| Llocalidaes hermaniaes | Kharkiv, Netanya, Nancy, Munich, Mysore, Gifu, Liuzhou, Nuevu Taipéi, Ḥarare, Tijuana, Taipéi, Roma y Amán | ||||
| cincinnati-oh.gov | |||||
Cincinnati ye una ciudá del estáu norteamericanu d'Ohio. Foi fundada en 1788 na fastera septentrional de la xuntura de los ríos Licking y Ohio, y ye, amás de la sede alministrativa del condáu de Hamilton[2], la ciudá principal del área estadística combinada Cincinnati–Middletown–Wilmington, que tenía, nel censu de 2010, una población de 2.172.191 habitantes[3]. La ciudá, con 298.800, ye la tercera mayor d'Ohio y la 65ª mayor de los Estaos Xuníos, amás de la que tien el mayor crecimientu económicu de toles ciudaes del Mediu Oeste[4]. La so área estadística metropolitana, conocida como Gran Cincinnati, ye la 28ª mayor del país, y la so situación permíte-y tar a un día en coche de dos terceres partes de la población de los Estaos Xuníos[5].
Nel sieglu XIX Cincinnati rescamplaba pol so dinamismu económicu y gran crecimientu, que-y permitía competir, pese a nun tar a la vera la mar, en tamañu y riqueza coles ciudaes de la costa noreste del país. Demientres bona parte desi sieglu apaeció de siguío, xunto a elles y Nueva Orleans, na llista de les diez ciudaes más poblaes del país. La ciudá, que foi la primera fundada tres de la Revolución Americana y la primera de bon tamañu nel interior del continente, tien a honor ser la primer ciudá "puramente americana"[6].
Magar que recibió, en xeneral, menor númberu d'inmigrantes que les ciudaes de la costa la inmigración alemana dexó güelga na ciudá, una y bones los nacionales d'esi país fundaron munches de les instituciones culturales de la ciudá. Pa finales del sieglu XIX, col cambéu nos patrones de tresporte de mercancíes, que priorizó l'usu del ferrocarril sobro'l de los barcos de vapor, el crecimientu de la ciudá entamó a enlentecese. La ciudá viose enseguida sobrepasada en población por otres ciudaes del interior del país; especialmente por Chicago, que se desarrolló como centru de comerciu de materies primes, y por Saint Louis, que foi nes décades siguientes a la guerra civil el puntu de partida de los inmigrantes hacia l'oeste.
Cincinnati tien dos clubes profesionales: los Cincinnati Reds, l'equipu más antiguu de les Grandes Lligues de Béisbol, y los Cincinnati Bengals, de la lliga profesional de fútbol americanu. La Universidá de Cincinnati, fundada en 1819, ye una de les 50 mayores de los Estaos Xuníos[7]. La ciudá ye conocida pola so arquiteutura histórica. A finales del sieglu XIX a la ciudá llamábenla "el París d'América" pola bayura d'edificios singulares y arquitectónicamente ambiciosos como'l Music Hall, el Hotel Palace o los grandes almacenes Shillito[8].
Ver tamién
[editar | editar la fonte]Referencies
[editar | editar la fonte]- ↑ «The Cincinnati Enquirer» (inglés). Consultáu'l 28 marzu 2021.
- ↑ «Find a County». National Association of Counties. Archiváu dende l'orixinal, el 31 de mayu de 2011. Consultáu'l 7 de xunu de 2011.
- ↑ Census: Cincinnati 62nd-largest U.S. city. Business Courier. 22 de xunu de 2010. http://www.bizjournals.com/cincinnati/stories/2010/06/21/daily22.html. Consultáu'l 22 de xunu de 2010.
- ↑ Cincinnati economy fastest-growing in the Midwest. http://www.cincinnati.com/story/money/2015/09/23/cincinnati-economy-fastest-growing-midwest/72689970/. Consultáu'l 13 d'abril de 2018.
- ↑ «Getting to Cincinnati, USA». Consultáu'l 13 d'abril de 2018.
- ↑ Industrial Bureau of Cincinnati (1909). The Cincinnati Industrial Magazine, Volumes 1–2. Consultáu'l 20 de mayu de 2013.
- ↑ Rieselman, Deborah. «Brief history of University of Cincinnati». UC Magazine. University of Cincinnati University Relations. Consultáu'l 13 d'abril de 2018.
- ↑ «When Cincinnati was 'the Paris of America'». Building Cincinnati (19 d'abril de 2010). Archiváu dende l'orixinal, el 19 d'abril de 2012.
Enllaces esternos
[editar | editar la fonte]Wikimedia Commons acueye conteníu multimedia sobre Cincinnati.
Sitiu web oficial (n'inglés)
Cincinnati n'OpenStreetMap.
- Páxina web oficial de la ciudá.
- Centru de Visitantes y Congresos del Gran Cincinnati.
- Páxina web turística oficial de la ciudá.
Datos: Q43196