Colores panafricanos

Los colores panafricanos, símbolu del panafricanismu, son el colloráu, el verde y el negru o'l mariellu. Tán presentes en munches banderes, tanto africanes como americanes y europees (territorios europeos d'ultramar). Tán presentes en banderes del continente americanu (Dominica, Granada, Guayana Francesa, Xamaica, San Vicente y Les Granadines) porque munchos esclavos convirtieron esos países na so nueva patria al nun poder volver a África.

El colloráu representa la sangre d'aquellos que morrieron por causa de la esclavitú, la colonización y les guerres pola independencia; el negru representa la persona negra africana; el mariellu representa la riqueza mineral d'África, y el verde simboliza los montes y la riqueza natural d'África.