Guerra de les Malvines
La Guerra de les Malvines o Guerra de l'Atlánticu Sur (n'inglés, Falklands War) foi un conflictu armáu ente la República Arxentina y el Reinu Xuníu que tuvo llugar nes islles Malvines, Xeorxa del Sur y Sándwich del Sur. La guerra desarrollóse ente'l 2 d'abril, día del desembarcu arxentín nes islles, y el 14 de xunu de 1982, fecha de la rendición arxentina, lo que conllevó'l recobramientu de los tres archipiélagos por parte del Reinu Xuníu.
La causa foi la llucha pola soberanía sobre estos archipielagos australes, tomaos pola fuercia en 1833 y dominaos dende entoncies pol Reinu Xuníu, dalgo nunca almitío por Arxentina que los sigue reclamando como parte integral ya indivisible del so territoriu; de fechu, considera que s'alcuentren ocupaos illegalmente por una potencia invasora y los incluye como parte de la so Provincia de Tierra del Fueu, L'Antártida ya Islles de l'Atlánticu Sur.
El coste final de la guerra en vides humanas foi de 649 militares arxentinos, 255 británicos y 3 civiles.
Políticamente, n'Arxentina, la derrota nel conflictu precipitó la cayida de la xunta militar que gobernaba'l país; nel Reinu Xuníu, pola so parte, la victoria nel enfrentamientu ayudó a que'l gobiernu conservador de Margaret Thatcher llograra la reeleición nes eleiciones del añu 1983.
Referencies
[editar | editar la fonte]Enllaces esternos
[editar | editar la fonte]- Cronoloxía de la Guerra de les Malvines Archiváu 2010-04-06 en Wayback Machine
- Antecedes, información y aiciones sobre les Malvines. Fuercia Aérea Arxentina) Archiváu 2006-12-02 en Wayback Machine
- Historia del conflictu y rellación de cayíos. Exércitu d'Arxentina.
Datos: Q48249
Multimedia: Falklands War