Isadora Duncan

Isadora Duncan
Vida
Nacimientu	San Francisco, 26 de mayu de 1877
Nacionalidá	Estaos Xuníos Xunión Soviética
Muerte	Niza, 14 de setiembre de 1927 (50 años)
Sepultura	Cementeriu de Père-Lachaise
Causa de la muerte	estrangulación (es)
Familia
Padre	Joseph Charles Duncan
Madre	Mary Dora Gray
Casada con	Serguéi Yesenin (es) (1922 – div. 1923)
Pareyes	Jules Grandjouan Mercedes de Acosta André Caplet Paris Singer Edward Gordon Craig
Fíos/es	Deirdre Craig Patrick Augustus Duncan
Hermanos/es	Raymond Duncan Augustin Duncan Elisabeth Duncan (es)
Estudios
Llingües falaes	inglés
Profesora de	Nellie Yu Roung Ling Zavarikhin Vasily (en) Lizzie Yu Der Ling (es)
Oficiu	baillarina, coreógrafa, autobiógrafa, guionista, baillarina de balé, escritora
Llugares de trabayu	Barcelona
Creencies
Relixón	ateísmu
IMDb	nm0241984

Isadora Duncan (26 de mayu de 1877, San Francisco – 14 de setiembre de 1927, Niza) foi una bailarina d'Estaos Xuníos. Figura mítica de la danza contemporánea, foi una de les grandes renovadores de la so disciplina, a la que-y dio una mayor naturalidá y llibertá d'espresión.

Los padres divorciáronse los pocos meses de nacer Isadora. A ello siguieron una riestra acontecimientos que terminaron col encarcelamientu de so pa, acusáu de fraude bancariu. Por ello foi la madre la encargada de la educación d'Isadora, na qu'había un llugar destacáu pa la música.

Na so adolescencia la familia treslladóse a Chicago, onde entamó a estudiar danza clásica. La familia perdió tolo que tenía nun fueu y marcha a vivir a Nueva York, onde Duncan ingresa na compañía del dramaturgu Augustin Daly. Al cumplir 21 años Isadora y la so familia treslládense a vivir a Londres, entrando a estudiar arte nel Muséu Británicu.

El so estilu de danza yera nuevu dafechu y rompía cola rixidez del ballet clásicu, apostando pola espontaneidá y la naturalidá, aportando los pegollos de la danza contemporánea europea. Queriendo poner nel llugar afayadizu la guapuraa y l'armonía del cuerpu, Isadora nun duldó en mostralu casi desnudu, disimuláu solo por dellos velos, y bailando descalza. Amás Isadora utilizaba música de conciertu, que nun principiu nun tuviera pensada pa ser bailada. Too ello tuvo una bona acoyida nuna Europa que vivía con intensidá les vanguardies del arte. Fundó compañíes de danza en dellos países europeos, y tuvo como alumnes a Martha Graham y a Mary Wigham.

Jules Grandjouan, dibuxante y revolucionariu conocíu polos sos dibuxos en L'assiette au berre, foi'l so amante, y fizo dellos dibuxos sobre la so danza.

Nos sos últimos años establecióse'n Niza u consiguió la reconocencia que nun llogró nel so país. La so muerte foi tráxica al ser estrangulada pola so propia bufanda enganchada na llanta de la rueda del so coche. El so cuerpu reposa nel cementeriu parisín de Père Lachaise.

Enllaces esternos

• Wikimedia Commons acueye conteníu multimedia sobre Isadora Duncan.

• Datos: Q483512
• Multimedia: Isadora Duncan
• Cites famoses: Isadora Duncan