Pedagoxía
La pedagoxía (del griegu παιδίον paidíon 'neñu' y ἀγωγός agōgós 'guía, conductor') ye la ciencia que tien como oxetu d'estudiu la educación col enfotu de entamala pa cumplir con determinaos fines, establecíos a partir de lo que ye deseable pa una sociedá, esto ye, el tipu de ciudadanu que quier formase. Pertenez al campu de les ciencies sociales y humanes.
L'oxetu d'estudiu na pedagoxía ye «la educación», tomada ésta nel sentíu xeneral, que-y atribuyeron diverses llexislaciones internacionales, como lo referío en documentos de la Organización de les Naciones Xuníes pa la Educación la Ciencia y la Cultura (Unesco), la Organización d'Estaos Iberoamericanos pa la Educación, la Ciencia y la Cultura (OEI) y los mesmos de cada país (como les lleis xenerales o nacionales sobre educación). Tamién ye posible atopar la pallabra «formación» como oxetu d'estudiu de la Pedagoxía, siendo «educación» y «formación» vocablo sinónimos en tal contestu (esiste un alderique qu'indica que son términos distintos).
La pedagoxía estudia a la educación como fenómenu complexu y multirreferencial, lo qu'indica qu'esisten conocencies provenientes d'otres ciencies y disciplines que pueden ayudalu a entender lo que ye la educación; exemplos d'ello son la historia, la socioloxía, la psicoloxía y la política, ente otres. Nesti contestu, la educación tien como propósitu incorporar a los suxetos a una sociedá determinada que tien pautes culturales propies y carauterístiques; esto ye, la educación ye una aición que lleva implícita la intencionalidad del meyoramientu social progresivu que dexe que'l ser humanu desenvuelva toles sos potencialidaes. Pa una meyor comprensión de la historia de la conformanza de la Pedagoxía y la so rellación cola educación, Immanuel Kant y Durkheim apurren elementos importantes. Kant propón la confección d'una disciplina que sía científica, teórica y práutica, que se base en principios, esperimentación y reflexones sobre práutiques concretes. Durkheim, al referise a la educación, espresa que ye materia de la Pedagoxía y ye indispensable construyir un saber per mediu de la implementación de regles metodolóxiques −postura positivista− que sía garante del calter científicu de dichu conocencia.
Etimoloxía
[editar | editar la fonte]La pallabra provién del griegu παιδαγωγέω (paidagōgueō); nel cual παῖς (xen. παιδός paidós) significa "neñu" y άγω (ágō) significa "guía", esto ye "dirixir al neñu". Na antigua Grecia'l pedagogu yera l'esclavu encargáu d'acompañar al neñu hasta la Palestra o didaskaleía.
De la pallabra griega παιδαγωγέω depués llatinizada como pedagogu darréu surde l'actual pallabra castellana cascante col significáu d'aquel con dellos pocos o fementidos conocencies, que suel dar la plepa o ser intelectualoide (ye dicir daquién o daqué qu'aparenta ser intelectual) y que suel estelar a los ignaros y a les persones pueriles (por casu, pasar por "sapiente" ante les persones que la so mentalidá ye de παιδός, paidos o pueriles), por tal motivu ye importante estremar la pallabra pedagogu de la so derivada peyorativamente cascante.
Ver tamién
[editar | editar la fonte]- Ciencies de la educación
- Pedagoxía crítica
- Pedagoxía llibertaria
- Pedagoxía cibernética
- Diseñu instruccional
- Materiales didácticos
- Paulo Freire
- Educación
- Didáctica
- Pedagoxía Waldorf
- Métodu Montessori
- Métodu Decroly
- Andragogía
Referencies
[editar | editar la fonte]Bibliografía
[editar | editar la fonte]- Abbagnano, N. y Visalberghi, A. "Historia de la pedagogía". Novena reimpresión. Madrid: Fondu de Cultura Económica, 1992.https://holismoplanetario.files.wordpress.com/2015/02/abbagnano-y-visalberghi-historia-de-la-pedagogia-reduc.pdf
- Alvarez de Zayas. C. "Pedagoxía. Un modelu de formación del home". 4ta edición. Cochabamba: Kipus, 2012.
- Hevia Berna, Daysi. Xefa del Departamentu de Docencia, Hospital Pediátricu Universitariu “William Soler”. L'Habana, Cuba. Citada en: Biblioteca de Pedagoxía. Espasa Sieglu XXI.
- Kant, Immanuel. "Pedagoxía". http://dspace.utalca.cl:8888/bibliotecas/librodot/pedagogia.pdf
- La Columna Pedagóxica. Blogue especializáu en temes pedagóxiques y educativos. http://archive.today/20130620172839/columnapedagogica.blogspot.com/
- Presentación del programa de la Llicenciatura en Pedagoxía de la UNAM - Sistema d'Universidá abierta.
http://www.suafyl.filos.unam.mx/lic_pedagogia
- PedagogíaMx Web sobre Pedagogía (enllaz rotu disponible n'Internet Archive; ver l'historial y la última versión).
Enllaces esternos
[editar | editar la fonte]Wikimedia Commons acueye conteníu multimedia sobre Pedagoxía.