Sergio I

Sergio I
84. Papa
Cardenal
Vida
Nacimientu	Palermo, 650
Nacionalidá	Imperiu Bizantín
Muerte	Roma, 12 de setiembre de 701 (50/51 años)
Sepultura	basílica de San Pedru
Oficiu	sacerdote católicu
Llugares de trabayu	Roma
Santoral
	8 de setiembre
Creencies
Relixón	Ilesia Católica

San Sergio I (650, Palermo – 12 de setiembre de 701, Roma) foi'l papa nᵘ84 de la Ilesia católica de 687 a 701.

Biografía

Nació en Sicilia; yera descendiente d'una familia siria d'Antioquía asitiada en Palermo.

Designáu papa dempués de dos eleiciones, una a favor del arcedianu Pascual, y la otra al arcipreste Teodoro. Esti postreru sometióse voluntariamente a Sergio; l'arcedianu, anque lo fixo, foi de mala voluntá.^[2]

Estos dos antipapes quedaron llueu estremaos pola eleición de Sergio I, que, col sofitu del exarca de Rávena foi consagráu, con barruntos de simonía al ser acusáu de pagar pola so eleición al citáu exarca, el 15 d'avientu de 687.

Mientres el so pontificáu celebró un conceyu en Constantinopla, ente'l 691 y el 692, convocáu pol emperador Xustinianu II y conocíu como Segundu Conceyu Trullano.

Este conceyu ye consideráu pola Ilesia ortodoxa como complementariu de los conceyos ecuménicos quintu y sestu y, por tanto, ye tamién conocíu como Conceyu Quinisexto; emitió ciento dos cánones que, anque roblaos polos legaos papales, fueron refugaos, en parte, por Sergio I, como'l qu'aprobó que los homes casaos pudieren aportar al sacerdociu, lo que suponía una relaxación de la regla del celibatu, pero sobremanera poles decisiones qu'oldeaben la sede de Constantinopla cola de Roma.

Esti refugu a reconocer el sínodu provocó l'enfrentamientu ente'l papáu y l'emperador bizantín, que llegó a intentar la detención y treslláu a Constantinopla de Sergio I, pa lo qu'unvió a Roma una misión, que fracasó debíu al sofitu que'l papa recibió de la milicia de Rávena y de la Pentápolis.

L'emperador Xustinianu II, agafáu de que Sergio refugara aprobar los cánones del Conceyu in Trullo, unvió a Zacarías a Roma pa prender al Papa y conduci-y a Constantinopla, pero tomando los soldaos la defensa de Sergio como daqué personal, Zacarías hubo de implorar la so proteición pa llibrase del raxón de les tropes.

Mientres el so pontificáu, como quedó indicáu, surdieron dos antipapes, (Teodoro II y Pascual I) y llevóse a cabu la conversión de los frisones. Sergio pudo, amás, escastar la cisma de los obispos d'Istria.

Introdució'l Agnus Dei na misa. Conmemórase-y el 8 de setiembre.

Referencies

↑ Afirmao en: Catholic-Hierarchy.org. Identificador Catholic Hierarchy de persona: sergi. Data de consulta: 13 ochobre 2020. Llingua de la obra o nome: inglés.
↑ Capmany y de Montpalau, Antonio de (1792) Compendiu cronolóxicu-históricu de los soberanos d'Europa..., Ed. Blas Roman. p. 13. [1]

Enllaces esternos

Predecesor:
Conón

Papa
687-701

Socesor:
Xuan VI

[403519a590d2be3943bd697faab24a360621e57d-1] Afirmao en: Catholic-Hierarchy.org. Identificador Catholic Hierarchy de persona: sergi. Data de consulta: 13 ochobre 2020. Llingua de la obra o nome: inglés.

[2] Capmany y de Montpalau, Antonio de (1792) Compendiu cronolóxicu-históricu de los soberanos d'Europa..., Ed. Blas Roman. p. 13. [1]

[1]

[2]