Xurista
| Xurista | |
|---|---|
|
profesión jurídica (es) | |
| profesional | |
|
| |
Xurista (del llatín iurista; col raigañu ius, que significa derechu)[1] o xurisconsultu (llatín: iurisconsultus, güei desusáu)[2] tamién conocíu como espertu llegal o teóricu del derechu, ye una persona qu'investiga y estudia la xurisprudencia (teoría de la llei). Tal persona puede desempeñase como filósofu de derechu, escritor llegal o profesor académicu, etc. Nel Reinu Xuníu, Australia, Nueva Zelanda, Sudáfrica, y en munchos otros países de la Commonwealth, la pallabra xurista utilízase dacuando pa referise a un abogáu pernomáu, ente que nos Estaos Xuníos y Canadá de cutiu utilízase pa referise a un xuez. Asina, un xurista, ye daquién qu'estudia, analiza y comenta la llei, qu'oldea con un abogáu, daquién qu'asesora y defende jurídicamente a un veceru y piensa la llei en términos práuticos. Munchos autores y estudiosos del derechu esplicaron qu'una persona puede ser al empar un abogáu y xurista, pero un xurista nun ye necesariamente un abogáu, nin un abogáu necesariamente un xurista. El xurista tien una amplia conocencia de la "llei". El trabayu del xurista ye l'estudiu, l'analís y la disposición de la llei. Sicasí, el trabayu del abogáu ye la defensa xurídica y l'asistencia xudicial de les persones particulares.
En Llatinoamérica namái s'utiliza'l términu pa faer referencia a los espertos del derechu, en cualesquier de les sos cañes, que llograron algamar un altu nivel de desenvolvimientu teóricu. El términu consiste entós más bien nuna distinción, nuna reconocencia y, en cuanto tal, naide llamar a sí mesmu xurista sinón que la comunidá xurídica nel so conxuntu reconoz a esi daquién como "xurista".
Referencies
[editar | editar la fonte]- ↑ Esti términu apaez nel Diccionariu de l'Academia de la Llingua Asturiana. Ver: xurista
- ↑ Esti términu apaez nel Diccionariu de l'Academia de la Llingua Asturiana. Ver: xurisconsultuu