هومو إيريكتوس

هومو إيريكتوس
معلومات عامة
سمية لعيلمية	Homo erectus (أوجان دوبوا، 1893)
لخاصية د ترتاب	نوع
تابع ل	بشراني
لعيشة
عايش فلفترة	1,900,000 عام قبل لميلاد حتال لألفية 143 قبل لميلاد

لقلقولة ديال هومو إيريكتوس پيكينسيس لي تّكتاشف ف پيكين ف شّينوا.

هومو إيريكتوس (سّميتو لعلمية Homo Erectus و لّي كاتعني: هاداك لّي ناض و وقف على رجليه) هو واحد لݣنس د لقرودا لفوقانيين لّي عاشو بين هادي 2 د لمليون و 300 ألف عام.

هو أول ݣنس كان ميا ف لميا كايمشي على جوج رجلين (لݣنوس بحال لوسطرالوپيتيك و لهاپيليس كانو بين و بين و لأغلبية د لوقت كايتحركو على ربعة). لإيريكتوس كان كايسرح بزاف و كايغامر ل مسافات طويلة و هادشي لّي خلانا ليوم نلقاو لعضوما و لحفريات ديالو ف واحد لمساحة كبيرة: إفريقيا كولها، لجزيرة لعربية و شّام و لعراق و إيران و لهند و صّين و جنوب شرق آسيا. لعولاما كايرجحو أنه هو أول ݣنس د بنادم عمر آسيا.

لهومو إيريكتوس كان صياد واعر زيادة على أنه كان ميخالي و هو لّي خلا ماكلتو تكون منوعة. كان معلم ف تّصياب ديال دوزان و لأدوات د صّيادة من لحجر و لخشب و كتاشف كيفاش يصاوب لعافية هادي 400 ألف عام.

أول شانتيو ديالو تكتاشف ف إندونيسيا ف 1891 و كان لقاه لعالم لهولندي يوجين دوبوا. وكان ديال هومو إيريكتوس مرا.

لفورمة و تّاقيدة ديالو

كايشبه بزاف ل لهومو ساپيانس (بنادم لّي كاين دابا) غير هو مختلف عليه ف شّكل ديال لفك ديالو ب حيت كان مݣدر على ديال لهومو ساپيانس و تقل ب لعضام و زيد عليها أنه ما كانتش عندو لݣادومة و كانت عندو جبّهة مسطحة و عريضة.

• لوسع د لجمجمة: بين 800 و 1200 سم مكعب
• طّول: من ميترو و 50 سانتيم ل ميترو و سبعين
• لوزن: بين 45 و 65 كيلو

تقدر تزيد شوف بزاف د تّصاور و لمعلومات ديال Homo erectus ف ويكيميديا كومنز.