Okavango (kuksa)

Okavango
bost
KIRA
Abrotce	1 600 km-
Kuksaxo	721 258 km²
Bost	Okavango
Celack	475 m³/v-
SALT
Klita	Serra do Moco, Bié azekexa (Angola)
Artexo	Biriskaf bost
Kovoapa	Cuito, Cuchi, Cuebe
TAWAVO
Patecta	Angola  Namibia  Botswana

Okavango bost ( okon portugalavon Cubango ) sotir bareaf bost ke Geefa Afrika emon gu abrotce vas 1600 km-.

Inafa klita poke Huambo widava moe Bié azekexa koe Angola sotigir. Genir aze va jowaki kene Namibia tadler aze koonir aze va salt ko Botswana jiadar.

Okavango tir biriskaf bost nume va welfa somekalnir ; inaf salt va riskapa vas 15 000 km² koe Kalahari letaxo tazukar liz griawir.

Riska tir dem ewalafa is nariltafa is uzdakafa gelawa. Dile bak lanyona tanda edje cel tir gronaf, tani lavaki va Ngami uzda artnir edje ari lavakimi va Zambezi koo Magwekwana kovoama vakorkiron artnir.

Bostxopo ke Okavango

Tumtaxo ta sulem

Riska tir cugunaykafa gola dem yon vedeyaf gerd ta sulemafi bli nume va govitafa apta jontikote bravar. Jontika zveriinda isu moukol isu kabay isu perak isu ruxa blid.

Kotviele remi rodugal riska illaumar, wali alubeakast is saneaksat, mon 200 000 sulemap siudad : fuzol is krapol is kraimol is uzekol is eyundol is rayol is beicekol ikz-.

Afigasuteksafa ginsa

Okavango kuksa koe weda ke Caprivi vema koe valentefa Botswana

Cuito kuksa talton artnisa va Okavango bost

• Yona ewava va Okavango
• 
  Ruxeem ke riska ke Okavango bost
• 
  Okavango bost win gan krey
• 
  Kreyafa ewava va riska ke Okavango bost

• 
  Okavango bost koe Namibia
• 
  Popa Falls rawista koe Namibia
• 
  Popa Falls rawista koe Caprivi vema koe Namibia