Lim körfəzi
| Lim körfəzi | |
|---|---|
| xorv. Limski zaljev | |
| | |
| Ümumi məlumatlar | |
| Ada | İstriya |
| Sahil uzunluğu | 20 km |
| Dərin yeri | 30 m |
| Yerləşməsi | |
| 45°07′55″ şm. e. 13°40′02″ ş. u.HGYO | |
| Ölkə |
|
| Akvatoriyası | |
|
|
|
Lim ( lat. lims — sərhəd; xorv. Limski zaljev) — Xorvatiyanın İstriya yarımadasında körfəz. Körfəz Poreç şəhərindən cənubda, Brsar və Rovin şəhərlərinin yaxınlığında yerləşir. Körfəz hidromorfoloji fenomen hesab olunur. Körfəzi uzun və ensiz olduğuna görə bəzən kanal adlandırırlar. Formasına görə fyordu xatırlatsada əslində riadır. Körfəz Pazinçisa çayının fəaliyyəti nəticəsində formalaşmışdır. İlk vaxtlar dəniz səviyyəsi aşağı olmuş, sonradan dəniz suları çay dərəsini doldurmuşdur[1].
Lim körfəzi Lim dərəsinin bir hissəsi hesab olunur. Körfəz sahildən İstriya yarımadasının mərkəzinə kimi uzanır. Lim dərəsinin ümumi uzunluğu 35 km, körfəzin uzunluğu isə 10 km-dən çoxdur. Lim körfəzinin dərinliyi — 30 m, ən enli yeri isə — təxminən 600 metrdir. Körfəzin hər iki sahil boyu dik dağ silsiləsi uzanır. Dağların nisbi hündürlüyü 100 metrə çatır[2].
1980-cı ilin Up/I 34-1980 qərarına əsasən körfəz akvatoriyası qorunan ərazi elan olub. Körfəz ərazisində çimmək, balıqçılıqla məşğul olmaq və yanacaqla işləyən texnikadan istifadə etmək qadağandır.
Körfəzin suyu az duzludur. Buna səbəb ətraf dağlardan eləcə də körfəz dibində çoxlu şirin su mənbələrinin körfəzə tökülməsidir.
Ərazidə ikitaylıların,şüaüzgəclilərin və bir çox delikates su canlılarının çoxaldılması üçün fermalar fəaliyyət göstərir. Ətraf dağlar sıx meşə örtüyü ilə örtülüdür. Körfəzin şimal hissəsində həmişəyaşıl, cənub hissəsində isə enliyarpaqlı ağaclar üstünlük təşkil edir. Heyavanlardan daha çox vəhşi qabana, tülküyə, porsuqa, marala rast gəlinir[3].
Lim körfəzində, 65 metr dərinlikdə Baredine mağarası var.
1958-ci illərdə körfəzdə "Vikinqlər" filminin çəkilişləri olmuşdur.
İstinadlar
[redaktə | mənbəni redaktə et]- ↑ "Limski zaljev - Istarska enciklopedija". istra.lzmk.hr. 2024-05-20 tarixində arxivləşdirilib. İstifadə tarixi: 2024-05-20.
- ↑ "Rovinj | Beaches | Lim Chanel". web.archive.org. 2013-02-21. Archived from the original on 2013-02-21. İstifadə tarixi: 2024-05-20.
- ↑ Radovan Radovinovič, The Croatian Adriatic, pg. 18, Zagreb (1999), ISBN 953-178-097-8