Fallout 2

Fallout 2
Hazırlayanlar	Black Isle Studios
Yayımlayanlar	Interplay Entertainment
Seriya	Fallout
Buraxılış tarixləri	30 sentyabr 1998
Janr	rol video oyunu
Rejissor	Ferqus Urkhart
Texniki məlumat
Platforma	Microsoft Windows, macOS
Oyun rejimi	birnəfərli oyun
İnterfeysin dili	ingilis dili, fransız dili, alman dili, rus dili
Daşıyıcı	CD-ROM, rəqəmsal distribusiya, rəqəmsal yükləmə[d]
İdarəetmə	kompüter klaviaturası
Rəsmi saytı

Fallout 2: A Post Nuclear Role Playing Game (azərb. Radioaktiv yağıntı 2. Bir postnüvə rol oyunu‎) və ya sadəcə Fallout 2 (azərb. Radioaktiv yağıntı 2‎) — "Black Isle Studios" tərəfindən hazırlanan və "Interplay Entertainment" tərəfindən nəşr olunan növbəyə əsaslanan postapokaliptik açıq dünya rol videooyunu. "Fallout" oyun seriyasındakı 2-ci epizoddur. Oyun 29 oktyabr 1998-ci il tarixində dünya miqyasında "Mac OS X" və "Microsoft Windows" platformaları üçün satışa çıxarılmışdır. Oyunun hadisələri ABŞ-nin Kaliforniya ştatında cərəyan edir. Oyunun əsas hekayəsi özündən əvvəlki "Fallout"un hadisələrindən 80 il sonra, "Böyük müharibə"dən (ing. The Great War) isə 164 il sonra, yəni 2241-ci ildə baş verir

Oyunçu seriyanın birinci epizodunun protaqonisti "sığınacaq sakini"nin nəvəsi "seçilmiş"i idarə edir. Oyunçu personajın vəzifəsi Arroyo kəndindəki primitiv, dinc tayfasını aclıqdan xilas etməkdir. Bu kənd 13 nömrəli sığınacağın keçmiş sakinləri tərəfindən qurulmuşdur və oyunçu personaj onları xilas etmək üçün həmin sığınacağın xarabalıqlarında "Ədən bağı yaratma dəsti" (abreviatur ƏBKG; ing. Garden of Eden Creation Kit, GECK) kimi tanınan qədim ekoloji təmir maşınını tapmaqlıdır. Oyunçu personaj bunu yerinə yetirdikdən sonra tayfasının keçmiş ABŞ federal hökumətinin səlahiyyətinə iddia irəli sürən "Anklav" (ing. Enclave) tərəfindən fəth edildiyini öyrənir. Oyunçu öz tayfasını əsarət və ölümdən xilas etmək üçün onlarla mübarizə aparmalıdır.

"Fallout" tənqidçilər tərəfindən müsbət rəylər almışdır. Müsbət fikirli tənqidçilər oyunun geympleyi və süjet xəttini bəyənmiş, onu orijinal "Fallout"un layiqli davamçısı kimi qiymətləndirmişdir. Buna baxmayaraq, tez-tez müşahidə olunan baqlar və birinci oyunla müqayisədə çox da təkmilləşdirilməməsi videooyunun bir neçə qrup və jurnallar tərəfindən mülayim tənqidlərə məruz qalmasına səbəb olmuşdur.

Xarici keçidlər

• web.archive.org/web/19980710153639/http://interplay.com/fallout2/ — "Fallout 2"-nin rəsmi saytı (ing.)
• Fallout 2 — Internet Movie Database saytında

• Fallout 2 — MobyGames saytında
• Fallout 2 — seriyanın rəsmi Vikiyasında. (ing.) (rus.)