ویکی‌پدیا:واندالیزم
بۇ صفحه ویکی‌پدیا سیاستلریندن بیری ساییلیر. بۇ سیاست چوخلو ایشلدنلر طرفیندن قبول اوْلونماقدادیر و بۆتون ایشلدنلر اونو رعایت ائتمه‌لیدیر. بۇ سیاستلرده هر دییشیک‌لیک اۆچون اؤنجه اوْنون اۆستونده ایجماع اوْلمالیدیر. |
| بۇ صفحه بیر باخیش‌دا: واندالیزم، بیلیک‌لیگه ضرر وئرن فایداسیز عمدی دییشدیرمه‌لره دئییلیر. واندالیزم ویکی قانون‌لارینی پوْزدوغو اۆچون قاباغی کسیلمهلیدیر. |
واندالیزم، خارابکارلیق یوْخسا ییٛخیجیلیق، بیلیک‌لیگه ضرر وۇرماق هدفی ایله بیله-بیله یازی آرتیرماق، آزالتماق یوْخسا دییشدیرمگه دئییلیر.لاپ یایغین واندالیزم‌لر، صفحه‌لری بوْشالتماق، اوْنلاردا یامان-یوْغوز یوْخسا یۆنگول و مربوط اولمایان سؤزلر یازماق‌دیر.
یاخشی نیتله و ویکی یاخشیلاشماسی اۆچون یئنی و ناشی ایشلدنلر طرفیندن ائدیلمیش غلط دییشدیرمه‌لری واندالیزم سایماق اوْلماز.
واندالیزم، ویکی‌پدیا قانون‌لارینی پوْزماق‌دیر، اوْنا گؤره تاپیلیب قاباغی کسیلمهلیدیر. بیر ایشلدنین خارابکارلیغیندان آرخایین اوْلورساز، ایداره‌چیلره خبر وئریب، اوْ ایشلدنین دانیشیق صفحه‌سینده آشاغیداکی واندالیزم شابلونلارین بیرینی قوْیون.
نوع‌لار
[دَییشدیر]لاپ یایغین واندالیزم نوع‌لاری بۇنلاردیر:
- بوْشالتماق
- مقاله‌نین هامیسی‌نی یوْخسا بؤیوک بؤلومونو سبب‌سیز سیلمک.
- ایسپم
- تبلیغات یوْخسا ایسپم اوْلان ائشیک‌لیک لینکلر آرتیرماق.
- خارابکار روْبات
- چوْخلو سایی مقاله‌نی بوْشالدیب یوْخسا اوْنا تبلیغ یازی‌لاری آرتیران روْبات یوْخسا برنامه.
- اۇشاق اوْیونو واندالیزم
- صفحه‌لری سیلیب یوْخسا اوْنلارا یۇنگول سؤزلر آرتیرماق.
- گیزلین واندالیزم‌لر
- غلط معلومات‌لار مقاله‌لره آرتیرماق، تاریخ‌لری سبب‌سیز دییشدیرمک و ... .
- ایشلدن صفحه‌لرینده واندالیزم
- ایشلدن صفحه‌لری‌نین یازیلارینی سیلیب یئرینه یامان-یوْغوز یازماق.
- فایل‌لاردا واندالیزم
- سیاسی، توهین‌لی و یا قایناق‌سیز و کوْپی‌رایتی پوْزان فایل‌لاری تکرار-تکرار یۆکله‌مک.
- اتیکت‌لردن سواستفاده
- اتیکت‌لری سبب‌سیز و یئرسیز ایشلتمک
- شابلون‌لاردا واندالیزم.
- داشیما واندالیزمی
- صفحه‌لری معناسیز یوْخسا یامان کلمه‌لره داشیماق.
- یوْللاندیرما واندالیزمی
- مقاله‌لری، دانیشیق صفحه‌لری، فایل‌لار و مؤوجود اوْلمایان صفحه‌لره یوْللاندیرماق.
- باغلانتی واندالیزمی
- باغلانتی‌لاری کوْرلاماق.
- قاباغینی‌آلما واندالیزم
- ویکی‌لشدیرمک، سیل و ... تمیزله‌مه اتیکت‌لرینی مقاله‌لردن سبب‌سیز سیلمک.
- تذکورلری سیلمک
- خارابکارلیق تذکورلری‌نی دانیشیق صفحه‌سیندن سیلمک ده واندالیزم ساییلا بیلر.
- آیریلارین دانیشیقلارینی دییشدیرمک
- آیری ایشلدنلرین ایمضالانمیش یازیلارینی دییشدیرمک. ایستیثنالاری شخصی حمله و توهین‌لری سیلمک و ایمضاسیز یازی‌لارا ایمضاسیز شابلونو آرتیرماق اوْلا بیلر.
- اتیکت‌لری سبب‌سیز و دانیشیق‌دان قاباق سیلمک
- دانیشیق صفحه‌لرینده واندالیزم
- مقاله دانیشیق صفحه‌لرینده آیریلارین دانیشیقلارین آرشیو ائدیب، ایمضاسیز شابلونو آرتیرماق اوْلار، آنجاق اوْنلارین یازیلارینی سیلیب، دییشدیرمک واندالیزم ساییلابیلر. ایشلدنلر اؤز صفحه‌لرینده آیریلارین یازیلارینی سیله بیلرلر.
- سیاستلر صفحه‌لرینده واندالیزم
- ویکی‌پدیانین رسمی سیاست‌لرینی سبب‌سیز و سس‌وئرمه کئچیرمه‌دن قاباق سیلمک یوْخسا دییشدیرمک.
- کوْپی‌رایت واندالیزمی
- کوْپی‌رایتی پوْزان یازی‌لار، فایل‌لار و معلوماتلاری عمداً ویکی‌پدیایا آرتیرماق.
- حساب یاراتما واندالیزمی
- بیله-بیله توهین‌لی آدلا حساب یاراتماق.
- تبلیغ
- فرقلی موضوع‌لاری اوْلان صفحه‌لرده اؤز سایت، وبلاق و یا ایمئیل آدرسینیزی یئرلشدیرمک.
هانسی ایشلر واندالیزم دئییل؟
[دَییشدیر]بعضی حرکتلر واندالیزمه اوْخشاسا دا٬ واندالیزم ساییلماییر. بۇ حرکتلر آشاغی‌داکیلاردیر:
تجرۆبه‌سیز ایشلدنلرین تست دییشیکلیکلری. تجروبه‌سیز ایشلدن «دییشدیر» دۆیمه‌سینی گؤررکن دوْغوردان دا نه‌یسه دییشدیرمه ائده بیله‌جگینه آرخایین اوْلماق اۆچون دۆیمه‌یه باسیب متنه معناسیز علاوه‌لر ائدیر. بۇ واندالیزم دئییل! بئله اوْلان حالدا داها تجروبه‌لی ایشلدنلر اوْنو سالاملامالی و اوْنا قارالاما دفترینه یوْل گؤسترمه‌لی‌دیرلر.
تجروبه‌سیز ایشلدنین گئنیشلندیریلمیش تست دییشیکلیکلری. بعضاً تجروبه‌سیز ایشلدن مقاله‌نی معناسیز مقاله‌یه چئویره و یا تامام ایله اوْخوناقسیز حالا سالا بیله‌جگینی یوْخلاماق ایسته‌ییر. اوْنون اۆچون ساده‌جه ویکی‌نین ایمکانلارینی اؤیرنمک ماراقلی اوْلور. اگر اوْنون بۇ دییشیکلیکلری لغو اوْلونسا و یا اوْنا تؤوصیه یازیلسا بۇ ایشینه سوْن قوْیار. آمّا تجروبه‌سیز ایشلدن بۇندان سوْنرا دا بۇ جۆر «تستلری» داوام ائتدیررسه٬ اوْنون حرکتلری آرتیق واندالیزم ساییلیر.
ویکی‌نین ایمکانلاری‌نین اؤیرنمه‌سی.بعضی ایشلدنلر ویکی‌نین ایمکانلارینی اؤزلری اۆچون قیسا زاماندا مۆعیّن‌لشدیره بیلمه‌ییرلر. بۇندان اؤترو اوْنلارا داخیلی و خاریجی لینکلر٬ جدوللر و ... اوستونده تست آپارماغا واقت لازیم اوْلور. بئله ایشلدنلری خارابکار کیمی دانیشیغا چیخارماقدانسا٬ اوْنلارا ویکی‌نین تانیش اوْلمادیقلاری ایمکانلارینی توضیح وئرین و یا موافیق معلومات صفحه‌لرینه٬ خۆصۇصی ایله ده دییشدیرمه قایدالاری صفحه‌سینه یوللاندیرین.
طرفسیزلیگین رعایت اوْلونماماسی. طرفسیزلیک‌له مقاله‌لر یازماق اوْ قدر ده آسان دئییل. ویکی‌پدیانین چوْخ تجرۆبه‌لی ایشلدنلری بئله بعضاً بۇ معنادا قۆصۇرلو مقاله‌لر یارادیرلار. دئمک اوْلار هر بیر اینسان اؤز قناعتلرینی (بعضاً سهو اوْلان) آیری‌نین قناعتلریندن یوخاری تۇتور. اینسان طبیعتی‌نین بۇ خۆصۇصیّتی مۆثبت خۆصۇصیّت کیمی قیمت‌لندیریلمه‌سه ده٬ واندالیزم حساب اوْلونماییر.
جسارتلی دۆزلیشلر. ان اساس ویکی‌پدیا اصل‌لریندن بیری - «جسور اوْل!» اصلیدیر. بعضی ویکی‌پدیاچیلار مقاله‌لرین کئیفیّتینی یاخشی‌لاشدیرماق مقصدی ایله اوْنلاردا بؤیوک دۆزلیشلر ائدیرلر. یازدیغینیز متنین بؤیوک قیسمتی‌نین سیلیندیگی و یا جیدّی صورتده دییشدیریلمه‌سینی گؤرمک سیزه خوْش اوْلماسا دا٬ بۇ حرکت واندالیزم دئییل. بیلیجی ویکی‌پدیاچیلار جسارت و سئوگینی بیر آرادا بیرلشدیرمه‌یی باشاریرلار.
شخصی تدقیقاتلارین آرتیریلماسی. شخصی تدقیقاتلارین آرتیریلماسی ویکی‌پدیادا بۇ ایشی قاداغان ائدن اصله ضیدّ اوْلسا دا٬ واندالیزم دئییل.
سهولر. سهولر واندالیزم ساییلماییر. اگر مقاله‌ده سهو معلوماتین یئر آلدیغینی دۆشونورسه‌نیز٬ گۆمانلارینیزین دوْغرو اوْلوب-اوْلمادیغینی آراشدیرین و یا مسأله‌لری مقاله یازاری ایله دانیشین. اگر یازار سیزین توضیحلرینیزه اهمیت وئرمه‌دن سهو معلوماتلاری یئنه ده مقاله‌یه آرتیریرسا٬ اوْنلارین بۇ حرکتی‌نین سببلرینی آراشدیرماغا چالیشین.
شخصی تهدیدلر و تحقیرلر. ویکی‌پدیا اصلینه گؤره قاداغان اوْلونسا دا٬ واندالیزم دئییل.
گؤزلنیلمز دییشیکلیکلر. مقاله‌لره ائدیلن غئیری-عادی اۆسلۇبلو دۆزلیشلر اوْنلارین یازارلارینی خارابکار آدلاندیرماغا اساس وئرمه‌ییر. مثلاً٬ ایشلدنلرین هانسیسا مقاله‌ده دَیرلی دۆزلیشلر ائدندن سوْنرا دییشدیرمه قیساسیندا «سالام٬ من علی‌یم!» یازیرسا٬ اوْ خارابکار دئییل. ساده‌جه تجرۆبه‌سیز ایشلدندیر. بئله ایشلدنلره دوْست‌جاسینا دییشدیرمه قیساسینی نه شیکلده یازماق لازیم اوْلدوغونو باشا سالین. اوْنو بلوکلامایین و دییشیکلیک‌لرینی لغو ائتمه‌یین.
لج ائتمک. اکثریت سس‌وئرمه و دانیشیق‌لاری ترسینه دییشدیرمه ائدیب، قایتاریش ائتمک، ۳ قایتاریش پوْزونتوسو قانونونا مشمول اوْلا بیلر، آنجاق واندالیزم دئییل.
شابلون‌لار
[دَییشدیر]| شابلون | نتیجه | یئری | ||
|---|---|---|---|---|
| {{واندالیزم تذکوری۱}}~~~~ | سلام! صفحه‌لرده ائتدیگینیز دییشدیرمه‌لر، خارابکارلیق ساییلیر، لۆطفاً ال دایاندیرین. تمرین اۆچون قارالاما دفترینه گئدین. داها آرتیق معلومات اۆچون کؤمک صفحه‌سینه باخین. |
واندالیزم ائدیب، آنجاق پیس نیتی هله‌لیک بللی اوْلمایان ایشلدنین دانیشیق صفحه‌سینده بۇ شابلونو قوْیون. | ||
| {{{واندالیزم تذکوری۲}}~~~~ | سیز ویکی‌پدیا سیاست‌لرینه گؤره، خارابکار بیر ایشلدن تانیلیبسینیز. ویکی‌پدیاداکی رفتارلارینیزی دییشدیرین، یوْخسا موقت و یا دایمی صورتده باغلاناجاقسینیز. |
بۇ سوْن تذکوردور. | ||
| {{خارابکار}}~~~~ |
|
بۇ شابلون، واندالیزم و فایداسیز دییشدیرمه‌لر ائدیب پیس نیتی بللی اوْلان ایشلدنین دانیشیق صفحه‌سینده قوْیولور. | ||
| {{یامانلاما تذکوری}}~~~~ | سالام! ویکی‌پدیا، دانیشیق و مقاله صفحه‌لرینده یامان-یوْغوز یازماق و آیری ایشلدنلری یامانلاماق یئری دئییل. بئله ایشلر سیزین ایداره‌چیلر طرفیندن باغلانیشینیزا باعیث اوْلا بیلر. |
مقاله‌لرده و دانیشیق صفحه‌لرینده یامان-یوْغوز آرتیران ایشلدنین، دانیشیق صفحه‌سینده قوْیولور. |
آی‌پی آدرس‌لرینی تاپماق
[دَییشدیر]İP آدرسلری‌نین یییه‌سینی آشاغیداكی لینک‌لرله تاپماق اولار :
- ARIN (شومالی آمریکا)
- RIPE NCC (اوروپا, اورتاشرق و مركزی آسیا)
- APNIC (شرقی آسیا)
- LACNIC (لاتین آمریكا و كارائیب آدالاری)
- AfriNIC (آفریقا)
- IPLigence (بوتون دونیا)
بیرده باخ
[دَییشدیر]| عومومی باخیش | |
|---|---|
| عومومی اصل‌لر | |
| مؤحتوا سیاستلری | |
| آیری مؤحتوا سیاستلری | |
| مؤحتوا تاپشیریقلاری | |
| داورانیش سیاستلری | |
| داورانیش تاپشیریقلاری | |
| دییشدیرمه تاپشیریقلاری | |
| ویکی‌مدیا تشکیلاتی | |