Sarojini Naidu

Sarojini Naidu
Naidu sa sarong 1964 selyo nin Indya
1st Governor of United Provinces
Termino 15 Agosto 1947 – 2 Marso 1949
Suminunod ki	Pwesto natugdas
Sinundan ni	Hormasji Peroshaw Mody
Presidente kan Kongreso Nasyonal nin Indya
Termino 1925–1926
Suminunod ki	Mahatma Gandhi
Sinundan ni	S. Srinivasa Iyengar
Personal na mga detalye
Kamundagan	Sarojini Chattopadhyay (1879-02-13)13 Pebrero 1879 Hyderabad, Hyderabad State, British India
Kagadanan	2 Marso 1949(1949-03-02) (edad 70) Lucknow, United Provinces, Dominion of India
Nasyunalidad	Indyano
Partido politikal	Indian National Congress
Agom	Govindarajulu Naidu (1898–1949)
Mga aki	5; pati na si Padmaja
Alma mater	King's College London Girton College, Cambridge
Kasibotan	Aktibistang politikal, pararawit
(Mga) gaha	Bharat ki bulbul
Sarojini Naidu Genre lyric poetry Tuyo Indian nationalism Bantog na gibo The Golden Threshold "In the Bazaars of Hyderabad" Lagdâ

Si Sarojini Naidu (née Chattopadhyay; 13 Pebrero 1879 – 2 Marso 1949) sarong Indyanong aktibistang politikal asin pararawit. Tagatulod nin deretso sibil, emansipasyon nin babae, asin kontra-imperyalismo, siya importanteng pigura sa Pakikipagtusay nin Indya laban sa kolonyalismo. An trabaho ni Naidu komo sarong pararawit, nagtao saiya nin bansag na 'Nightingale of India', o 'Bharat Kokila' ni Mahatma Gandhi huli sa kolor, paglaladawan asin kalidad na lirikal kan saiyang mga rawitdawit.

Namundag sa Bengaling pamilya, sa Hyderabad, si Chattopadhyay nag'adal sa Madras, London asin sa Cambridge. Pakalihis kan saiyang mga taon sa Inglaterra, kun saen siya nagtrabaho bilang sufragista, siya naganyat magtapsok sa hiron kan Indian National Congress para sa katalingkasan kan Indya asin pagkalungkas sa pamomoon kan Briton. Siya nagin parte kan Indyanong nasyonalismong hiron asin maigot na parasunod ni Mahatma Gandhi sin sa ideya kaining swaraj. Si Naidu inagom si Govindarajulu Naidu, sarong doktor kan 1898. Siya nanombrahan na Presidente kan Indian National Congress kan 1925 asin ngapit nagin Gobernador kan mga Probinsyang Unido kan 1947, asin siya iyo an enot na babaeng nagkapot kan opisyong Gobernador kan Dominion nin India.

An mga rawitdawit ni Naidu kabarali an mga pan-aki asin mga rawit na dapit sa mas seryosong bagay arog kan patriotismo, romansa asin trahedya. Publikado kan 1912, an "In the Bazaars of Hyderabad" iyo an sagkod ngonyan pinakapopular na rawit niya. Siya nagadan sa atake sa puso kan 2 Marso 1949.