Jump to content

Satish Gujral

Gikan sa Bikol Sentral na Wikipedia, an talingkas na ensiklopedya
Satish Gujral
Si Gujral kan Desyembre 2017
KamundaganSatish Gujral
(1925-12-25)25 Desyembre 1925
Jhelum, Punjab, Briton na Indya
Kagadanan26 Marso 2020(2020-03-26) (edad 94)
New Delhi, Delhi, Indya
NasyunalidadIndyano
EdukasyonMumbai
Midbid bilangIndyanong Artista, Pag-iskulta, Mural & Pagsurat
AgomKiran
Mga gawadPadma Vibhushan 1999

Si Satish Gujral (25 Desyembre 1925 – 26 Marso 2020)[1] sarong Indyanong pintor, eskultor, muralista asin parasurat kan sa post-independyenteng anoy.[2] Siya nagawaran kan Padma Vibhushan, an ikaduwang pinakahalangkaw na onrang sibilyan na gawad kan Republika nin Indya, kan 1999. An matua niyang tugang, si Inder Kumar Gujral, Primer Ministro nin Indya pag'ultan nin 1997 asin 1998.

Kaamayi kan buhay

[baguhon | baguhon an source]

Si Gujral namundag sa Jhelum sa Probinsya Punjab nin Indyang Briton (ngonyan sa Punjab, Pakistan) sa sarong Punjabi Hindu Khatri'ng pamilya.[3] Kan siya madakit sa sarong tulay sa Kashmir lunad sa karag na karetela, siya nagpalos asin nahulog sa salog, na nagresulta sa pagkabungog niya, na 62 taon nakalihis naremedyuhan sa operasyon.[4]

Edukasyon

[baguhon | baguhon an source]

Huli sa problema niya sa pagkabungog, dakul mga eskwelahan dai nag'aako saiya. Sarong aldaw may nata'naw siyang gamgam nakatugdon sa sanga saka pigdrowing niya ini. Duman nahiling an an interes niya sa pagpintura asin kan 1939, siya nagbali sa Mayo School of Arts sa Lahore, sa pag'adal nin applied arts. Si Gujral naghubo' sa Bombay kan 1944 asin nag'enrol sa the Sir JJ School of Art. Kan 1947, huli sa balik-balik na helang, siya napiritan na magbutas sa pagklase asin maghale sa Bombay.

Kan 1952, si Gujral nakaresibi nin scholarship na mag'adal sa Palacio de Bellas Artes sa Siyudad nin Mehiko, kun saen siya nagpeyon wsa bantogan na artistang si Diego Rivera asin David Alfaro Siqueiros.[5]

Sarong mural gibo ni Satish Gujral sa kampus nin Punjab Agricultural University sa Ludhiana, Punjab

Trabaho

[baguhon | baguhon an source]

Si Pagbaranga' kan Indya asin an pigdulot na agoniya sa mga imigrante nakaunong na gayo sa hubin pang si Satish asin ta ini naladawan sa mga ginigibo niyang mga muknang arte. Poon 1952 abot 1974, si Gujral nag'organisar kan saiyang mga trabaho sa eskultura, pinta, asin grapika sa mga siyudad sa enterong kinaban, sa New York City, New Delhi, Montreal, Berlin asin Tokyo, asin iba pang lugar.[6]

Si Gujral iyo man an arkitekto asin kagdesenyo kan Embahada nin Belgium sa New Delhi na ini napili sa sarong internasyonal na forum nin mga arkitekto bilang saro sa mahusay na edipisyo igdi sa ika-20ng siglo.

Personal na buhay

[baguhon | baguhon an source]

Si Gujral kasaro saiyang agom na si Kiran sa New Delhi. An saindang aki na si Mohit Gujral, na arkitekto man, naagom an dating modelong si Feroze Gujral. Sinda igwa man 2 aking babae, si Alpana, sarong paradesenyo nin alahas, asin si Raseel Gujral Ansal, sarong interior designer saka kagsadiri kan Casa Paradox & Casa Pop, na agom man si Navin Ansal.[7]

Si Satish tugang si I. K. Gujral, an ika-12 Primer Ministro nin India.[8]

[baguhon | baguhon an source]

Dinosena na an mga dokumentaryo na nagrekord kan mga trabaho ni Gujral. An Films Division of India nagprodyusir nin halipot na pelikulang dokumentaryo kan buhay niya, titulado Satish Gujral, pigdirihe ni Balwant Gargi na nagladawan kan saiyang buhay asin mga trabaho.[9]

Siya parte man kan 2007 BBC na pelikulang pangtelebisyon, Partition: The Day India Burned. Sarong 24-minutong dokumentaryo inapod "A Brush with Life" na ipinaluwas kan 15 Pebrero 2012 na ini pinasikad sa saiyang sadiring libro na may darang parehong titulo. Apat na kan saiyang libro an napublikar na, kabali diyan saiyang autobiograpiya.[10]

Pasib

[baguhon | baguhon an source]

Si Gujral nagawadan kan ikaduwang pinakahalangkaw na onra nin Indya para sa sibilyan an Padma Vibhushan kan 1999. Kan Abril 2014, siya pigduholan kan onrang NDTV Indian of the Year Award.[11]

Toltolan

[baguhon | baguhon an source]
  1. ↑ "Renowned artist Satish Gujral passes away at 94". GlobalNewshut (in English). 2020-03-26. Archived from the original on 2020-03-26. Retrieved 2020-04-03. 
  2. ↑ "Archive News". The Hindu. 2011-03-17. Archived from the original on 2011-03-23. Retrieved 2016-12-01.  Unknown parameter |url-status= ignored (help)
  3. ↑ "Satish Gujral, an invaluable pearl of the Indian art world". Newstrackindia.com. 2008-01-01. Retrieved 2016-12-01. 
  4. ↑ "'When the first wave of sound hit me, I screamed out: I hear firecrackers!'". Rediff.com. 9 September 1998. Retrieved 3 May 2017. 
  5. ↑ "Memories of partition and more from ace artist Satish Gujral". Sify.com. Archived from the original on 2016-09-16. Retrieved 2016-12-01.  Unknown parameter |url-status= ignored (help)
  6. ↑ "Satish Gujral". famouspunjabi.com. Archived from the original on 29 June 2015. Retrieved 27 June 2015. 
  7. ↑ Rashmi Hemrajani (2013-03-13). "Art-inspired jewellery | Latest News & Updates at Daily News & Analysis". Dnaindia.com. Retrieved 2016-12-01. 
  8. ↑ Hebbar, Nistula (2020-03-27). "Satish Gujral passes away at 94" (in en-IN). The Hindu. ISSN 0971-751X. https://www.thehindu.com/news/national/satish-gujral-passes-away-at-94/article31178795.ece. 
  9. ↑ "SATISH GUJRAL | Films Division". filmsdivision.org. Retrieved 2021-06-12. [permanent dead link]
  10. ↑ "The Official Website". Satish Gujral. Retrieved 2016-12-01. 
  11. ↑ "Amjad Ali Khan, Satish Gujral honoured with NDTV Indian of the Year Award". IANS. news.biharprabha.com. Retrieved 29 April 2014. 

Mga panluwas na takod

[baguhon | baguhon an source]
Kinua sa "https://bcl.wikipedia.org/w/index.php?title=Satish_Gujral&oldid=278165"