Fatmawati
Fatmawati inggih punika rabi saking Présidén Indonésia sané kapertama Soékarno. Dané madué wastan sujati Fatimah, embas ring Bengkulu, 5 Fébruari 1923, tur padem ring Kuala Lumpur, Malaysia, tanggal 14 Méi 1980, ri tatkala mayusa 57 warsa. Dané dados Ibu Negara Indonésia pertama saking warsa 1945 ngantos warsa 1967, tur dados rabi katiga saking présidén kapertama Indonésia. Dané taler kasub krana jasanyanné krana nyait Bendéra Pusaka Sang Saka Mérah Putih, sané kakibarang ri tatkala upacara Proklamasi Kemerdékaan Indonésia magenah ring Jakarta tanggal 17 Agustus 1945.
Fatmawati madué rerama sané mawasta Hasan Din miwah Siti Chadijah.[1] Reramannyané punika pinaka keturunan saking Putri Indrapura, silih tunggil kulawarga raja saking Kesultanan Indrapura, Pesisir Selatan, Sumatra Barat. Ajinnyané dados silih tunggil pengusaha miwah tokoh Muhammadiyah ring Bengkulu. Ring warsa 1 Juni 1943, dané mawiwaha sareng Soékarno, sané dados présidén kapertama ring Indonésia. Ring pawiwahan puniki, dané madué limang putra miwah putri, inggih punika Guntur Soekarnoputra, Megawati Soekarnoputri, Rachmawati Soekarnoputri, Sukmawati Soekarnoputri, miwah Guruh Soekarnoputra. Ring tanggal 14 Méi 1980, dané padem krana serangan jantung ri tatkala ring margané saking Mekkah, salanturnyané dané katanem ring Karét Bivak, Jakarta.
Awarsa sasampun pawiwahan punika, Jepang masatya pacang ngicénin negara Indonésiané kamahardikayan. Bendéra Merah Putih taler dados kakibarang miwah gending Kebangsaan Indonésia Raya kaicénin kagendingang. Ibu Fatmawati madué pikenoh indik negara puniki pacang ngamerluang kawéntenan bendéra Mérah Putih antuk kakibarang ring Pegangsangan 56. Ritatkala galah punika nénten dangan ngrereh kain barak miwah putih, raos Chaerul Basri ring suratannyané sané mamurda "Merah Putih, Ibu Fatmawati, dan Gedung Proklamasi". Suratan punika magenah ring Harian Kompas, 16 Agustus 2001. Sarana-sarana saking ékspor impor, makasami kadruwénang olih Jepang, yéning jagi ngrereh patut kisi-kisi, suratnyané.
Fatmawati prasida ngamolihang kain barak putih, krana polih wantuan saking Shimizu, silih tunggil jadma sané katunjuk dados perantara ring perundangan Jepang-Indonésia. Shimizu mautsaha sareng silih tunggil jadma sané madué kuasa ring Jepang, sané dados kepala gudang ring Pintu Air, ring arep Bioskop Capitol sané sampun lintang. Bendéra punika kakibarang ri tatkala Proklamasi Kemerdékaan Indonésia.
Dané nyait bendéra punika sané kainnyané dangan hancur. Ritatkala punika, dané taler sedek mabot ageng tur sampun galahnyané nglekadang putrannyané sané kapertama inggih punika, Guntur Soékarnoputra. Dané ketah ngetélang yéh peningalan ri tatkala nyait bendéra punika. Ritatkala nampek galah nglekadang Guntur, titiang maksayang raga antuk nyait bendéra Mérah Putih punika nganggén mesin jait Singer sané kajalanang nganggén tangan manten. Krana dokter nénten ngicénin nganggén cokor antuk ngerakang mesin jait punika, raos Fatmawati ring buku sané kasurat olih Bondan Winarno.[2]
- ↑ Nastiti, Dwi (2017-05-04). "PERBEDAAN KECEMASAN DALAM MENGHADAPI MENOPAUSE ANTARA IBU BEKERJA DENGAN IBU TIDAK BEKERJA". HELPER : Jurnal Bimbingan dan Konseling. 33 (1). doi:10.36456/helper.vol33.no1.a609. ISSN 0216-2938.
- ↑ Media, Kompas Cyber (2020-08-16). "Profil Ibu Fatmawati Soekarno dan Kisahnya Menjahit Sang Merah Putih..." KOMPAS.com (ring Indonesia). Kaaksés 2021-08-15.