Gray Matter Interactive

Gray Matter Interactive — амэрыканская студыя па распрацоўцы кампутарных гульняў, якая ў цяперашні час не існуе.

Першапачаткова студыя Gray Matter Interactive мела назву Xatrix Entertainment, Inc. і першую сваю гульню — «Cyberia» — выпусьціла ў 1994 годзе. У 2000-х гадах кампанія зьмяніла назву на Gray Matter Interactive. У 2002 годзе кампанію набыў адзін з найбуйнейшых амэрыканскіх выдаўцоў і распрацоўшчыкаў кампутарных гульняў — кампанія Activision; Gray Matter Interactive стала яе філіялам. Як філіял, студыя распрацавала частку гульні Return to Castle Wolfenstein для аднаго гульца, а частка гульні для некалькіх гульцоў была створаная кампаніяй Nerve Software. Гульня Call of Duty: United Offensive была распрацаваная выключна сіламі Gray Matter. Над апошняй сваёй гульнёй — Call of Duty 2: Big Red One — Gray Matter працавала ў шчыльным супрацоўніцтве з Treyarch. Пасьля выпуску гэтай гульні ў 2005 годзе штат супрацоўнікаў Gray Matter быў паглынуты ў штат да Treyarch і з гэтага моманту фактычна дзейнасьць Gray Matter Interactive як асобнай студыі была спыненая. Пасьля гэтага зьліцьця студыяў некаторыя супрацоўнікі сышлі з Treyarch, а некаторыя засталіся.

Гульні, распрацаваныя як Gray Matter

• Call of Duty 2: Big Red One (у супрацоўніцтве з Treyarch)
• Call of Duty: United Offensive
• Return to Castle Wolfenstein (толькі частка для аднаго гульца)
• Tony Hawk's Pro Skater 2 (ПК-вэрсія)
• Trinity: The Shatter Effect (гульня была скасаваная кампаніяй Activision)

Гульні, распрацаваныя як Xatrix Entertainment

• Kingpin: Life of Crime
• Quake II: The Reckoning (дадатак)
• Redneck Deer Huntin'
• Redneck Rampage Rides Again
• Redneck Rampage
• Cyberia 2 «Resurrection»
• Cyberia

Вонкавыя спасылкі

• Афіцыйны сайт Gray Matter Interactive
• Артыкул пра скасаваньне распрацоўкі Trinity
• Інфармацыя і скрыншоты пра Trinity