Луіза Інгрэм Рэйнэр

Луіза Інгрэм Рэйнэр
	Луіза Інгрэм Рэйнэр
Дата нараджэньня	21 чэрвеня 1832
Месца нараджэньня	Матлак-Бат[d], Дэрбішыр-Дэйлз[d], Дэрбішыр[d], Дэрбішыр, Ангельшчына, Вялікабрытанія[d];
Дата сьмерці	8 кастрычніка 1924 (92 гады)
Месца сьмерці	Сент-Леанардс-он-Сі[d], Гастынгс[d], Усходні Сасэкс[d], Усходні Сасэкс, Вялікабрытанія;
Занятак	мастачка
Навуковая сфэра	малярства
Жанры	акварэль
	Луіза Інгрэм Рэйнэр у Вікісховішчы

Луіза Інгрэм Рэйнэр (па-ангельску: Louise Ingram Rayner; 21 чэрвеня 1832 — 8 кастрычніка 1924) — ангельская мастачка-акварэлістка.

Біяграфія

Луіза нарадзілася ў Матлак Бат (Matlock Bath) у Дэрбішыры^[2]. Яе бацькі, Сэм'юэл (Samuel Rayner) і Эн Рэйнэр (Ann Rayner) абодва былі вядомымі мастакамі, Сэм'юэл быў дапушчаны да выставы ў Каралеўскай акадэміі мастацтваў у пятнаццацігадовым узросьце. Чатыры сястры Луізы — Эн, Маргарэт, Роза і Францыс — і яе брат Рычард таксама былі мастакамі. Сям'я жыла ў Матлак Баце і Дэрбі да пераезду ў Лёндан у 1842 годзе.

Луіза вучылася маляваць з 15 гадоў пад кіраўніцтвам бацькі і сяброў сям'і, сярод якіх быў Робэрт Дэйвідс. Першая яе выстаўленая ў 1852 годзе ў Каралеўскай акадэміі мастацтваў праца звалася «The Interior of Haddon Chapel»; яна была намаляваная алеем. З 1860-х, аднак, Луіза малюе акварэльлю; яна выстаўлялася з акварэльнымі працамі ў Таварыстве лэдзі-мастачак (Society of Lady Artists), Каралеўскай акадэміі мастацтваў, Каралеўскім акварэльным таварыстве (Royal Watercolour Society) і Каралеўскім таварыстве брытанскіх мастакоў (Royal Society of British Artists).

Луіза жыла ў Чэстэры ў валійскай марцы, але шмат падарожнічала ўлетку 1870-х і 1880-х, малюючы брытанскія сцэнкі. Яе малюнкі надзвычай дэтальныя, у іх глыбокі пэрспэктыва; на сёньняшні дзень яны папулярныя пры стварэнтні пазлаў. У 1910 годзе Луіза пераехала да сястры ў Танбрыдж Уэйлз, далей — у Сэнт Леанардс-он-Сі, дзе памерла ў 1924 годзе.

Айрангейт (Irongate) — Луіза Інгрэм Рэйнэр, Музэй і мастацкая галерэя Дэрбі

Работы Луізы захоўваюцца ў Бортмунце, Музэі і мастацкай галерэі Дэрбі^[3] і іншых музэях.

Крыніцы

^ ^а ^б Louise Ingram Rayner // Benezit Dictionary of Artists (анг.) — OUP, 2006. — ISBN 978-0-19-977378-7
^ Simon Fenwick, ‘Rayner, Samuel (1806—1879)’, Oxford Dictionary of National Biography, Oxford University Press, 2004 accessed 14 Feb 2011
^ Louise Rayner Irongate. Picture the Past. Праверана 23 January 2011 г.

Літаратура

Simon Fenwick, «Rayner, Samuel (1806—1879)», Oxford Dictionary of National Biography, Oxford University Press, 2004 accessed 26 June 2007

Вонкавыя спасылкі

Louise Rayner DudleyMall page featuring many works (анг.)
Louise Rayner Artist Information site by relative (анг.)

[_410730bba1ea096d-1] а ^б Louise Ingram Rayner // Benezit Dictionary of Artists (анг.) — OUP, 2006. — ISBN 978-0-19-977378-7

[2] Simon Fenwick, ‘Rayner, Samuel (1806—1879)’, Oxford Dictionary of National Biography, Oxford University Press, 2004 accessed 14 Feb 2011

[ptp-3] Louise Rayner Irongate. Picture the Past. Праверана 23 January 2011 г.

[1]

[2]

[3]