Дом з шыпамі

жылы дом
Дом з шыпамі
Casa de les Punxes (Casa Terrades)
Дом з шыпамі
41°23′52,50″ пн. ш. 2°09′49,26″ у. д.
Краіна	Іспанія
Горад	Барселона
Архітэктурны стыль	каталонскі мадэрн[d]
Архітэктар	Жазеф Пуідж і Кадафалч
Першае згадванне	1903
Будаўніцтва	1903—1905 гады
Статус	Аб'ект культурнай спадчыны
Стан	функцыянуе
Сайт	casalespunxes.com
Медыяфайлы на Вікісховішчы

Дом з шыпамі (катал.: Casa de les Punxes, ісп.: Casa Terrades) — будынак у Барселоне ў раёне Эшампле, пабудаваны ў 1905 годзе па праекце архітэктара-мадэрніста Жазепа Пуга. Будынак займае квартал паміж праспектам Дыяганаль, вуліцай Брук і вуліцай Расельё.

Гісторыя

Будаўніцтва

Дом быў пабудаваны па замове трох сясцёр Тэрадэс, гэта стала прычынай надання яму другой назвы: «Дом Тэрадэс» (Casa Terrades). У задачу архітэктара ўваходзіла аб'яднанне трох дамоў, якія належалі сёстрам.

Статус гістарычнага помніка будынак набыў у 1975 годзе, а ў 1980 годзе адбылася капітальная рэканструкцыя.

Змена ўладальніка

У 1991 годзе дом набыло агенцтва Каланіял. У 2003 годзе была завершана яшчэ адна рэканструкцыя, блізкая да арыгінальнага праекту архітэктара. Дом быў выстаўлены на таргі і прададзены прыватнаму пакупніку. У цяперашні час Дом з шыпамі знаходзіцца ў прыватнай уласнасці і не з'яўляецца аб'ектам наведванняў, агляд будынка магчымы толькі з вуліцы.

Кампазіцыя

Назву «Дом з шыпамі» будынак атрымаў з-за шасці канічных вежаў са шпілямі. Дом выходзіць фасадамі адначасова на 3 вуліцы: Брук, Расельё і Авінгуда Дыяганаль. Дом наследуе архітэктуру сярэднявечных замкаў, выкананы з захаваннем канцэптуальных архітэктурных рашэнняў еўрапейскай готыкі. Фасады будынка выкананы ў цэгле і часанага каменя, кожны мае арыгінальнае ўпрыгожанне - з ужываннем разьбы па каменю, дэкаратыўнымі пано. Найбольшую вядомасць мае пано, якое выходзіць на вуліцу Расельё, на якім намаляваны Святы Георгій. Малюнкі на камянях галерэй і балонках будынка выкананы ў стылі мадэрну. Будынак характарызуецца мастацтвазнаўцамі як гібрыд фламандскай ратушы і наследавання сярэднявечнага замку.

Літаратура

• García Espuche, Albert, El quadrat d'or, centre de la Barcelona modernista. Fundació Caixa de Catalunya, 1990, ISBN 84-404-6934-9

Спасылкі

• На Вікісховішчы ёсць медыяфайлы па тэме Дом з шыпамі
• Апісанне і выявы Дома з шыпамі (ісп.)