Баменда (таксама вядомы як Абаква і Манкон; англ.: Bamenda, фр.: Bamenda) — горад у Камеруне, адміністрацыйны цэнтр Паўночна-Заходняга рэгіёна і дэпартамента Мезам. Насельніцтва — 269 тысяч чалавек (2005). Горад размешчаны за 366 км на паўночны захад ад сталіцы Камеруна, горада Яўндэ і вядомы сваім прахалодным кліматам, пагорыстай мясцовасцю і маляўнічым становішчам.
Як і ў любым цэнтры рэгіёна, у Бамендзе размешчана мноства рынкаў, банкаў і офісаў. Асновай прамысловасці з’яўляецца перапрацоўка сельскагаспадарчай прадукцыі, галоўным чынам кавы. У Бамендзе размешчана некалькі культурных аб’ектаў, такіх як палац Манкон, з нядаўна пабудаваным музеем, а таксама палац Балі, на тэрыторыі якога маюцца старажытныя архітэктурныя збудаванні.
Дордрэхт, Нідэрланды (1993)